Спорт
Кимих во јануари ќе донесе одлука дали ќе остане во Баерн

Една од најважните задачи што го чека Баерн се преговорите со Јозуа Кимих околу продолжувањето на неговиот договор.
Актуелниот договор на германскиот репрезентативец истекува на лето. Ситуацијата со Кимих внимателно ја следат неколку врвни европски клубови.
„Нема да чекам да заврши сезоната. Ќе седнам во следниот период да размислам и да ја видам поголемата слика. Дефинитивно ќе донесам одлука во јануари“, изјави Кимих.
Кимих во Баерн дојде во 2015 година од Лајпциг. Ова е негова 10-та сезона во најголемиот германски клуб. Одигра вкупно 409 натпревари во сите натпреварувања, постигна 42 гола и учествуваше во освојувањето на осум титули во германскиот шампионат, три купа, шест Суперкупа, Лигата на шампионите, Суперкупот на Европа и Светското клупско првенство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Расел: Со Ферстапен сигурно нема да бидеме најдобри пријатели

Новата сезона во Формула 1 започнува на 16 март, а атмосферата веќе ја подигнаа Макс Ферстапен и Џорџ Расел. Возачите на Ред Бул и Мерцедес ја продолжија вербалната војна која започна минатата сезона на Големата награда на Катар..
Ферстапен доби казна на стратот, а трката во Катар ја стартуваше од пол-позицијата Расел. Британецот се жалеше дека Холанѓанеџот го попречувал додека бил во брз круг. Судиите ја уважија жалбата на расел.
Потоа Макс рече дека „ја изгубил секоја почит“ кон Британецот.
Во пресрет на новата сезона, Расел за Ферстапен изјави:
„Немам намера да разговарам со него, да бидам искрен. Не ми е гајле, сакам да се фокусирам на себе. Работите излегоа од контрола минатата година. Тоа беше тогаш. Нема да бидеме најдобри пријатели, тоа е сигурно“.
Макс возврати.
„Немам намера да продолжам каков било конфликт. Немам што да кажам на таа тема. Не сум загрижен за него или неговото возење. Јас нема да го сменам мојот пристап и начин на возење кога ќе се борам со него или со другите возачи“.
Спорт
Капитенот на Атлетик Билбао ќе се пензионира на крајот од сезоната

Оскар де Маркос, капитенот на Атлетико Билбао, најави дека ќе се пензионира на крајот од сезоната. Одлуката им ја соопшти на соиграчите пред денешниот тренинг.
„Остануваат уште три неверојатни месеци до крајот на сезоната, не сакав повеќе да ја одложувам оваа одлука. Имам уште три месеци и треба да уживаме во нив. Исполнив многу повеќе соништа отколку што очекував и го исполнив мојот животен сон“, изјави капитенот на Атлетик.
Де Маркос пред три дена во мечот против Еспањол во 24. коло од Ла Лига се израмни со Икер Муниаин на второто место на листата на играчи со најмногу настапи за клубот од Билбао (560).
Рекордер по бројот на одиграни натпревари за Атлетико е Хозе Анхел Ирибар, кој за клубот од Билбао одигра 614 натпревари.
Атлетик моментално се наоѓа на четвртото место во Ла Лига со 45 бодови.
Спорт
Морати: Дадовме луда понуда за Иниеста, Рома ни го нудеше Тоти

Легендарниот претседател на Интер, Масимо Морати, по повод 30-годишнината од преземањето на „нероаѕурите“ даде интервју за „Кориере дела сера“. Откеи неколку интересни детали, пред се во врска со трансфер политиката во периодот додека го водеше клубот.
Многу големи ѕвезди дојдоа во Интер во времето на Масимо Морати. Секако, не секоја желба што ја имаше и можеше да ја си ја исполни.
Но, некако сите се во сенка на човекот кој дојде тивко, практично како прво засилување во ерата на Морати, Хавиер Занети, кој потоа стана најголемата легенда на клубот.
„Сакав да ги гледам натпреварите од аргентинската лига со моите деца. Почнавме да ги следиме поради Ариел Ортека. Во тој период гледав еден натпревар на кој играше Занети. Го испратив Суарез (скаут на Интер) во Аргентина за да го погледне одблизу. Ми се јави и ми рече да го купиме. Му реков да биде трпелив, ги разбудив децата и ги пуштив видео снимките од Занети. Потоа му дадов зелено светло“, рече Морати.
Во опширното интервју тој откри дека меѓу големите имиња кои сакал да ги донесе во клубот се и легендарниот двоец на Барселона, Андрес Иниеста и Лионел Меси.
„Сакавме да го донесеме Меси кога беше тинејџер. Но, кога Барселона вети дека ќе ги покрие трошоците за лекување, сфативме дека немаме шанси и се откажавме. Пробавме се за Иниеста, секој дипломатски напор, подготвивме луда понуда. Но немавме шанси.
Морати откри дека во еден момент, среде финансиски тешкотии, Рома му го понудила на Интер, Франческо Тоти.
„Беа полни со долгови и толку очајни што плачејќи го понудија Тоти. Но, знаевме дека Тоти повеќе би сакал да остане во Рим и решивме да го оставиме на мира. Сепак во прашање беа љубовта и сентименталноста“.