Спорт
Кире Лазаров ја заврши групната фаза како четврти стрелец

Капитенот на македонската ракометна репрезентација, Кире Лазаров со полни 39 години ја заврши групната фаза на ЕП во ракомет во Топ 5 листата на најдобрите стрелци. Лазаров на трите средби што Македонија ги одигра против Украина, Чешка и Австрија постигна 22 гола.
Сепак, далеку пред него се младите предводници на Австрија, односно Норвешка – Никола Билик и Сандер Сагосен.
Австрискиот лев бек на трите средби од групната фаза постигна 28 гола, а Сагосен се најде на втората позиција со погодок помалку.
Третата позиција му припадна на Швајцарецот Енди Шмит кој прецизно биеше 27-пати.
Четврти на листата со најдобри стрелци се најде Лазаров со 22 гола, исто колку што постигна и Холанѓанецот, Кеј Смит.
Интересен е податокот дека Австрија има дури тројца стрелци во најдобрите десетмина досега, иако јасно е дека листата ќе содржи промени.
Еве како изгледа Топ 10 листата:
28 – Никола Билик (Австрија)
27 – Сандер Сагосен (Норвешка)
27 – Енди Шмид (Швајцарија)
22 – Кирил Лазаров (Македонија)
22 – Кеј Смит (Холандија)
21 – Даинис Криштопанс (Летонија)
19 – Јанко Божовиќ (Австрија)
19 – Арцем Каралек (Белорусија)
18 – Никола Прце (БиХ)
18 – Роберт Вебер (Австрија)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Агаси: Алкарас е вонземјанин

Андре Агаси беше воодушевен од начинот на кој Карлос Алкараз го освои Ролан Гарос.
Шпанецот, по пресврт, го победи Јаник Синер по пет сета епска битка и го освои петтиот Гренд слем во својата кариера.
Шпанскиот тенисер Карлос Алкараз го освои Ролан Гарос победувајќи го Јаник Синер со 3-2 во сетови по повеќе од пет и пол часа тенис.
„Алкараз ги има сите квалитети на големата тројка, па дури и повеќе. Тој се движи како вонземјанин, не игра дефанзивно дури ни кога е целосно во аголот“, изјави Агаси за „Punto de break“.
Агаси го спореди Алкараз со сите тројца членови на големата тројка.
„Мора да запомните, овој човек ја има дефанзивната брзина на Новак Ѓоковиќ, ако не и повеќе. Тој го има чувството на Роџер Федерер, ако не и повеќе. Тој го има темпото на Рафаел Надал, ако не и повеќе. Секако, сега сè мора да се вклопи. Само затоа што е подобар од тројцата големи во некои работи, не значи дека ќе го прави она што го направија тие. Погрешните одлуки, повредите и среќата имаат големо влијание. Многу фактори влијаат на нечија кариера.“
Спорт
Раниери има еден услов за да стане селектор на Италија

Италијанската фудбалска репрезентација е без тренер од вчера. Лучано Спалети доби отказ по дебаклот во Осло и поразот од Норвешка (3:0).
Прв избор на Италијанецот е Клаудио Раниери, кој се повлече од тренерската позиција во Рома и му ја препушти на Џанпјеро Гасперини, но идејата на семејството Фридкин и него самиот е тој да остане во Рим и да учествува во понатамошното функционирање на спортскиот сектор. Односно, планот е тој да биде менаџер кој ќе работи во соработка со Гасперини.
Затоа, Раниери е на пресвртница и како што објави Џанлука ди Марцио, единствениот начин за него е семејството Фридкин да даде „зелено светло“ за неговата двојна функција.
Раниери претходно ѝ вети на Рома и сака да си го исполни ветувањето, но поканата од репрезентацијата е нешто што не може да се одбие, па затоа го моли Фридкин за разбирање.
Средбата во Рим ќе се одржи денес и ситуацијата наскоро ќе биде решена. Доколку Раниери не ја преземе репрезентацијата, „аѕурите“ ќе се свртат кон Стефано Пиоли.
Спорт
Вирц и Ливерпул постигнаа договор, Баер бара повеќе пари

Сагата околу трансферот на Флоријан Вирц во Ливерпул продолжува. Клубот и фудбалерот постигнаа договор, но работата сè уште ја одложува Баер Леверкузен.
Германскиот клуб, чиј играч е сè уште Вирц, не ја прифати понудата на Ливерпул, кој понуди 100 милиони фунти плус 13 милиони за бонуси.
Баер сè уште инсистира на 126,4 милиони фунти, што е некаде околу 150 милиони евра.
Ливерпул одлучи да ја подигне скалата уште повеќе и според информациите од Островот, нуди 118 милиони фунти, што би бил британски рекорд. Британските медиуми веруваат дека Баер ќе го прифати ова, откако ќе се договорат деталите за бонусот.
Шампионот на Англија треба официјално да го доведе Милош Керкез од Борнмут во наредните денови.