Спорт
Клоп: Ако победиш – добро е, ако загубиш, прифати го тоа машки!

Вотфорд го потопи Ливерпул со 3-0 во Премиерлигата, што е прв пораз по неверојатни 44 натпревари во низа.
Последниот пораз избраниците на менаџерот, Јирген Клоп го доживеаја на 3 јануари 2019 година. Денеска падна и низа од 18 меча со врзани победи во англиската најквалитетна фудбалска лига.
Тренерот Клоп по мечот стои цврсто на земја и вели дека поразот мора да се прифати машки.
„Го направија токму она што го планираа, ние не. Така функционира фудбалот. Првото полувреме беше посебно тешко за нас, многу долки топки, трчање горе-доле, имавме топки, но не ги уфрливме на правите позиции. Мораме да го прифатиме поразот иако не ни е лесно, но тоа е доказ дека не бевме доволно добри вечерва. Секогаш е тешко кога си поразен, но мора тоа да го прифатиме. Ако победиш – добро е, но ако загубиш, пробај со тоа да се однесуваш на вистинскиот начин и да го прифатиш тоа машки“ рече Клоп.
И стоперот на Ливерпул, Вирџил ван Дајк со свое видување за мечот.
„Заслугите одат за Вотфорд, одиграа добро, многу се бореа, беа дисциплинирани и постигнаа три гола. Тоа е реалноста, а ние не можевме да го најдеме патот кон сето тоа. Беше тешко, но мораме подобро. Не сакаме да примаме голови, ќе погледнеме, ќе анализираме. Рекордите и приказните се само медиумски прикази. Ние се трудиме да победиме на секој следен меч. Фокусот сега е на следниот меч.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Флуминензе и Борусија одиграа без голови на клупскиот Мундијал

Фудбалерите на Борусија Дортмунд и Флуминензе одираа натпревар без голови на Светското клупско првенство во САД.
Дерби натпреварот од првото коло од Групата Ф на стадионот „МетЛајф“ во Њу Џерси заврши со најнепопуларниот резултат, 0:0. Секогаш е интересно и неизвесно кога се натпреваруваат Германците и Бразилците, но овој пат играчите на им двата тима останаа должни на фудбалските фанови.
И за овој натпревар немаше голем интерес кај навивачите, на стадионот со капацитет од малку повеќе од 80.000 седишта, имаше точно 29.755 гледачи.
Фудбалерите на Флуминензе, шампионот на Јужна Америка од 2023 година, беа нешто поопасни, особено во второто полувреме кога голманот на Борусија, Грегор Кобел, се истакна во неколку ситуации. Особено во 70-та минута кога Евералдо имаше добра шанса.
Капитен на тимот од Рио де Жанеиро беше легендарниот бразилски репрезентативец и поранешен дефанзивец на Милан, Пари Сен Жермен и Челзи, 40-годишниот Тијаго Силва.
19-годишниот Џоуб, помладиот брат на англискиот репрезентативец и фудбалер на Реал Мадрид, Џуд Белингам, дебитираше за тимот на Нике Ковач. Тој пристигна од Сандерленд за околу 30 милиони евра. Влезе во игра во 59-та минута наместо Паскал Грос.
Јужнокорејскиот Улсан ХД и Мамелоди Сандаунс од Јужна Африка играат во истата група вечерва на полноќ.
Во второто коло на 21 јуни ќе играат Мамелоди Сандаунс – Борусија Дортмунд (18.00) и Флуминенсе – Улсан ХД (24.00).
Спорт
Вардар, Силекс и Работнички ги дознаа противниците во Конференциската лига

Фото/ ффм.мк
Македонските тимови Вардар, Силекс и Работнички ги дознаа имињата на противниците со кои ќе се соочат во првото квалификациско коло во Конференциската лига.
Вардар од можните четири притивници го доби најпосакуваниот, фудбалскиот клуб ла Фиорита од Сан Марино.
Силекс во првата квалификациска рунда ќе се соочи со црногорскиот претставник Дечиќ, додека Работнички доби противник од Белорусија, фудбалскиот клуб Торпедо.
Бидејќи не беа носители, македонските тимови, првите натпревари ќе ги играат на домашен терен.
Првите натпревари ќе се одиграат на 10, а реваншите на 17 јули.
Спорт
Велшки предизвик за Шкендија во првото квалификациско коло

Шампионот на Македонија, Шкендија, во првото квалификациско коло, во Лигата на шампионите ќе се соочи со првакот на Велс, ТНС:
Првиот натпревар ќе се одигра на 8 или 9 јули во Македонија, а реваншот е на програмата една недела подоцна во Велс.
Шкендија и ТНС играа во 2018 година, исто така во првото квалификациско коло. Шкендија победи дома со 5:0 (четири гола постигна Ибраими), а ТНС во реваншот беше на чекор до сензација, победи со 4:0