Оскар Пјастри ја освои Големата награда на Мајами. Австралиецот ја забележа шестата победа во кариерата, четврта оваа сезона, трета во последните три трки. Доминацијата на Мекларен ја потврди минатогодишниот победник, Ландо Норис, со второто место. Трет трката ја заврши Џорџ Расел од Мерцедес.

Мекларен, а особено Пјастри одо почетокот на сезоната се приказна за себе. Младиот Австралиец, стратуваше од четвртото место, експресно се проби во поредокот, а откако во 12 круг го мина лидерот Ферстапен, рутински дојде до победата.

Низ поредкот мораше да се пробива и Норис, откако во првиот свиок, по борбата со Фертсапен падна на петтото место.

Расел, избра различна стратегија од најдобрите, тоа му се испалтеше и заврши на подиумот. Ферстапен, кој стартуваше од пол-позицијата мораше да се задоволи со четвртото место.

Брилијантна трка возеше и Алекс Албон од Вилијамс. На крајот го освои петтото место, пред Кими Антонели, кој поради грешката на механичарите во боксот немаше можност да се бори за подобар пласман.

Зад младиот Италијанец завршија пилотите на Ферари, Леклер и Хамилтон, а бодови освоија и Карлос Саинц во Вилијамс, односно Јуки Цунода во Ред Бул.

Пјастри ја зголеми предноста во генерланиот пласман, има 131 бод, 16 повеќе од Норис и 32 од Ферстапен.

Следната трка во првенството се вози за две недели во Имола.

Норвешкиот тенисер Каспер Руд ја освои титулата на Мастерсот во Мадрид.

Во финалето во Мадрид, тој го победи британски тенисер Џек Дрејпер со 2-1 во сетови, резултатот беше 7:5, 3:6, 6:4 за два часа и 29 минути игра.

Тој му го одзеде сервисот на Дрејпер во третиот гем од првиот сет, ја зачува предноста до крајот и поведе во мечот.

Дрејпер играше подобро во вториот сет, направи два брејка во седмиот и деветтиот гем и се избори за решаачки сет.

Во решавачкиот сет, Руд направи брејк во петтиот гем, го задржа водството до крајот и стана првиот Норвежанец кој освоил титула на турнирите од Мастерс серијата.

Тој моментално има 13 АТП титули.

Од понеделник, Руд ќе се искачи на седмото место на АТП листата, а Дрејпер ќе го преземе петтото место од српскиот тенисер Новак Ѓоковиќ.

Еден од најдобрите напаѓачи на својата генерација, англискиот фудбалер Хари Кејн (31) го освои првиот трофеј во кариерата.

Она што не успеа да го направи во текот на годините во Тотенхем, му успеа во втората сезона во дресот на Баерн.

Две кола пред крајот, Баварците го обезбедија првото место пред Баер Леверкузен, кој загуби чекор зад лидерот со нерешениот резултат во Фрајбург (2:2). На две кола до крајот Баерн има недостижни осум бода повеќе од Баер.

Шампањот беше подготвен во саботата во Лајпциг, но Поулсен го анулира водството на Баерн (3:3) во судиското продолжение, па Баварците мораа да почекаат за конечното славење.

Ден подоцна Фрајбург го запре сега веќе поранешниот шампион Баер и на Кејн и соиграчите им овозможи да го отворат шампањот.

Кејн по 694 натпревари за клубот и репрезентацијата, го освои првиот трофеј во својата кариера!

Конечно му олесна и го сподели своето расположение и историскиот момент со своите следбеници. Во друштво на своите соиграчи, тој ја отпеа познатата славеничка песна на групата „Queen“.

„We Are the Champions”, пееја играчите на Баерн во еден глас и пиејашампањ. Кејн даде голем придонес за титулата со 24 постигнати гола.

We are the Champions!! 🏆 pic.twitter.com/YYHC7k6ldU

— Harry Kane (@HKane) May 4, 2025