Спорт

Кедира нема да замине во зимскиот преоден рок

Објавено пред

3 месеци

- 30 ноември, 2020

Од

Фудбалерот на Јувентус, Сами Кедира, изјавил дека нема да го напушти клубот во јануарскиот преоден рок. Поранешниот германски репрезентативец, нема одиграно ниту еден натпревар во мандатот на Андреа Пирло, додека минатата сезона кај Маурицио Сари забележал 18 настапи.

Договорот на Кедира со Јувентус истекува по завршувањето на сезоната. Германецот е еден од најплатените фудбалери во тимот. Се шпекулираше дека тој ќе замине во зимскиот преоден рок, но потврдил дека ќе остане во Јувентус до истекот на договорот.

„Сигурно нема да заминам во јануари. Ќе го почитувам она што го пишуа во договорот. Ќе бидам играч на Јувентус до јуни 2021 година“, изјавил за германската телевизија „ЗДФ“, Кедира.

„Ако немаш можност да дадеш се од себе на натпревар, тогаш се обидуваш тоа да го правиш на тренинзите. Кога ќе заминам, сакам навивачите на Јувентус да се сеќаваат дека бев одличен играч. Тоа кај Андреа Пирло е е така, но јас не сум лут. Разбирам како сака да игра тимот“, дополнил светскиот шампион со Германија.

Кедира неколку пати истакнувал дека сака да игра во Премиер лигата. Интерес за неговите услуги покажале Тотенхем и Евертон.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:sport

Следно

Рој Кин: Арсенал ќе соберат доволно бодови за да останат во лигата

Претходно

Тајсон: Пред мечот со Џонс пушев марихуана

Спорт

Интер не го дава врвот – Шкринијар за победа над Аталанта

Објавено пред

59 минути

- 8 март, 2021

Од

TopSport.mk

Интер помина уште една голема пречка на патот до остварување на сонот, освојувањето на скудетото, откако со 1:0 ја совладаа Аталанта на „Сан Сиро“ за со победата над силниот ривал да ја вратат предноста од шест поени пред Милан по 26 од 38 кола во италијанската Серија А.

Аталанта веднаш покажа дека го направила краткиот пат до Милано со желба за победа, откако во првите 20-тина минути ја имаа контролата на топката, додека Интер чекаше шанса за контра-напад. Двата тима немаа многу шанси во првото полувреме, а во финишот почна да се игра поостро и пофизички цврсто.

Само што почна второто полувреме, во 54. минута, Милан Шкринијар се најде на вистинското место по една мешаница пред голот на гостите, за да ја смести топката во мрежата и да донесе предност за „нераѕурите“.

Интер сега има 62 поени на првото место во Серија А пред Милан (56), Јувентус (52) и Рома (50), додека Аталанта е на петтото место со 49 поени.

Serie A 🇮🇹
Gol de Inter
Skriniar ⚽
pic.twitter.com/4DQTJZrIOn
— FutbolGol12 (@Gol12Futbol) March 8, 2021

Прикажи повеќе...

Спорт

Бруно го дава дресот и копачките на аукција за пари за лекување на деца

Објавено пред

1 час

- 8 март, 2021

Од

TopSport.mk

Ѕвездата на Манчестер јунајтед, Бруно Фернандеш ги даде на аукција својот дрес и копачките од дерби победата над Манчестер сити во неделата во обид да собере милион долари за лекување на две болни деца.

Португалецот го постигна првиот гол на „Етихад“ при 0:2 победата со која Јунајтед ја прекина низата на Сити од 21 победа во низа, и сега се обидува да собере пари за лекување на две деца од Португалија, осумгодишната Жаиме и нејзиниот петгодишен брат Леонор, кои страдаат од редок тип на рак, неуробластома. Тој отвори „GoGetFunding“ страница за донации.

„Неодамна дознав за ситуацијата на Леонор и Жаиме. Како татко, ваква приказна ме потресе и не можам да ја замислам болката и агонијата на родителите. Добрите вести се дека ‘Детската болница’ во Филаделфија има иновативен третман со позитивни резултати. Сепак, цената е висока, 1 милион долари за двете деца. Затоа ве молам да помогнете“, напиша Фернандеш.

Would you like to win the boots and the shirt I wore today? Check the link bellow to see how you can get them by helping others.https://t.co/K8wJiWkUAS via @GoGetFunding
— Bruno Fernandes (@B_Fernandes8) March 7, 2021

Прикажи повеќе...

Спорт

Партизан го потврди отказот на Филиповски, Матовиќ нов тренер

Објавено пред

2 часа

- 8 март, 2021

Од

TopSport.mk

Шпекулациите на српските медиуми се покажаа како точни, откако КК Партизан го отпушти тренерот Саша Филиповски и неговиот помошник Бобан Митев со взаемен договор и потврди дека до крајот на сезоната тренер ќе биде Александар Матовиќ.

„По разговорите меѓу управата на клубот и досегашниот тренер Саша Филиповски, беше договорено за раскин на договорот со него и со неговиот прв помошник, Бобан Митев. Се заблагодаруваме на нивната соработка и на трудот кој го пружија во Партизан. Преоден тренер ќе биде Александар Матовиќ“, објавија од Партизан.

Филиповски и Митев дојдоа во Партизан на 5 ноември 2020 откако Влада Шќепановиќ си замина од тренерската позиција. Под нивно водство, Партизан влезе во топ 16 во Еврокупот и полуфиналето на Купот на Радивое Кораќ, но потоа следуваше низа слаби резултати во АБА лигата.

Sporazumni raskid saradnje sa Sašom Filipovskim, prvi tim do kraja sezone predvodi Aleksandar Matović!
📑 https://t.co/qkUv5zL6or #KKPartizan pic.twitter.com/eT9T6aVMuh
— KK Partizan NIS (@PartizanBC) March 8, 2021

Прикажи повеќе...