Во спектакуларната вечерна сесија, Новак Ѓоковиќ се пласираше во третото коло од Ролан Гарос, победувајќи го Унгарецот Мартон Фучович со 7:6(2)/6:0/6:3 по контроверзите за неговата порака за Косово која го стави тенисот во втор план во претходниот меч.

Овојпат најмногу внимание предизвика чудната „лепенка“ на градите на Ѓоковиќ, која многумина ја споредија со суперхеројот „Ајронмен“, а која најверојатно е некој магнет за намалување на болките.

Iron Man has changed his Arc Reactor 😄#RolandGarros pic.twitter.com/XutxTAS1Y7

— Tennis Channel (@TennisChannel) May 31, 2023

Првиот сет беше вистинска награда за навивачите кои ги платија скапите билети, откако двајцата тенисери покажаа фантастична борбеност, и дури по час и половина игра, Србинот дојде до предност со 7:2 во тај-брејкот. Публиката ги награди тенисерите со аплауз и овации.

A standing ovation for Djokovic and Fucsovics after one of the best points at this year's French Open 👏#RolandGarros pic.twitter.com/7HMkatAEsk

— Eurosport (@eurosport) May 31, 2023

Ако првиот сет беше неизвесен, во вториот, Ѓоковиќ не му дозволи ниту еден поен на противникот, чија игра падна, и беше готов за само половина час. На почетокот на третиот сет имаше размена на брејкови, но на крајот Ѓоковиќ доби предност и го комплетираше триумфот.

Следен за Ѓоковиќ е 29. носител, Шпанецот Алехандро Давидович Фокина, кој со 6:4/6:3/7:6(6) го победи Французинот Лукас ван Аш.

Македонската одбојкарска репрезентација стигна до убедлива 3:1 (25:21, 25:23, 17:25, 25:20) победа над Белгија во второто коло од Златната европска лига, за прв триумф во натпреварувањето по убедливиот пораз од 3:0 во првиот меч против Украина.

Во првиот сет, Македонија се одвои од 22:21 за почетно водство, за потоа во вториот сет, повторно во интересна завршница да се искористат сите грершки на противникот за убедливо 2:0 водство.

Белгијците покажаа дека се сериозен тим во третиот сет, кога на почетокот направија предност од пет поени и потоа лесно го земаа сетот со 25:17. Но, тимот на Јошко Миленкоски покажа дека нема да дозволи победата да избега, за да поведе со 11:9 и 18:13 во четвртиот сет за победа.

Никола Ѓорѓиев заврши со 20 поени, пред Александар Љафтов со 16 поени. Следниот предизвик за Македонија е домашниот меч против Хрватска веќе во сабота.

Фото: ОФМ

15-годишен младински фудбалер на тимот на ЈФЦ Берлин почина во болница по напад од еден член на академијата на францускиот ФЦ Мец на турнир во Франкфурт, објавија германските медиуми.

Според „АФП“, германскиот тинејџер добил повреди на главата и мозокот по тепачката која се случила по крајот на мечот против младинскиот тим на францускиот прволигаш. Тој бил удрен во главата или вратот, пред да колабира и да биде привремено вратен во живот. За нападот е виновен 16-годишен француски фудбалер, кој е уапсен и е во притвор.

„По тепачка во неделата, 15-годишно момче почина во болница со сериозни повреди на мозокот. За да се разјаснат сите детали за инцидентот, во следните неколку дена ќе биде извршена аутопсија“, објавија од полицијата во Франкфурт.

Францускиот клуб објави дека е „во длабок шок“ од трагедијата, но посочија дека осомничениот напаѓач немал намера да нанесе сереиозни повреди.