Спорт
Клоп и Ливерпул имаат една цел следното лето: Џуд Белингем
Јирген Клоп има „зелено светло“ од газдите на Ливерпул за да го добие посакуваното засилување во текот на летниот преоден рок, Џуд Белингем од Борусија Дортмунд, со кого би требало да се ревитализира средниот ред на „црвените“, јавува германскиот „Билд“.
19-годишниот Белингем стана еден од најпосакуваните млади фудбалери во Европа по фантастичните настапи со Борусија Дортмунд и покрај неговата возраст и се верува дека за него се заинтересирани и Реал Мадрид, Манчестер сити и Челси. Сепак, откако Клоп се пожали јавно дека ривалите Манчестер сити можат да си приуштат да донесат било кој фудбалер, американските газди „ФСГ“ се подготвени да го поддржат со висок буџет за трансфери.
Сепак, до потписот на младиот англиски репрезентативец нема да се дојде лесно, бидејќи тој минатата година потпиша нов четиригодишен договор со клубот и очекуваат 150 милиони евра за него, а Ливерпул не се подготвени да дадат повеќе од 100 милиони.
Од друга страна според шпанскиот „Ел чирингито“, Белингем не сака да се врати во Премиерлигата и би преферирал да замине во Реал Мадрид, каде што исто така би бил лидер на новата генерација и би бил „важен“ играч.
Белингем има 109 настапи за „милионерите“ и 17 настапи за англиската репрезентација иако уште е тинејџер. Манчестер јунајтед не успеаја да го убедат да потпише за нив уште во 2020 година, кога беше фудбалер на Бирмингем сити и тој реши да се пресели во Бундеслигата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Мурињо оди во Истанбул, но не во Фенербахче туку во Бешикташ
Жозе Мурињо, еден од најтрофејните тренери во историјата, е многу блиску до преземање на Бешикташ. Ова го пишуваат турските медиуми, а го потврди и претседателот на клубот од Истанбул.
„Го контактиравме Мурињо. Тој е подготвен да дојде во нашиот клуб. Договоривме нов состанок следната недела во Италија. Финансиските детали од договорот се решени”, изјави Хусеин Јуџел, претседател на Бешикташ.
Мурињо неодамна беше поврзуван со Фенербахче, но Бешикташ очигледно е далеку поконкретен. Тој клуб и оваа сезона ги разочара своите навивачи, далеку е зад најголемите ривали Галатасарај и Фенербахче.
Доколку дојде Мурињо ќе треба да се вмеша во борбата за титулаѕа, која последен пат Бешикташ ја освои пред три години.
Славниот Португалец е без работа од јануари кога доби отказ од Рома поради лошите резултати.
Спорт
Ферстапен најбрз во Имола
Макс Ферстапен во Имола ја забележа 59.победа во кариерата. Актуелниот светски првак триумфираше на трката за Големата награда на Емилија Ромања. Покрај Ферстапен место на победничкиот подиум изборија Ландо Норис (Мекларен) и Шарл Леклер (Ферари).
Траката во Имола речиси и да не донесе никакви возбудувања. На почетокот во првите 10 кругови Пасјтри се обидуваше но не успеа да го мине Карлос Санц на четвротто место. Она што не на младиот Австралиец му успеа на патеката му успеа низ боксот.
Мала незивеснот имаше во последните седум круга, кога Ферстапен се пожали на проблеми со пенвматиците. Норис тоа го искористи, разликата од седум секунди ја намали на седум десетинки, но не дојде во позиција за напад.
Покрај најдобрите тројца бодови во Имола освоија Пјастри, Саинц, Хамилтон, Расел, Перез, Строл, и Цунода.
Шампионатот во Формула 1 продолжува наредниот викенд со трката за Голмата награда на Монако.
Спорт
(Видео) Каљари избори опстанок во Серија А
Фудбалерите на Сасуоло загубија на домашен терен од Каљари со 2:0. Екипата од Сардинија, која од клупата ја предводи Клаудио Раниери де на коло пред крајот дефинитивно обезбеди опстанок во Серија А.
За разлика од Каљари, Сасуоло во последното коло гостува кај Лацио, а ниту победа не му гарантира опстанок.
До победата Каљари го предводеа Матео Прати, кој ја погоди мрежата на домаќините во 72. минута и Џанлука Лападула, кој погоди од пенал во судиското надополнување.
Ова беше прва победа на Каљари по пет кола.
Тимот од Сардинија сега има четири бода повеќе од Фросиноне и Емполи, а седум бода повеќе од Сасуоло пред последниот натпревар сезонава.
Тимот предводен од Клаудио Раниери од клупата ќе ја пречека Фиорентина во последниот натпревар од сезоната.