Спорт
Кинезите ги ограничија платите на странците

Фудбалскиот сојуз на Кина (КФА) реши да ги ограничи платите на странците во клубовите. Во иднина, бруто-износот за максималната плата ќе изнесува 3.000.000 евра.
Одлуката ќе почне да се применува од 1 јануари и ќе се однесува на сите странци, вклучувајќи ги и оние кои веќе играат во Кина. Во исто време, КФА ги ограничи платите на домашните фудбалери на 630.000 евра.
Предвидените казни за оние што нема да го почитуваат оваа правило се движат од одземање бодови до исфрлање во понизок ранг.
Сепак, играчите чии примања ќе бидат над 3.000.000 евра, ќе можат да потпишат „дополнителен договор за начин на исплата“, но не се објаснува според кој модел тоа ќе се случува.
Новото правило може да значи егзодус на странците од кинескиот фудбал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Нордиско скијање или ММА?

Руската штафета 4х7.5 километри беше дисквалификувана од натпреварувањето од Светскиот куп во нордиско скијање во Финска, откако Александер Бољшунов збесна на целта.
Во трка за второто место со Финецот Јони Маки, Бољшунов сметаше дека ривалот непрописно му го блокира патот, и откако не успеа да го помине го удри со скијачката палка откажувајќи се од борбата. Потоа, тој намерно се турна во финскиот ривал на целта.
Инаку, Русија сепак беше на подиумот, но вториот тим на „зборнаја“, која беше промовирана од четвртото место на третото по дисквалификацијата на првиот тим. Норвешка стигна до победа, додека за Финска ова е прв подиум во 4х7.5 км штафетата.
Спорт
Озил го комплетираше трансферот во Фенер

Освојувачот на Светското првенство, Месут Озил го комплетираше официјално трансферот во Фенербахче, ставајќи крај на речиси осумгодишниот престој во северен Лондон кај Арсенал, престој кој заврши неславно.
„Топчиите“ го раскинаа неговиот договор со 350.000 фунти неделна плата шест месеци предвреме, и тој сега го комплетираше трансферот во клубот за кој навиваше во своето детство, и Фенер, конечно, го потврдија тоа во неделата.
Озил може да дебитира за новиот клуб на гостувањето кај Сиваспор во четврток во меч од Суперлигата, но најверојатно тоа ќе се случи против Кајзериспор четири дена подоцна. 32-годишниот поранешен германски репрезентативец треба да биде голема помош на тимот на Ерол Булут, кој ја брка првата титула од 2014 година со само три поени разлика од лидерите Галатасарај.
Трансферот беше најавен уште во понеделник кога Озил на социјалните мрежи ја објави горната фотографија како за рака се држи самиот себе како дете, со дресовите на Фенербахче и со пораката „Минато и иднина“.
Rüya gerçek oldu: Mesut Özil Fenerbahçemizde! 🔥#FenerSignMesut https://t.co/ZY00yCmVhC pic.twitter.com/oXJPfmfTJZ
— Fenerbahçe SK (@Fenerbahce) January 24, 2021
🔴 254 appearances
⚽️ 44 goals
🅰️ 71 assistsWishing you all the best at @Fenerbahce, Mesut 👊 pic.twitter.com/kq9XdojdXl
— Arsenal (@Arsenal) January 24, 2021
Thank you, Gunners! ❤️ #YaGunnersYa pic.twitter.com/lkVI2qHC6X
— Mesut Özil (@MesutOzil1088) January 24, 2021
Спорт
Абрахам со хет-трик, Челси рутински со Лутон

Во меч во кој ќе се заборави новата голема грешка на Кепа Аризабалага и новото разочарување за Тимо Вернер (утна пенал) и ќе се зголеми самодовербата на фудбалерите на Челси, тие стигнаа до 3:1 победа над Лутон во четвртото коло од ФА купот благодарение на фантастичниот Теми Абрахам, кој постигна хет-трик.
Дека тимот на Френк Лампард е под притисок да се остварат подобри резултати по инвестициите од 250 милиони евра во текот на летото не е тајна, и мечот со второлигашот Лутон може да служи како инспирација и покрај некои негативни елементи во мечот.
Абрахам даде два гола во првите 17 минути од мечот, и „сините“ можеа да дадат уште некој гол пред во 30-тата минута, Кларк да ја искористи лошата интервенција на Кепа за да намали на 2:1. Сепак, сигурен пласман во осминафиналето обезбеди Абрахам со убав гол во 74. минута. Во 86. минута, Тимо Вернер имаше совршена шанса да постигне редок гол по трансферот на „Стемфорд бриџ“, но неговиот удар заврши во рацете на хрватскиот голман Симон Слуга.
- Книги1 месец
Македонски лекар ја објави последната исповед на Јосип Броз Тито
- Македонија3 месеци
Излезе од затвор Панче Ангелов, напаѓачот на Шекеринска од 27 април
- Македонија2 месеци
МЖСПП: Мечкиното грозје важен ресурс, кој треба грижливо да го собираме
- Црна хроника2 месеци
Млада девојка од Штип пронајдена мртва во нејзиниот дом
- Економија3 месеци
(Видео) Младите од Струмичко порачуваат – ако не проработи рударскиот комплекс, ќе се иселиме сите
- Македонија2 месеци
(Видео) Отстранети два нелегално изградени објекта во општина Центар
- Спорт3 месеци
Гетџи: По мечот со Хабиб, мојата мајка конечно ќе може да се пензионира
- Македонија1 месец
Возачот на „бентлито“ што „влета“ на плоштад казнет со 45 евра, објавена фотографија од записникот