Спорт
Кејн: Чувствувам одговорност, 100 милиони се многу пари
Најскапиот играч во историјата на Бундес лигата, новиот играч на Баерн, Хари Кејн, изјави дека во Минхен дошол за да се бори за сите трофеи во клупскиот фудбал.
Кејн во ноќта меѓу петокот и саботата потпиша договор со Баерн, а синоќа дебитираше за новиот клуб на натпреварот од Суперкупот на Германија против Лајпциг (0:3).
„Неверојатно искуство. Дочекот на синоќешниот натпревар беше магичен. Сакам да играм во Лигата на шампионите секоја година и да се борам за титули. Затоа дојдов во Баерн, кој е еден од најголемите клубови во светот. Тоа ми дава можност да освојувам трофеи со овој клуб“, изјави Кејн на официјалната презентација во клубот од Минхен.
Тој призна дека имал тешка недела.
„Ова е мој прв трансфер во кој учествував. Среќен сум што сум тука. Мојот фокус сега е тука, ќе се обидам да му помогнам на тимот. Целата кариера и живот ја поминав во Англија. Ќе треба малку време за да се прилагодат на новата лига, тимовите. Се адаптирав во текот на кариерата во Тотенхем и репрезентацијата, истото ќе го направам и овде. Беше јасно дека ќе биде тешка одлука. Бев во Тотенхем 19 години, клубот е дел од моето срце. Чувствував дека сега е вистинското време да го сменам клубот“.
Новинарите го потсетија Кејн дека финалето на Лигата на шампионите оваа сезона ќе се игра на Вембли.
„Играњето на Вембли е возбудливо. Шансата за триумф на Вембли би била неверојатна за мене. Се надевам дека ќе го постигнеме тоа“.
Тој потпиша договор со Баерн до јуни 2027 година, а германскиот клуб за англискиот фудбалер плати 100+20 милиони евра.
„Тоа се многу пари. Чвствувам одговорност. Платија за да се обидат да прават големи работи и јас го сакам истото. На ист пат сме“, заврши Кејн.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(Видео) Романија ја прегази Ураина – Спектакуларен гол на Станчу
![](https://makfax.com.mk/wp-content/uploads/2024/06/12305793.jpg)
Романија ја декласира Украина со 3:0 (1:0) во првиот натпревар одигра во Е групата на Европското првенство. Вториот натпревар од оваа група во 18 часот ќе го одиграат Белгија и Словачка.
Украинците подобро влегоа во натпреварот, го држеа поседот, притискаа, но таквата определба не им донесе ништо.
Романците пак играа директен фудбал, откако дбро ги затворија приодите кон својот гол, секоја можност ја користеа брзо да ја пренесат топката пред голот на противникот.
Во 29.минута, грешката на Луин кога лошо исфрли една топка, ја казни Станчу со спектакуларен гол. Капитенот на Романија од 21 метар го погоди спротивниот агол.
Stanciu's goal against Ukraine, probably one of the most beautiful yet in the EURO 24
Romania leads 1-0
— Daily Romania (@daily_romania) June 17, 2024
Станчу имаше можност и 10 минути подоцна, тогаш се обиде директно од корнер, Луни беше совладан но топката ја погоди гредата.
Украинците целосен дебакл доживеаја на стартото од второто поливреме, кога Ромамците во интервал од четири минути постигнаа два гола.
Во 53.минута Разван Марин одлично се постави на 20 метри од голот, моќен удар. Ништо не можеше да направи Лунин.
Четири минути подоцна, Ман ја измеша одбраната на Украина, нафрли по земја, а Драгуш од пет метри ја смести во голот.
3-0, maintenant respectez-nous.
DENIS DRAGUS DEUX BUTS POUR LE STANDARD LIEGE PAR PROCURATION HAHAHAHAHHAH ROMANIAAAAAAA
DENNIS MAN DOUBLE ASSISTSSSSS 🇷🇴🇷🇴🇷🇴pic.twitter.com/2zh0XMl93a
— Foot Roumain 🇷🇴 (@FootRoumain) June 17, 2024
До крајот Романците го чуваа својот гол, Украинците се обидуваа но само еднаш се заканија. Судаков се обиде со удар од 30 метри, но Ница со малку проблеми го скроти неговиот удар.
До карјот на мечот Ромамците два патии може да го совладаат својот голман, а во 90.минута Јаремчук го погоди горниот дел од гредата.
Во второто коло Романија ќе игра против Белгија, а Украина против Словачка.
Спорт
Струга, Шкендија и Тиквеш ги дознаа имињата на потенцијалните ривали во евро-куповите
![](https://makfax.com.mk/wp-content/uploads/2024/06/436240548_1065974915093100_7254917867778344654_n.jpg)
Македонските клубови Струга ТЛ, Шкендија и Тиквеш ги дознаа имињата потенцијалните пртивници во европскте купови. Струга ќе играа во квалификациите во Лигата на шампионите, а Шкендија и Тиквеш во квалификациите во Конференциската лига.
Струга и Тиквеш нема да бидат носители на ждрепката за разлика од Шкенидја која има повластена улога.
Квалификации за Лигата на шампионите, Група 1:
Носители: Слован Братислава, Линколн Ред Импс, Њу Сеинтс, Балкани, Борац Бања Лука
Неносители: Хамрун Спартанс, Струга, Дечиќ, Егнатиа, Санта Колома
Квалификации за Конференциската лига:
Група 1
Носители: Шкендија, Будуќност, Интер Ескалдес, Тирана, Ла Фиорита
Неносители: Вележ, Торпедо Кутаиси, Малишева, Ноах, Ислоч
Група 2
Носители: Бреидаблик, Ф91 Дуделанж, Тре Пене, Сент Јозеф, Крусеидерс
Неносители: Флориана, Шелбурн, Атлетик Клуб Ескалдес, Тиквеш, Каернарфон Таун
Ждрепката е во вторник, за ЛШ во 14.00, а за Конференциската лига во 16.00 часот.
Спорт
Роналдо донел одлука кога ќе се пензионира
![](https://makfax.com.mk/wp-content/uploads/2024/06/cristiano-ronaldo-al-nassr-2023-1692731063-114594.jpg)
Кристијано Роналдо влезе во 40. година од животот, но еден од најдобрите фудбалери на сите времиња се уште не размислува да се пензионира. Тој планира да игра уште неколку години.
„Кристијано Роналдо сака да продолжи да игра на врвно ниво и целта му е да игра на Светското првенство во 2026 година“, открива извор близок до португалската фудбалска легенда за „Релево“.
Значи Роналдо ќе игра уште најмалку две години. За време на Светското првенство во Америка тој ќе има 41 година и вистинското прашање е колку ќе може да понуди на таа возраст.