Спорт
Ќе стане ли третиот голман на Ливерпул најстариот дебитант во ПЛ?

Ливерпул денеска го игра мечот од второто коло во Премиерлигата. Европскиот шампион на стадионот „Сент Мери“ му гостува на Саутемптон, а на голот на „црвените“ можно е да се појави 35-годишниот голман, Енди Лонерган кој никогаш досега не бранел во најсилната англиска лига.
Доколку Лонерган застане меѓу стативите, тој со 35 години и 302 дена ќе стане најстариот Англичанец кој дебитирал во Премиерлигата.
Првиот голман на тимот, Алисон Бекер се повреди во првото коло против Норич на „Енфилд“, а вториот голман, Шпанецот Адријан го повреди неодговорен навивач при славјето за освоениот Суперкуп на УЕФА во Истанбул, во средата.
Лонерган целата кариера ја помина бранејќи во нисколигаши, најмногу во Чемпионшип, а Ливерпул го доведе во своите редови на американската турнеја, како трета опција на голот.
Лонерган професионалната кариера ја започна во 2000 година во Престон НортЕнди, каде се задржа цели 11 години. Има брането и за Лидс, Болтон, Фулам, Вулверхемптон и Мидлборо, но само додека овие тимови се натпреварувале во втората по ранг англиска лига.
Во кариерата има 362 натпревари од кои 337 во Чемпионшип.
35y 302d – Should he debut for Liverpool tomorrow, Andy Lonergan will be the oldest Englishman to make his Premier League debut in the 21st century, aged 35 years and 302 days. Evergreen. pic.twitter.com/lZRTnaR2BT
— OptaJoe (@OptaJoe) August 16, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Истрагата потврди: позната причината за несреќата во која загина Диого Жота

Фудбалскиот свет беше шокиран во четврток од веста дека Диого Жота, ѕвезда на Ливерпул и португалската репрезентација, загинал во сообраќајна несреќа во шпанската покраина Замора.
Загина и неговиот помлад брат Андре Силва. Несреќата брзо стана вест на неделата, а сегашни и поранешни спортски легенди му оддадоа почит на Диого.
Според шпанската Цивилна гарда, пребрзото возење е главната причина за несреќата во која загина Диого Жота.
Иако анализата е сè уште во тек, истражителите рекоа дека ќе обрнат посебно внимание на „трагите што ги оставило едното тркало на возилото“, но дека сè укажува дека брзината на возилото во времето на несреќата била значително над ограничувањето на брзината на тој дел од патот.
Tributes on display for Diogo Jota at Liverpool’s training ground as players return for preseason training. pic.twitter.com/FW2E7dIBm6
— ESPN FC (@ESPNFC) July 8, 2025
Жота и неговиот брат биле во изнајмен „Ламборџини Хуракан“, кој излетал од патот и веднаш се запалил. Двајцата починале на местото на несреќата, пред да пристигнат спасувачките служби.
Спорт
Челзи го совлада Флуминенсе со 2:0 и се пласира во финалето на Светското клупско првенство

Фудбалерите на Челзи обезбедија пласман во финалето на Светското клупско првенство со убедлива победа од 2:0 над бразилскиот тим Флуминенсе. Натпреварот се одигра на стадионот „Метлајф“ во САД, каде што англискиот претставник доминираше во текот на целиот меч.
Двата гола за „сините“ ги постигна Жоао Педро, во 18. и 56. минута, носејќи му на Челзи сигурна предност и контрола над играта. Педро е поранешен играч на Флуминенсе, па со вечерашните два гола успеа да го елиминира својот поранешен клуб.
Флуминенсе не успеа да се закани сериозно, и покрај неколкуте обиди во второто полувреме.
Челзи сега го очекува финалето, каде ќе се соочи со победникот од дуелот меѓу Манчестер Сити и Ал-Ахли.
Спорт
Шкендија одигра нерешено, 0:0, против ТНС во Велс, реванш во вторник во Скопје

Без голови заврши првиот натпревар во првото квалификациско коло во фудбалската Лига на шампиони. Екипата на Шкендија одигра нерешено, 0:0, на гостувањето против екипата ТНС во Велс, Велика Британија.
Шкендија беше рамноправен ривал на ТНС. Во најголем дел од мечот топката беше кај нив, имаа неколку нереализирани можности, но не успеаја да најдат простор за гол и по продолжението од четири минути.
Судија на натпреварот беше Ирецот Роб Хенеси.
0:0 останува стартен резултат за реваншот кој ќе биде за седум дена, во вторник на 15 јули, во Скопје.