Спорт
„Катарскиот шеик на Меси му го украде најголемиот момент во кариерата“
![](https://makfax.com.mk/wp-content/uploads/2022/12/4c184e3b-b311-4a04-a90d-eeb11327925e.jpg)
Шеикот на Катар и газдата на ПСЖ, Тамим бин Хамад Ал Тани, синоќа на Лионел Меси му го украде најзначајниот момент во кариерата. Во моментот кога Меси од првиот човек на ФУФА, Џани Инфантино требаше да го прими шампионскиот трофеј, на сцена стапи Ал Тани.
Шеикот го завитка капитенот на новите светски шапиони во мистериозна црна наметка.
Подоцна се дозна дека се работи за бишт, традиционална наметка што ја носат богатите граѓани на Катар преку облеката во посебни, свечени пригоди.
Овој потег на катарскиот владетел наиде на бројни критики на социјалните мрежи и медиумските коментатори. Сите истакнуваат дека тоа што го направил било наметливо и дека било очигледно дека на Меси му било непријатно да биде облечен во она што не сакал да го носи. Еден од оние на кои тоа воопшто не им се допадна е Бастијан Швајнштајгер.
„Со тој потег владетелот на Катар му го одзеде на Меси најголемиот момент во кариерата. Очигледно е дека тоа не му се допадна на Меси, и мене не ми се допадна. Ако сакаа да ги почитуваат локалните обичаи, можеа да го направат тоа подоцна, во соблекувалната. Сè на сè, многу неуспешен настап“, рече Швајнштајгер, кој за СП беше ангажиран како стручен коментатор на телевизијата АРД.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(Видео) Белгија ја запиша првата победа на ЕП
![](https://makfax.com.mk/wp-content/uploads/2024/06/12320148.jpg)
Фудбалската репрезентација на Белгија ја победи Романија во последниот натпревар од деветтиот ден на ЕП. Во Е групата Белгија победи со 2:0 (1:0). По две кола, сите селекции во Е групата имаат по три бода.
Белгија поведе по само 73 секунди игра. Стрелец беше Тилеманс, со најбрзиот гол на Белгија на големите натпреварувања.
Следеа шанси за Белгија, која доминираше, но Ница блескаше на голот на Романија. Свои шанси имаше и Романија, но и Кастелс беше располошен на голот на Белгија.
Романците поагресивно влегоа во вториот дел. Имаа две пристојни шанси во првите десет минути, но не извлекоа ништо корисно од тоа.
Пото Белгија повторно ја презеде контролата. Во еговиот гол го поништи ВАР поради офсајд.
Дилемите околу победникот ги реши Кевин де Брујне во 80.минута.
Гол-разликата ги држи Романците на првото место, а потоа следат Белгија, Словачка и Украина.
Во третото коло од групата Е се среќаваат Словачка и Романија и Украина и Белгија. Тие натпревари се закажани за среда на 26 јуни од 18 часот.
Спорт
Капитенот на Реал се сели во Саудиска Арабија
![](https://makfax.com.mk/wp-content/uploads/2024/06/012735534003.file_.jpg)
Начо Фернандез (34) по 23 години го напушта Реал, кариерата че ја продолжи во Ал Кадсија.
Фабрицио Романо објави дека поранешниот капитен на Реал веќе ги поминал лекарските прегледи и ќе потпише договор за саудискиот клуб на две години.
Начо пристигнал во Реал во 2001 година од АД Комплутенсе на 11-годишна возраст. Како сениор со Реал ги освои сите значајни клупски трофеи, шест пати ја освои Лигата на шампионите.
Спорт
(Фото) Поради селфиња со Роналдо четири пати во прекин беше натпреварот Португалија-Турција
![](https://makfax.com.mk/wp-content/uploads/2024/06/12319756.jpg)
Португалија без проблеми се справи со Турција во второто коло од групата Ф на ЕП. Португалија победи со 3:0 и го обезбеди првото место во Ф групата.
Покрај одличната игра на Португалија, комичниот автогол на Ајкадин, натпреварот во Дортмунд го одбележа и неверојатно лошата организација на службата за обезбедување.
Четири пати во текот на натпреварот, навивачи влегуваа на теренот за да дојдат до Кристијано Роналдо и да направат селфи со него.
Секако, според правилата на УЕФА, секој од тие упади не беа прикажани во ТВ пренос, но според реакциите од трибините, навивачите беа лути поради егзибициите на оние кои во второто полувреме постојано го прекинуваа натпреварот со што го нарушуваа ритамот на натпреварот.
Што се однесува до стјуардите, тие имаа малку трпение во првите три упади, но во последниот применија сила и грубо го изведоа натрапникот надвор од стадионот.