Спорт
Кин: Ливерпул се лоши шампиони, вака уште 30 години ќе чекаат нова титула
Поранешниот капитен на Манчестер јунајтед, Рој Кин не изддржа и како гости на „Скај спортс“ влезе во брутален напад на ривалите од Ливерпул, велејќи дека премногу се „занеле“ по минатогодишната титула и предвидувајќи дека со барање изговори за поразите ќе чекаат уште 30 години за следната круна.
„За мене, тие се лоши шампиони. Не мислам само за вечерва. Не можам да го сфатам тој менталитет. Мислам дека веруваа во тоа што го слушаа последните две-три години, мислам пофалбите. По освојувањето на титулата се занесоа и поверуваа во тоа. За мене, кога ќе ја освоиш титулата, следната цел е да го повториш тоа. Не го гледам тоа кај овој тим, дури и од нивниот менаџер. Беше онака – ајде да поуживаме. Чекаа 30 години, но никој од нив не кажа, ајде сега да го повториме тоа. Сега зборуваат за топ 4, а лани беа шампиони. Тоа се лоши шампиони“, објаснува Кин.
Запрашан дали големиот број на повреди на клучните фудбалери биле проблем, Кин врати уште побрутално.
„Луѓето ми велат дека Ливерпул е голем клуб. Ливерпул е огромен клуб, и кога си таков мора да се справиш со проблемите. Дали тоа е дел од фудбалот? Дали на другите клубови сите фудбалери им беа фит цело време? Јирген Клоп бара изговор по изговор. Велеше дека Сити паузирале поради вирусот. И оди понатаму. Вие сте Ливерпул ФЦ, ако продолжите со вакви перформанси, ќе чекате уште 30 години до следната титула, верувајте ми“, завршува Ирецот.
? “If you keep performing like that it will be another 30 years before you win the league title.”
Roy Keane on Liverpool’s performances this season & the list of excuses made for their poor run pic.twitter.com/PPFIgeaJeH
— Football Daily (@footballdaily) February 7, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.