Спорт
Кавани ја заврши репрезентативната кариера
Легендарниот уругвајски напаѓач Единсон Кавани, кој настапува за Бока Јуниорс, во четврток објави дека се повлекува од националнит тим.
Победникот на Копа Америка од 2011 година, Кавани (37), е втор играч со најмногу настапи во Уругвај (136) и втор стрелец (58) зад Луис Суарез, откако го имаше своето деби на пријателскиот натпревар со Колумбија во февруари 2008 година.
„Тоа беа несомнено многу драгоцени години, би имал илјада работи да кажам, да раскажам и да се сетам, но денес сакам да се посветам на оваа нова фаза од мојата кариера и да го дадам најдоброто од себе таму каде што треба да бидам“, напиша Кавани на Инстаграм.
На клупско ниво, Кавани освои шест титули во Лига 1 и пет Купови на Франција со Пари Сент Жермен помеѓу 2014 и 2020 година. Тој постигна 200 гола во сите натпреварувања за клубот од Париз.
Тој ова лето дојде во Бока откако се раздели со Валенсија. Така Кавани по 16 години се врати во Јужна Америка, откако во 2007 година го напушти уругвајскиот клуб Данубио, а потоа импресионираше како играч на Палермо, Наполи, ПСЖ и Манчестер јунајтед. Во својата блескава кариера Кавани постигна повеќе од 400 гола и беше најдобриот стрелец во историјата на ПСЖ се додека рекордот не го собори Килијан Мбапе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Победата на Реал во сенка на повредата на Карвахал
Реал Мадрид го победи Виљареал со 2:0 во деветотот коло, во Примера. Со овој триумф Реал се изедначи на првото место со Барселона, која утре му гостува на Алавес.
Реал ја потона „жолтата подморноца“ со две торпеда, на Валверде во 14. и Винисиус Жуниор во 73.минута. Виљареал имаше свои шанси кои не ги искористи. Пеп во првото полувреме веднаш по голот на Валверде ја погоди гредата. Во финишот добија пенал, но судијата го поништи откако ВАР покажа дека на пеналот му претходел офсајд.
Интересно Реал на овој натпревар упати само три удари во рамките на голот, два од нив завршија зад грбот на Кунде.
Реал победи, но прашање е колку скапо ја плати победата. Винисиус Жуниор во 78.минута поради повреда на рамото го напушти теренот, а во самиот финиш на натпреварот се повреди и Карвахал, кој мораше да биде изнесен од теренот.
Спорт
(Видео) Три гола на Турам, Интер го победи Торино
Интер го победи Торино с 3:2 во последниот натпревар од саботната програма во Серија А. Интер ја забележа четвртата победа сезонава, а Торно вториот пораз.
Победата на Интер му ја донесе Маркус Турам кој го постигна првиот хет-трик во Серија А. Работата на актуелниот пампион му ја олесни Марипан кој во 20.минута доби црвен картон.
Пет минути подоцна предноста од играч повеќе Интер ја искористи кога Турам го постигна првиот гол. 11.минути подоцна францускиот репрезентативец го постигна вториот гол. Асистент за двата гола беше Бастони.
Само што тргнаа од центарот гостите успеаја да намалат на 2:1 преку Колумбиецот Дуван Запата. По еден час игра Тирам го комплетираше хет-трикот. До крајот на натпреварот, Торино преку Влашиќ од пенал го намали резултатот.
Спорт
(Видео) Јокиќ им одржа говор на играчите на Мега по победата над Дубаи
Дубаи во саботата беше местото за повторното обединување на Никола Јокиќ и клубот во кој за него започна се во неговата кариера.
Кошаркарите на Мега направија мало изненадување, во драматичен натпревар го победија Дубаи со 83:80, а сведок на овој натпревар беше центарот на Денвер, Никола Јокиќ.
Српскиот репрезентативец во Емирсти е со Денвер на мини-турнеја во претсезоната, а во „Кока-кола“ арената му се придружија и неговите соиграчи Дарио Шариќ и Влатко Чанчар До Јокиќ седеше првиот човек на Мега, еден од најмоќните менаџери во кошарката, Ражнатовиќ.
По натпреварот Јокиќ во соблекувалната им одржа краток говор на младите играчи на Мега, кои беа воодушевени од присуството на официјално најдобриот играч во НБА лигата.
„Задоволство ми беше да ве гледам, посакувам уште да ја имам таа желба и таа радост што вие ја имавте денес“.
Овој момент КК Мега го сподели на своите социјални мрежи.
“I wish I still had that joy and enthusiasm that you showed today” 😂🩷 pic.twitter.com/aIgM2R6D8I
— KK Mega (@KKMegaBasket) October 5, 2024