Лука Дончиќ со трипл-дабл, го предводеше Далас до минималната победа над Оклахома 104:102. Изминатата ноќ, блесна и Јусуф Нуркиќ со монструозен дабл-дабл, во победата на Портланд над Орландо 98:88. Поентерски блесна Девин Букер. Бекот на Финикс Санс, на Сан Антонио им испорача 48 поени.

Далас ја продолжија победничката низа и покрај тоа што се изнамачија во дуелот сон еден од најлошите тимови во лигата. На крајот славеа со два поени разлика. Дончиќ го предводеше тимот со 20 поени, 11 скокови и 12 асистенции.

Репрезентативецот на Босна и Херцеговина, Јусуф Нуркиќ, го одигра најдобриот меч оваа сезона. Во Орландо, Портланд победија 98:88, а Нуркиќ имаше чинок од 22 поени и 21 скок.

Лидерот во лигата, Финис Санс победи во Сан Антонио со 121:107. Спарс немаа решение за Девин Букер кој им уфрли 48 поени.

Во дербито, ЛА Лејкерс славеа во дуелот со Јута Џез 101:95.Лејкерси, одиграа речиси совршена одбрана во последната четвртина, во која влегоа со минус од шест поени. Леброн Џејмс ги предводеше Лејкерси со 25 поени, кај Јута Руди Гобер имаше 17 поени и 16 скока.

Рускиот тенисер Данил Медведев успешно го започна настапот на Австралија опен. Медведев, во првото коло, со максимален резултата го победи Швајцарецот Хенри Лаксонен.

Медведев за еден час и 57 минути забележа победа 6/1, 6/4, 7/6.

Вториот носител, во првиот сет два пати му го одзеде сервисот на противникот и лесно го реши овој период од мечот. Во вториот, направи еден брејк, во петтиот гем и го освои вториот сет.

Лаксонен голем отпор пружи во третиот сет, но не успеа да му се спротивстави на фаворитот во тај-брејкот.

Медведев во второто коло ќе игра против Ник Кирјос или Лијам Броди.

Каспер Руд, осмиот носител на Австралија опен, се повлече од турнирот. Норвежанецот, во неделата на тренингот, го повредил скочниот зглоб.

Руд е еден од играчите кои ја обележаа минатата година. Во 2021, тој забележа 50 победи, освои пет трофеи.

На неговото место ќе игра лаки лузерот, Роман Сафјулин. Рускиот тенисер е петтиот лаки лузер кој влезе на турнирот.