Спорт
Ќе има нов европски шампион – Португалија се враќа дома, Белгија е четвртфиналист
Фудбалската репрезентација на Белгија е четвртиот четвртфиналист на ЕУРО2020 откако предмалку „црвените ѓаволи“ на Мартинез го 1-0 го совладаа составот на Португалија во шпанска Севилја. Португалија е се уште актуелен европски шампион од пред 5 години, но на ова ЕУРО друга селекција ќе биде крунисана.
Единствениот гол на овој нервозен дерби натпревар беше дело на Торган Азар во 42 минута од мечот кога играчот на Борусија Дортмунд биеше силно и прецизно од 20-тина метри.
Во првото полувреме Португалија беше подобар противник, Жота во 5-тата и Роналдо во 25-тата минута имаа можност да го загрозат голманот Куртоа, но беа непрецизни.
Во второто полувреме Португалија ја имаше иницијативата, а им се олесни работата откако во 47 минута поради повреда мораше играта да ја напушти Де Брујне, по еден старт на Палиња.
Во 58 минута Диего Жота биеше неколку сантиметри над пречката откако Кристијано Роналдо одлично го вработи во шеснаесетникот.
Во 82 минута Дијаш со глава право бие во Куртоа, а во 83 минута стативата на Куртоа се тресе – Гереиро бие од 16 метри, за милиметри непрецизно.
Во последните минути од мечот неколку обиди на Португалија да стигнат до реми, неуспешно. Куртоа беше на висината на задачата, а обидите на Роналдо, Андре Силва, Бруно Фернадеш беа неуспешни.
Белгија во четвртфиналето оди на Италија која вчера беше подобра од Австрија, 2-1.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.