Спорт
Ќе биде интересно – Барса преговараат со Меси, ПСЖ нудат „многу“ пари!
Лионел Меси може да направи сензационален камбек во Барселона, откако потпретседателот на каталонскит клуб, Рафа Јусте потврди дека отворил разговори со неговиот татко и агент, Хорхе Меси. Во исто време пак, „Мундо депортиво“ тврди дека Пари Сен-Жермен нема да се откаже лесно од услугите на Аргентинецот и дека ќе му дадат понуда со уште повисока плата.
Според повеќе информации, Меси има понуда од ПСЖ која е доставена по триумфалниот настап на Светското првенство во Катар, но тој уште не го потпишал и веројатно е дека ќе стане слободен играч во текот на летото, иако постојат понуди од американската МЛС лига, како и од Блискиот Исток. Сепак, сега се отвара и шанса за триумфално враќање во Каталонија, откако Барса пред две години не беше финансиски моќна да му даде договор кој ќе беше одобрен од шпанската Ла лига. Јусте вели дека работи на случајот.
„Учествував во преговорите во 2021 кои за жал не беа успешни. Уште сум фрустриран што Лео не можеше да продолжи да игра за нашиот клуб. Ако зборуваме за академијата ‘Ла масија’ и за младите играчи, зборуваме за Лео. Тој пристигна тука кога имаше 12 години и би сакал да го видам повторно во дрес на Барса. Мислам дека тоа мислење го делат и голем број на наши навивачи. Не само од спортска и економска гледна точка, туку и од социјалн. Сите прекрасни приказни мораат да имаат среќен крај. И да го одговорам директно прашањето, контактираме со него и со неговиот татко“, изјави Јусте.
Враќањето на „Ноу Камп“ секако би било емотивно, но според „Мундо“, од Пари Сен-Жермен му порачале на Меси дека било која сума нема да биде пречка и дека само е потребно да стави потпис на новиот договор.
Меси има 672 гола во 778 настапи за Барселона, со кои освои 10 титули од Ла лига и четири од Лигата на шампиони.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Мареска го потпишал договорот со Челси
Поранешниот менаџер на Лестер, Енцо Мареска, договорил петгодишен соработка со Челси, објави инсајдерот на „Атлетик“, Дејвид Орнштајн. Според новинарот, Челси во наредните денови официјално ќе го претстави новиот тренер.
Спортските директори на Челси, Пол Вајнстанли и Лоренс Стјуарт отпатуваа во Марбела на разговори со Мареска откако Лестер даде зелено светло. Откупната клаузула во неговиот договор е помеѓу 8 и 10 милиони фунти.
Италијанецот оваа сезона со Лестер ја освои шампионската титула во Чемпионшип и се пласираше во Премиер лигата. Освен во Лестер како тренер, работеше и во резервниот тим на Манчестер сити и во Парма. Една сезона му беше помошник на Пеп Гвардиола во Манчестер сити.
Мареска на клупата ќе го замени Маурисио Покетино, кој го напушти клубот на крајот од сезоната.
Спорт
Скалвини го повреди коленото, го пропушта ЕУРО
Фудбалерот на Аталанта Џорџо Скалвини, на последниот натпревар во сезоната доживеа повреда поради која ќе го пропушти Европското првенство и првиот дел од новата сезона.
Скалвини (20), вчера против Фиорентина, ги скинал предните вкрстени лигаменти на левото колено. Со помош на лекарскиот тим и во слозни еден од најталентираните дефанзивци не само во Италија туку и во Европа го напушти теренот.
Повредата на Скалвини е уште еден голем удар за селекторот на Италија, Лучано Спалети. Италија има големи проблеми во дефанзивата бидејќи пред Скалвини е повреди и искусниот Ачерби.
Според првите прогнози, Скалвини на терените ќе се врати во јануари.
Спорт
Македонија во Риека против Хрватска – Далиќ ќе настапи со комбиниран состав
Фудбалската репрезентација на Македонија, вечерва во Риека, ќе одигра контролен натпревар со репрезентацијата на Хрватска. Овој натпреар за Македонија е подготвителен за она што ја очекува репрезентацијата во септември, додека за Хрватска е дел од подготовките за Европското првенство.
Македонија на овој и слдниот меч со Чешка ќе биде без капитенот Енис Барди. Играчот на Трабзон се повреди во последниот натпревар за својот тим.
„Очекувам добар натпревар. Играме меч против селекција која според мене е топ-5 во светот, со сребро и бронза на последните првенства, со квалитет индивидуален и тимски, ни останува само да уживаме во мечот и да видиме како тим до каде сме. Сакаме да ги провериме сите играчи, за да видиме на кого можеме да сметаме во иднина. Се наоѓаме на крајот на сезоната, но она што го гледам во последните денови е дека сите се расположени да го дадат својот максимум. Кога играте за својата држава, мора да сте на повеќе од максимумот, така ќе биде и секогаш. Императив е да видиме до каде сме, во која насока и што треба да поправиме пред септемвриксиот циклус“, рече селекторот Благоја Милевски.
Неговиот колега Златко Далиќ, според хрватските медиуми, против Македонија ќе користи 17 фудбалери. Предност ќе добијат оние кои се појавија на подготвките од првиот ден. „Индекс“ пишува дека мечот со Македонија ќе го започне со играчи кои никогаш не играле заедно, во формација 4-2-3-1.
Тимот на Хрватска: Ливаковиќ – Јурановиќ, Ерлиќ, Вида, Соса – Ковачиќ, Мајер – Крамариќ, Батурина, Перишиќ – Петковиќ.
Натпреварот во Риека ќе започне во 19 часот.