Спорт
Клоп: Дијаз сам ќе одлучи дали може да игра

Менаџерот на Ливерпул, Јирген Клоп изјави дека ќе му дозволи на Луис Дијаз сам да одлучи дали ќе може да игра овој викенд. Дијаз преживува семејна драма, откако пред една недела во Колумбија беше киднапиран неговиот татко.
Клоп потврди дека 26-годишниот Дијаз се вратил на тренинзите во средата. „Црвените“ се подготвуваат за неделната пресметка со Лутон.
„Ќе почекаме да видиме како ќе се одвива. Ништо нема да форсираме. Ако се чувствува добро, ќе тренира со нас. Беше на тренинг пред два дена и вчера одработи дел од тренингот“, изјави Клоп, пренесе Би-би-си.
„Кога е со тимот, тој е добар, но може да се каже дека не спиел многу“, додаде Клоп.
Колумбиската влада утринава соопшти дека бунтовничката група ационалноослободителна армија, позната како ЕЛН, е одговорна за киднапирањето на таткото на фудбалерот на Ливерпул, Луис Дијаз.
Делегација на колумбиската влада, која во моментов е во преговори со ЕЛН, соопшти дека има „официјални сознанија“ дека киднапирањето го извршила „единица на ЕЛН“.
„Очекуваме добри вести“, изјави Клоп.
Родителите на Луис Дијаз беа киднапирани минатата сабота од вооружени мажи на мотоцикли на бензинска пумпа во малиот град Баранкас на северот на Колумбија.
Мајката на Дијаз, Силенис Маруланда, беше спасена неколку часа подоцна од полицијата која постави блокади низ градот, кој е во близина на границата на Колумбија со Венецуела.
Колумбиската полиција потоа започна масовна потрага по таткото на играчот на Ливерпул и понуди награда од 48.000 долари за информација што ќе доведе до таткото на Дијаз.
ЕЛН е главната преостаната активна герилска група во Колумбија која се бори против државата од 1964 година и има околу 2.500 членови, пишува Би-би-си. Тие се најактивни во пограничниот регион со Венецуела, каде што живеат родителите на Луис Дијаз.
Foto/ imago
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
„Најдете си друг селектор ако не ви се допаѓа играта“

Српскиот селектор, Драган Стојковиќ Пикс, пред квалификацискиот дуел со Албанија во Тирана, најавуваше победа на неговата репрезентација, на крајот беше и повеќе од задоволен со освоениот бод.
Голманот на Челзи, кој минатата сезона бранеше на позајмица во Стразбур, Ѓорѓе Петровиќ, се претоври во апсолутен херој на Србија, откако на истекот на првиот дел го одбрани пеналот што го изведе Манај.
Пикси на прес-конференцијата бурно реагираше на констатацијата дека најавувал победа, а се задоволил со еден бод.
„Не ви се допадна играта? Не? Тогаш најдете друг селектор“, рече Стојковиќ и дополни.
„Не е лесно да се игра тука, а ние покажавме карактер. Не се исплашивме од атмосферата, која беше фантастична, честитки до навивачите на Албанија“.
Пиксеи изненади и со оваа изјава бидејќи српските фудбалери во текот на целиот натпревар беа наредувани, а тројца беа погодени и со предмети од трибините.
„Атмосферата беше фантастична. Што се однесува до овие други работи, тие беа очекувани. Бевме фокусирани на играта.“
Спорт
Челзи се договорил со Гитенс, Борусија Дортмунд сака повеќе пари

Фудбалерот на Борусија Дортмунд, Џејми Гитенс, е цел на Челзи. Клубот и фудбалерот ги договориле финансиските детали, по што во Дортмунд е испратена понида за крилниот напаѓач.
Челзи ѝ нуди на Борусија 35 милиони евра обештетување за 20-годишникот, додека во Дортмунд бараат најмалку 50 милиони за да дадат зелено светло за трансферот.
Англичанецот побарал дозвола за трансфер од челниците на клубот, а бундеслигашот го гледа тоа како идеална можност сериозно да профитира од уште еден многу талентиран фудбалер од своите редови.
Гитенс имаше одличен почеток на сезоната, беше една од ретките светли точки под водство на поранешниот тренер на „милионерите“, Нури Сахин, но кај Нико Ковач и не беше толку добар.
Хрватскиот стратег често го форсираше системот без вистински крилни напаѓачи, но Гитенс повторно се бореше за поголема улога на крајот од сезоната.
Џејми одигра вкупно 48 натпревари во сите натпреварувања, со учинок од 12 гола и 3 асистенции.
На Челзи му се потребни засилувања на крилните позиции откако се раздели со позајмениот играч на Манчестер Јунајтед, Џејдон Санчо, но и поради суспензијата на Микаил Мудрик поради позитивен допинг тест.
Гитенс (20) играше во младинските тимови на Рединг, Челзи и Манчестер Сити, а е член на Борусија од 2020 година.
Спорт
Мекинтош го урна светскиот рекорд на 400 метри слободно

Канадската пливачка Самер Мекинтош го собори светскиот рекорд на 400 метри слободен стил со време од 3:54.18 минути на националното првенство во Монтреал.
Мекинтош, трикратна олимписка шампионка и поранешна светска рекордерка во оваа дисциплина, го собори претходниот светски рекорд од 3:55,38, поставен од Австралијката Ариарне Титмус на Светското првенство во Фукуока, Јапонија, за повеќе од една секунда.
„Уште од вечерта знаев дека мојот тренинг во последните неколку месеци беше навистина добар и дека можам да направам нешто посебно. Но, не мислев дека моето време ќе биде толку добро, па затоа сум навистина среќна“, рече 18-годишната Мекинтош.
На Светското првенство во Сингапур, кое ќе се одржи од 11 јули до 3 август, таа ќе учествува во седум дисциплини, вклучувајќи ги 400 метри слободно, 800 метри слободно, 400 метри мешано, 200 метри мешано, 200 метри слободно, 200 метри пеперутка и 200 метри грбно. Таа објави дека планира да се натпреварува во пет дисциплини.
Мекинтош освои злато во 200 метри пеперутка, 200 метри мешано и 400 метри мешано на Олимписките игри во Париз минатата година. Во Сингапур ќе се обиде да додаде уште едно злато, а досега има четири светски титули.