Спорт
Кирјос пак правеше шоу во Мелбурн, на крајот го закачи и Ѓоковиќ

Дури и по своите бизарни стандарди, Ник Кирјос имаше луд прв ден на Австралија опен поминувајќи го првото коло по што повторно се закачи со Новак Ѓоковиќ.
Кирјос имаше лош почеток на турнирот губејќи брејк од португалскиот квалификанте Федерио Фереира Силва за да губи со 0:2 по што првин пцуеше, а потоа ги запраша луѓето во неговиот бокс: „Будни сте? Кажувате едно нешто цел гем. Сериозно, се разбудивте?“
Како што продолжи битката со светскиот број 182, Кирјос потоа се обрати кон својот постар брат Кристос во боксот: „Кажи ѝ на твојата девојка да излезе од мојот бокс!“
Someone is in Kyrgios’ box that shouldn’t be. #AusOpenpic.twitter.com/icD4iXZtNh
— Mike Wise (@wisey_9) February 8, 2021
Сепак, ова изгледа добро влијаеше на неговата игра и тој стигна до 6:4/6:4/6:4 победа над 25-годишниот Силва, кој иако е еден месец постар од него, Кирјос се обрати кон публиката: „Имајте малку почит за детето“.
По ова, тој призна дека работите не оделе најдобро.
„Лудак сум кога сум на теренот. Ова беше нешто што се случува во жарот на борбата. Сите емоции што се собираат. Мора да го искажам тоа за да се смирам и да играм добар тенис“, изјави Кирјос.
Неизбежно, потоа дојде одговорот на коментарот на Новак Ѓоковиќ дека не го почитува Австралиецот надвор од тениските терени.
„Чудно што тој го кажува ова. Повеќе би имало смисла да каже дека не ме почитува на теренот бидејќи не се согласува со тоа што го правам и го правев во минатото. Кога сум играл против него, сум бил добар кон него. Мислам дека бев добар за време на пандемијата. Возев наоколу, им носев храна на луѓето, бев внимателен што правев и не го ширев вирусот. Но, тој е чудна мачка, тој Новак. Одличен тенисер, но, за жал, некој што сака да се забавува полугол за време на глобална пандемија. Не знам дали може да му се прости тоа“, додаде Кирјос.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Јовиќ потпиша договор со АЕК

Српскиот репрезентативец Лука Јовиќ потпиша договор со АЕК Атина, објави клубот.
Финансиските детали и времетраењето на договорот не беа откриени, но грчките медиуми тврдат дека Јовиќ се согласил на двегодишен договор, при што српскиот фудбалер треба да заработи вкупно шест милиони евра.
Својата кариера ја започна во Црвена звезда, а потоа играше за Бенфика, Ајнтрахт Франкфурт, Реал Мадрид и Фиорентина. Последните две сезони ги помина во Милан.
Одигра 45 натпревари за српската репрезентација и постигна 11 гола.
Спорт
Партијата на суд под обвинение за силување

Поранешниот фудбалер на Арсенал, Томас Парти, претпладнево се појави во Судот за прекршоци во Вестминстер во Лондон откако беше обвинет за силување.
Тој е обвинет за пет обвиненија за силување и едно обвинение за сексуален напад. Сите наводни кривични дела се случиле помеѓу април 2021 и јуни 2022 година.
Облечен во црн џемпер и држејќи јакна во рака, тој брзо помина покрај новинарите и фотографите во судницата.
Неговата адвокатка, Џени Вилтшир, претходно изјави дека фудбалерот ги негира сите обвиненија и со нетрпение ја очекува можноста „конечно да го исчисти своето име“.
Парти, на суд беше условно ослободен по обвиненијата за силување и сексуален напад. Условите за негово ослободување предвидуваат дека 32-годишниот Парти не смее да контактира со ниту една од трите жени и дека мора да ја извести полицијата за секоја трајна промена на адресата или меѓународно патување, објави Би-Би-Си.
Полицијата соопшти дека започнала истрага против Парти во февруари 2022 година, кога првпат добила пријава за силување.
Петте обвиненија за силување се однесуваат на две жени, додека обвинението за сексуален напад се однесува на трета жена.
Парти го напушти Арсенал откако му истече договорот, кој траеше до 30 јуни, а четири дена подоцна беше обвинет за силување.
Арсенал во 2020 година за услугите на Парти на Атлетико Мадрид му плати 50 милиони евра..
Спорт
Сити му нуди нов договор на Родри
Манчестер сити му понуди нов договор на Родри. Освојувачот на Златната топка ја пропушти сезоната поради тешката повреда на лигаментите. Отсуството на Родри се рефлектираше врз резултатите на тимот. Сити не освои ниту еден трофеј и се до три кола пред крајот му висеше пласманот во Лигатана шампионите.
Иако деталите не се познати, а со тоа и точната бројка, речиси е сигурно дека тој би стнал вториот најплатен играч во тимот, веднаш по Ерлинг Халанд. Исто така, познато е дека овој договор би важел до 2029 година.
Минатата сезона Родри одигра само осум натпревари во сите натпреварувања.
Фото/ Принтскрин