Спорт
(Видео) Кина има женска верзија на Јао Минг – 14 годишна е, а има 226 сантиметри

Младата 14 годишна кошаркарка во Кина – Жанг Зије е висока 226 сантиметри. Таа стана сензација по СП за девојчиња до 15 години откако го привлече вниманието на јавноста со својата надмоќ над противничките.
Нејзината доминација е забавна за публиката, но сигурно не е пријатно да се игра против неа под кошевите, во рекетот.
Според висината и начинот на игра веднаш почнаа споредбите со кинеската кошаркарска легенда – Јао Минг.
7’4” Zhang Ziyu is 14 YEARS OLD ?
She put up 42 PTS, 25 REB, & 6 BLK to win China Nationals ?
(via @globaltimesnews) pic.twitter.com/teAAfx2F8v
— Overtime (@overtime) July 15, 2021
Инаку Жанг потекнува од кошаркарско семејство. Татко и (213 сантиметри) настапувал за Кина, а мајка и (198 сантиметри) се уште е активен кошаркар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Барселона не може да регистрира пет играчи

Барселона сè уште има проблеми со финансискиот фер-плеј, што дополнително ја комплицира ситуацијата.
Каталонците ставија неколку играчи на трансфер листата, но додека чекаат нивна продажба, се соочуваат со истата ситуација како и минатата сезона.
Станува збор за регистрација на играчи за новата сезона. Како што пишува „Мундо Депортиво“, засега Барселона не може да смета на Рашфорд, Жоан Гарсија, Жерар Мартин и Руни Барги.
Дури ни на Војчех Шчесни, кој неодамна потпиша нов договор, а мора повторно да биде регистриран, бидејќи официјално беше слободен агент од први јули.
Ќе видиме како ќе ја решат ситуацијата во Барселона, но сигурно е дека Ханси Флик не спие многу мирно две недели пред почетокот на првенството.
Фото/ Принтскрин
Спорт
Ако Шкендија го мине Карабаг во плеј-офот за ЛШ ќе игра против Лудогорец или Ференцварош

Македонскиот шампион Шкендија знае против кого ќе игра во плеј-офот за пласман во Лигата на шампионите, доколку во третото коло го елиминира Карабаг.
Лудогорец или Ференцварош ќе и биде противник на Шкендија, под услов клубот од тетово да го мина Карабаг.
Плеј-офот ќе се игра на 19/20, односно 26/27 август.
Плеј-оф двојки за пласман во Лигата нашампиони:
Лудогорец/Ференцварош – Шкендија/Карабах
Лех Познањ/Црвена Звезда – Динамо Киев/Пафос
Бодо/Глимт – Штурм Грац
Селтик – Каират/Слован Братислава
Базел – Малме/Копенхаген
Фото/ Принтскрин
Спорт
Кан: Бундеслигата е здодевна

Еден од најдобрите германски голмани на сите времиња, Оливер Кан (56), изјави дека Бундеслигата станала предвидлива и здодевна, истакнувајќи дека Баерн бил национален шампион 12 пати во последните 13 сезони, објавија германските медиуми. Кан беше претседател на одборот на Баерн од 2021 до 2023 година.
„За време на мојата фудбалска кариера, Бундеслигата беше понеизвесна, имаше повеќе тимови кои се натпреваруваа за титулата. Како може клуб со буџет од 40 милиони евра да се натпреварува против тим со годишен буџет од 300 милиони евра. Пет резервни играчи на Баерн вредат повеќе од тимовите од долната третина од Бундеслигата. Имаме ситуација каде што Баерн бил национален шампион 12 пати во последните 13 сезони. Лигата стана предвидлива и здодевна, а на долг рок тоа не е добро“, рече Кан.
Тој играше за баварскиот клуб 14 години, а се пензионираше во 2008 година. Имаше 86 настапи за германската репрезентација и беше најзаслужен за тоа што „Елф“ стигнаа до финалето на Светското првенство во 2002 година (во финалето беа поразени со 0-2 од Бразил).
Кан истакнува дека Бундеслигата сè уште ужива голема популарност во Германија, но проблемот го гледа во фактот дека не е доволно привлечна на меѓународно ниво.
„Мораме да ја гледаме Бундеслигата од два агли. Дома, таа е солидна институција, привлечна е за нашите навивачи, а натпреварите имаат голема посетеност. Сепак, секогаш кога разговарам со некого во странство, луѓето таму не гледаат никаква значајна разлика помеѓу Бундеслигата, италијанската Серија А или француската Лига 1“, рече тој и додаде:
„Но, затоа тие ќе знаат сè за англиската Премиер лига или шпанската Ла Лига, добро ги познаваат сите клубови и најголемите ѕвезди во тие лиги. Затоа, ми е сосема разбирливо што еден од нашите најдобри фудбалери, Флоријан Вирц, замина во Ливерпул, во најатрактивната лига во светот.“
Фото/ Принскрин