Манчестер сити не се откажува од фудбалерот на Реал Мадрид, Родриго. Медиумите на Принејскиот полуостров трврдат дека клубот започнал преговори со луѓето блиски до крилниот напаѓач.

Бразилецот повеќепати јавно изјави дека сака да остане во Реал, но тоа не ги спречи Манчестер сити и Ливерпул да продолжат да покажуваат интерес. Родриго наводно ја одбил понудата на Сити минатото лето. Сето ова не го обесхрабри клубот.

Пеп Гвардиола е голем фан на Родриго, а Сити планира голем ремонт на тимот ова лето, Кевин Де Брујне и Бернардо Силва со голема веројатност ќе го напуштат клубот. Според тврдењата на некои шпански медиуми, Сити неодамна одржал состанок со таткото на Родриго.

Сити нуди поголема плата од онаа што фудбалерто ја има во Реал и слобода во играта Новинарот Едуардо Инда, тврди дека таткото на Родриго и неговиот тим негираат дека средбата се случила, но според неговите извори, средбата се случила пред две до три недели.

За време на разговорите, луѓето од понудиле две клучни работи, значително зголемување на платата и можност да игра на неговата омилена позиција, лево крило, што не е можно во Реал Мадрид.

Сето ова не значи дека 24-годишникот ќе го напушти Реал Мадрид, но ова е уште еден во низата сигнали дека тој би можел да се пресели во Премиер лигата. Останува прашањето дали Реал воопшто би бил подготвен да преговара за трансфер на играч кој постигна 13 гола и даде осум асистенции на 41 одигран натпревар оваа сезона.

Родриго е под договор до летото 2028 година. „Трансфермаркт“ го цени на 100 милиони евра.

Италијанските фудбалски гиганти Милан и Интер направија важен чекор кон изградба на нов стадион со презентирање на деталниот план до градските власти на Милано. Проектот вклучува изградба на модерен спортски комплекс во областа Сан Сиро, каде што моментално се наоѓа легендарниот стадион „Џузепе Меаца“.

Според планот што го претставија клубовите, тие имаат намера да го преземат стадионот стар 98 години и придружното земјиште од градот Милано. Централниот дел на проектот е нов стадион со капацитет од 71.500 седишта, чија изградба се очекува да чини околу 700 милиони евра. Но, покрај самата арена, планот вклучува и сеопфатен развој на околината, која ќе се трансформира во мултифункционална спортска зона.

Проектот предвидува изградба на музеј посветен на историјата на двата клуба, продавници, деловни простории, хотели и пространи зелени површини. Планот содржи и предлог за „рефункционализација“ на сегашниот стадион, со цел да се зачува неговата историска вредност и да се прилагоди на нова намена. Дополнителните трошоци за реновирање на целиот комплекс се проценуваат на 500 милиони евра.

Според сегашниот план, новиот стадион треба да биде завршен до 2031 година, со што Милано ќе добие еден од најмодерните фудбалски објекти во Европа.

Долгогодишниот менаџер на Барнли, Шон Дајч, како што пренесоа британските медиуми дека бил огорчен од Винсент Компани, кој го наследи на тренерската позиција во клубот.

Младиот белгиски стручњак летово, на општо изненадување на фудбалската јавност беше назначен за тренер на Баерн, откако со Бранил испадна од Премиер лигата.

Баерн со Компани е на чекор до титулата во Бундеслигата и се пласира во четврт-финалето на Лигата на шампионите, каде Баварците ќе се соочат со Интер.

Дајч, кој во текот на сезоната доби отказ од Евертон, не штедеше зборови на критики кон Компани, а сето тоа поради Барнли, за кој чувствува дека е негов клуб.

„Потрошив девет милиони фунти во Барнли во 2014 година и испаднавме од Премиер лигата со 33 поени. Компани освои 24 поени, иако потроши 127 милиони фунти на засилувања. А потоа доби работа во Баерн”, изјави Дајч, а потоа изговори уште поневеројатни зборови:

„Ништо не ми е јасно. Не знам како функционираат овие работи. Посакувам и јас да работев така, по се што се случи да го преземам Баерн”, истакна Дајч.