Спорт
Кербер и Плишкова експресно го минаа првото коло на САД опен

Шампионката од 2016 година, Германката Анџелике Кербер имаше лесен старт на САД опен, победувајќи ја Австралијката Ајла Томљановиќ со 6:4/6:4 на стартот на американскиот гренд слем во „вонредни“ услови во Њујорк.
Без публика на трибините и со многу мерки за спречување на ширењето на корона вирусот, 32-годишната Кербер во својот прв меч по Австралија опен во јануари не покажа знаци на повредата на левата нога, иако дозволи Томљановиќ да и направи брејк во вториот сет додека имаше меч топка.
Првата носителка, Чехинката Каролина Плишкова, исто така имаше лесен меч, победувајќи ја Украинката Анхелина Калинина со 6:4/6:0.
„Мислам дека беше добро за прво коло. Не беше лесно да се игра без публика, но истата ситуација е кај сите“, вели Плишкова, светската тенисерка број 3.
Кај мажите, организаторите неочекувано дозволија тенисерите кои биле во контакт со Беноа Пер да играат на турнирот, иако тој имаше позитивен тест на корона вирус и се повлече од турнирот. Неговите сонародници, Ришар Гаске, Грегоар Барер, Адријан Манарино и Едуар Рожер-Васелин имаа совет да останат во собите пред да се донесе одлуката.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ленгле како слободен играч потпиша со Атлетико

Францускиот фудбалер Клеман Ленгле потпиша договор со Атлетико Мадрид до јуни 2028 година.
Ленгле беше член на Барселона, а минатата сезона ја помина на позајмица во Атлетико.
Францускиот фудбалер го раскина договорот со Барселона порано денес, а потоа потпиша тригодишен договор со Атлетико Мадрид како слободен агент. Минатата сезона, Ленгл одигра 34 натпревари за мадридскиот клуб и постигна три гола.
Покрај Барселона и Атлетико, дефанзивецот играше и за Астон Вила, Тотенхем, Севиља и Нанси.
Спорт
Киву го презеде Интер

Романскиот фудбалски стручњак Кристијан Киву (44) е назначен за нов тренер на Интер од Милано.
Киву потпиша договор со тимот од „Џузепе Меаца“ до 30 јуни 2027 година.
Тој го наследи Симоне Инзаги на клупата на вицешампионите на Европа и Италија. Инзаги минатата недела поднесе оставка и замина во Ал Хилал.
Киву поднесе оставка од тренерската позиција на Парма пред да биде назначен во Милано.
Романецот беше тренер на младинските категории на Интер од 2018 до 2024 година, а како играч беше член на клубот од Милано од 2007 до 2014 година.
Спорт
Започна чистката на „Олд Трафорд“, први на удар ветераните

Данскиот фудбалер Кристијан Ериксен (33), шведскиот дефанзивец Виктор Линделоф (30) и поранешниот репрезентативец на Северна Ирска Џони Еванс (37) ќе го напуштат Манчестер Јунајтед на 30 јуни, објави англискиот клуб.
Во соопштението се наведува дека договорите на тројцата фудбалери со Манчестер Јунајтед истекуваат на 30 јуни и дека англискиот тим не смета на нив следната сезона, бидејќи клубот од „Олд Трафорд“ одлучил да не ја продолжи соработката со Ериксен, Еванс и Линделоф.
Еванс беше член на Манчестер Јунајтед од 2006 до 2015 година, а се врати во клубот од „Олд Трафорд“ во 2023 година. Ирецот и претходно објави дека ќе се пензионира.
Ериксен пристигна во Манчестер Јунајтед во 2022 година, додека Линделоф е член на „Црвените ѓаволи“ од 2017 година.