Спорт
Клоп: Имаме бод повеќе отколку што имавме
Тренерот на Ливерпул, Јирген Клоп истакна дека неговиот тим можел повеќе од нерешениот резултат против Манчестер јунајтед, но дека не е незадоволен од конечниот исход.
„Јасно е дека требаше да го добиеме натпреварот. Моравме да постигнеме повеќе голови во првото полувреме. Во тој дел немаа ниту еден удар и 1:0 беше најмалку што можевме да очекуваме. Сè беше навистина добро до Бруно. Потоа стадионот се крена, ни требаа неколку минути да се вратиме и тие го искористија тоа и постигнаа уште еден гол. Имавме голема шанса после тоа. Но, што се однесува до мене, имаме бод повеќе отколку што имавме пред овој натпревар“, изјави Клоп.
Тој смета дека тоа не е негативен исход за шампионската трка, иако на првото место сега се наоѓа Арсенал. Тој го апострофира гостувањето кај Евертон на „Гудисон“ како потенцијалена мина.
„Се уште сме во трката за титулата и од тоа сум прилично задоволен. Манчестер јунајтед вложи дополнителен напор и знам дека можеме да го очекуваме тоа и против Евертон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Списокот на клубови на кои должи Барселона е голем, само на Лидс, Сити, Севиља и Баерн треба да плати 114 милиони евра
Претседателот на Барселона, Жоан Лапорта му плати на Дани Олмо 55 милиони евра минатото лето, една година пред тоа потроши 40 милиони на Витор Роке (кој повеќе не е во клубот), ќе потроши 70+ милиони на Нико Вилијамс, а клубот што го води „должи како Грција“.
Набргу откако во јавноста се појави информација дека, пазете, „Барселона се согласила да го плати долгот на Френки Де Јонг од 15 милиони евра“, дознавме и дека долговите кон клубовите од кои се донесени играчите ја преминале границата од 100 милиони евра.
Како Барса сè уште може да носи и регистрира играчи и за каков финансиски фер-плеј се работи, никому не му е јасно.
Во основа, Лидс јунајтед ги чека првите рати на име обештетување за Рафиња во висина од 42,5 милиони евра од 2022 година. За трансферот на Феран Торес треба да се уплатат 26 милиони евра на сметката на Манчестер Сити (13 милиони веднаш, 13 на рати). На Севиља должи 24,5 милиони евра за Жил Кунде, на Баерн 21 милион за Роберт Левандовски.
Долга е листата на клубови на кои должи, но сумата што Лапорта треба да ја плати само на Лидс, Сити, Севиља и Баерн е 114 милиони евра. Во текстот што го објави каталонски „Спорт“ не се наведува дали е платено нешто од обештетувањето за трансферот на Олмо од Лајпциг.
Да не зборуваме дека сето ова се случува во моментот на целосна реконструкција на стадионот „Камп Ноу“, кој требаше да чини околу 900 милиони евра, но веројатно ќе „пробие“ милијарда.
Спорт
„Кражба“ на летниот преоден рок, легендарниот Италијанец истакнува: „Би ги уапсил сите во Манчестер Јунајтед!“
Паоло Ди Канио смета дека најголемата „кражба“ на овој преоден рок е трансферот на Скот Мектоминеј во Наполи.
Овој фудбалер беше продаден за 30 милиони евра, а кај Конте во Наполи игра одлично. На осум натпревари постигна два гола, додаде и асистенција.
„Би отишол во Манчестер Јунајтед и би ги уапсил сите директори“, изјави Паоло Ди Канио.
Покрај тоа, Наполи во моментов е лидер во Серија А со 16 освоени бодови.
„Како можеш да се откажеш од Мектоминеј? Наполи има и играч како Нерес, кој е резерва, а Гилмур се докажа во Брајтон“, изјави Ди Канио.
Сепак, следува многу тежок распоред за Наполи, по Емполи на 20 октомври на гости, овој клуб ќе игра против големите ривали, Милан, Аталанта и Интер.
Спорт
(Видео) Никогаш поемотивен Ѓоковиќ за пензионирањето на Надал: „Шок – дел од мене замина со него“
Новак Ѓоковиќ ги продолжи победите на Мастерсот во Шангај.
Четвртиот светски рекет имаше многу работа, но на крајот го совлада 19-годишниот Чех Јакуб Меншик со 6:7 (4), 6:1, 6:4.
Новак на теренот остана 140 минути, а по мечот беше прашан уште еднаш да ја прокоментира одлуката на Рафаел Надал да се пензионира.
“A big part of me left with them” 🥹
Novak Djokovic on Nadal’s retirement announcement @DjokerNole #RolexShanghaiMasters pic.twitter.com/Y5UtOThfg8
— Tennis TV (@TennisTV) October 11, 2024
„Оставив објава на Инстаграм, мислев на секој збор што го напишав. Тој е мојот најголем ривал, тоа имаше најголемо влијание врз мене и мојата кариера. Знаевме дека тој момент ќе дојде наскоро, порано или подоцна, но повторно, тоа е шок. Истот како и со Роџер и Енди, тоа е шок. Не знам што да мислам за тоа, голем дел од мене отиде со него. Лоши вести за светот на тенисот, тој беше инспирација за милиони деца ширум светот. Мора да биде горд на својата кариера“, изјави Ѓоковиќ.
Српскиот тенисер во сабота во полуфиналето ќе игра по десетти пат против Американецот Тејлор Фриц.