Спорт
Кејн се уште го чека првиот трофеј во кариерата
Капитенот на фудбалската репрезентација на Англија, Хари Кејн, ќе мора да почека на првиот трофеј во кариерата.
По 14 години играње професионален фудбал, по 643 одиграни натпревари, Кејн се уште не знае како е да се освои трофеј.
Тоа не му успеа ниту во неделата навечер, во финалето на Европското првенство, бидејќи Шпанија победи со 2:1.
Минатата сезона се пресели во Баерн со надеж дека ќе освои некој трофеј, но сезната зад нас беше најлошата за Баварците во последните 12 години.
Со Англија двапати беше вицешампион на Европа, додека со Тотенхем два пати го загуби финалето на Лига купот и Лигата на шампионите во 2019 година.
„Тешко е да се опише со зборови како сите се чувствуваме во моментов. Тежок натпревар. Направивме се за да се вратиме во натпреварот и се боревме да го направиме тоа. Тешко е кога ќе примите гол во последните минути. Во првото полувреме се мачевме, не можевме да ја земеме топката во наш посед. Второто полувреме беше подобро успеавме да постигнеме гол, а потоа не фатија со една хоризонтална топка. Ја пропуштивме шансата, но не е воопшто лесно да се дојде до финалето. Кога ќе добиете ваква шанса морате да ја искористите, а ние тоа повторно не го направивме. Ова е екстремно болно и долго ќе боли. Селекторот ќе размисли дали ќе продолжи да го води тимот, сакавме да победиме за него“, рече Кејн по натпреварот.
Harry Kane career:
14 years
643 games
0 trophiesCursed. pic.twitter.com/sL1Se4xNY3
— StatMuse FC (@statmusefc) July 14, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Халанд му „понуди“ дрес на Ачерби, доби неочекуван одговор
Манчестер Сити и Интер одиграа натпревар без голови на стартот од Лигата на шампионите. Сепак, тоа не значи дека немаше интересни моменти на „Етихад“.
Имено, Ерлинг Халанд му пријде на стоперот на Интер Франческо Ачерби и го праша дали го сака неговиот дрес – со симулација како го влечеше во текот на целиот натпревар.
Италијанскиот дефанзивец реагираше на шега и низ смеа рече дека веќе има два од претходните дуели. Тоа предизвика реакција кај фудбалерот на Сити, кој со насмевка продолжи понатаму.
Во следното коло од Лигата на шампионите, Манчестер Сити ќе гостува кај Слован во Братислава, а веќе викендов ќе има важен натпревар во Премиер лигата против Арсенал.
Francesco Acerbi wanted not one, but two shirts off Erling Haaland after the game 🤣👕
📺 @tntsports & @discoveryplusUK pic.twitter.com/Y0suFRk8Sb
— Football on TNT Sports (@footballontnt) September 18, 2024
Спорт
Гвардиола горд на играчите по ремито со Интер
Само бод освои Манчестер сити на домашен терен на отворањето на Лигата на шампионите. „Граѓаните“ одиграа 0:0 против Интер во репризата на финалето од сезоата 2022/2023.
Тренерот на Сити, Пеп Гвардиола одржа интересна прес-конференција.
„Против Интер одигравме многу подобро отколку во финалето на Лигата на шампионите минатата година“, рече тој и потсети на натпреварот во кој Сити ја освои првата европска титула со победа од 1:0.
На прашањето што особено му се допадна во играта на неговиот тим против Интер, тој одговори: „Се, апсолутно сè! Игравме толку добро. Го сакам мојот тим! Ние сме одличен тим!”
Спорт
Евертон се уште го поддржува Дајч
Раководството на фудбалскиот клуб Евертон се уште го поддржува тренерот Шон Дајч и покрај лошите резултати и елиминацијата од Лига купот, објавија британските медиуми.
Како што пренесува „Скај спортс“, раководството на чело со сопственикот Фархад Мошири, кој неуспешно се обидува да го продаде клубот, во моментов му дава поддршка на тренерот кој в сабота ќе го води тимот на гостински терен против Лестер.
Синоќа, Евертон загуби од Саутемптон на пенали во третото коло од Лига купот, а тимот ги загуби сите четири натпревари во Премиер лигата сезонава. ПОследните два порази, Евертон ги доживеа откако имаше предност од 2:0. Поради тоа незадоволните навивачи бараат промени.
„Скај спортс“, објави дека пред поразите од Астон Вила и Саутемптон, Дајч имал „доволно кредит кај сопственикот“, откако во претходните две сезони успеа да обезбеди опстанок во Премиер лигата. Договорот на Дајч со клубот важи до крајот на сезоната.