Спорт
Клиперси пресилни за Дончиќ, Мареј повторно „свиреше“ џез

Кошаркарите на ЛА Клиперс се пласираа во полу-финалето во Западната конференција. Клиперси во првата рунда ги елиминираа Далас Маверокс со 4:2. Шестиот меч од серијата им припадна на Клиперси со 111:97.
Далас не успеаја да изборат мајсторка против фаворизираните Клиперси, бидејќи во своите редови имаа само еден играч способен да им се спротивстави на Клиперс.
Лука Дончиќ одигра уште еден бролијантен меч и буквално сам го држаше својот тим во игра во првите три четвртини. Дончиќ натпреварот го заврши со 38 поени и девет скока и асистенции. Клиперс ги предводеше Каваи Ленард со 33 поени, 14 скокови и седум асистенции.
ЛА Клиперс противникот во полу-финалето ќе го добијат откако мајсторка ќе одиграат Денвер Нагетс и Јута Џез. Денвер изборија седми меч со победата 119:107.
Повторно незаприлви за Јута беше Џамал Мареј кој и на третиот последовен меч во оваа серија постигна 40+ поени. Мареј на Јута им испорача 50 поени, на кои придодаде пет скока и шест асистенции.
Најблиску до него беше Никола Јокиќ со 24 поени, честити скока и девет асистенции.
Кај Јута Донован Мичел постигна 44 поени (девет тројки), Мајкл Конли уфрли 21 кош.
Мајсторката би требало да се игра во ноќта помеѓу вторник и среда.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ленгле како слободен играч потпиша со Атлетико

Францускиот фудбалер Клеман Ленгле потпиша договор со Атлетико Мадрид до јуни 2028 година.
Ленгле беше член на Барселона, а минатата сезона ја помина на позајмица во Атлетико.
Францускиот фудбалер го раскина договорот со Барселона порано денес, а потоа потпиша тригодишен договор со Атлетико Мадрид како слободен агент. Минатата сезона, Ленгл одигра 34 натпревари за мадридскиот клуб и постигна три гола.
Покрај Барселона и Атлетико, дефанзивецот играше и за Астон Вила, Тотенхем, Севиља и Нанси.
Спорт
Киву го презеде Интер

Романскиот фудбалски стручњак Кристијан Киву (44) е назначен за нов тренер на Интер од Милано.
Киву потпиша договор со тимот од „Џузепе Меаца“ до 30 јуни 2027 година.
Тој го наследи Симоне Инзаги на клупата на вицешампионите на Европа и Италија. Инзаги минатата недела поднесе оставка и замина во Ал Хилал.
Киву поднесе оставка од тренерската позиција на Парма пред да биде назначен во Милано.
Романецот беше тренер на младинските категории на Интер од 2018 до 2024 година, а како играч беше член на клубот од Милано од 2007 до 2014 година.
Спорт
Започна чистката на „Олд Трафорд“, први на удар ветераните

Данскиот фудбалер Кристијан Ериксен (33), шведскиот дефанзивец Виктор Линделоф (30) и поранешниот репрезентативец на Северна Ирска Џони Еванс (37) ќе го напуштат Манчестер Јунајтед на 30 јуни, објави англискиот клуб.
Во соопштението се наведува дека договорите на тројцата фудбалери со Манчестер Јунајтед истекуваат на 30 јуни и дека англискиот тим не смета на нив следната сезона, бидејќи клубот од „Олд Трафорд“ одлучил да не ја продолжи соработката со Ериксен, Еванс и Линделоф.
Еванс беше член на Манчестер Јунајтед од 2006 до 2015 година, а се врати во клубот од „Олд Трафорд“ во 2023 година. Ирецот и претходно објави дека ќе се пензионира.
Ериксен пристигна во Манчестер Јунајтед во 2022 година, додека Линделоф е член на „Црвените ѓаволи“ од 2017 година.