Спорт
Клоп пред дербито: Би било добро Гвардиола да паузира четири години
![](https://makfax.com.mk/wp-content/uploads/2022/10/PGJK.jpg)
Јирген Клоп на шега вели дека би било добро неговиот ривал од Манчестер сити, Пеп Гвардиола да паузира од фудбалот четири години по шпекулациите дека Каталонецот може да одлучи да замине од англискиот шампион во текот на летото.
Пред гостувањето на „Енфилд“, Клоп го нарече Гвардиола најдобар фудбалски тренер на светот и призна дека е шокиран што неговиот договор истекува на крајот на сезоната.
„Дали би сакал ривалството да продолжи? Не, повеќе би сакал Пеп да направи пауза од четири години, сто отсто. Не, најмногу би сакал да направеше пауза претходните четири години. Не знам колку пати треба да кажам, но тој е најдобриот менаџер на светот и го докажува тоа секој ден. Навистина е посебно тоа што го направи со Сити и го респектирам тоа“, вели Клоп.
Тој не ја поддржува теоријата дека Манчестер сити за да станат голем тим треба да ја освојат Лигата на шампиони.
„Тие освоија многу последните години, но немаа среќа во одредени моменти во Лигата на шампионите. Така оди во спортот и во животот. Тој никогаш нема да сопре, сака да победува, секој меч е најважен за него“, додава Клоп.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Нема ден без селекторот
Пикси смета дека дал максимум за својата репрезентација.
Во наредниот период се очекува Стојковиќ да има разговори со првиот човек на ФСС Драган Џајиќ, а потоа и со претседателот на државата.
Во договорот потпишан од ФСС со Стојковиќ стои дека во случај на отказ, ќе му се должи сума од еден милион евра, а тоа е еден од главните проблеми околу оставката на актуелниот тренер, што можеби нема ни да се случи!
Доколку во секој случај ФСС решат да ја прекинат соработката со Стојковиќ, ќе имаат тешка работа во поглед на наоѓање нов тренер.
Од тамошните тренери на таа функција претендираат Славиша Јокановиќ и Александар Јанковиќ, додека веќе на големо се зборува дека во случај на отказ на Стојковиќ на негово место би можел да дојде тренер од странство.
Србија во септември ќе има обврски во Лигата на нации каде ќе се натпреварува во најсилната А дивизија, а ривали во групата ќе бидат Шпанија, Данска и Швајцарија, сите учесници во нокаут фазата на ЕП.
Србија во декември ќе ги добие ривалите во квалификациите за СП 2026 година, а борбата за пласман на Мундијалот во САД, Мексико и Канада ќе започне во март 2025 година.
Спорт
Модерниот дом на фудбалот
![](https://makfax.com.mk/wp-content/uploads/2024/07/LAPCIG.jpg)
Модерниот дом на фудбалерите на Лајпциг се наоѓа на местото на некогаш најголемиот стадион во Германија и еден од најголемите во Европа.
Во него се вградени најнапредните аудио-визуелни системи.
Oсветлувањето е интегрирано во покривот, а акустиката на стадионот е најдобра во земјата.
„Стадионот Лајпциг“, како што официјално се нарекува за време на Европското првенство, прима 40.000 навивачи – помалку од сите останати.
Поради добрата акустика, стадионот во Лајпциг беше домаќин на концертите на Тина Тарнер, Пол Макартни и многу други музички великани.
Градот Лајпциг е познат во светот по својата богата музичка традиција и импресивна архитектура.
Кулата висока 142,5 метри е најпрепознатливото архитектонско обележје на Лајпциг, а палубата за набљудување на 31-ви кат нуди панорамски поглед на целиот град и поширокиот регион.
Ова е последен дуел на Европското првенство што ќе се одигра во Лајпциг.
Спорт
Турција со огромна поддршка
![](https://makfax.com.mk/wp-content/uploads/2024/07/A.jpg)
Турција ќе биде без суспендираниот капитен Чалханоглу и централниот бек Акајдин, но дефанзивецот Бардакчи е на располагање по суспензијата од еден натпревар.
Но, интересно е што Турција не победи на ниту еден од претходните четири натпреварувачки натпревари без Чалханолгу.
Оваа серија вклучува пораз од 2-1 од Фарски Острови во Лигата на нации.
Австријците во групната фаза постигнаа шест и примија четири гола.
Во листата на стрелците на Европското се запишаа Сабицер, Шмид, Траунер, Арнаутовиќ и Баумгартнер. Против Холандија, Дони Мулен со автогол придонесе за подобра гол разлика на Австрија.
Кевин Вимер ќе го пропушти натпреварот против Турција, поради жолти картони.
Филип Мвен ја санираше повредата и ќе му биде на располагање на тренерот за дуелот.
Изгледите за натпреварување во нокаут рундата за селекцијата на Австрија по почетниот пораз од Франција не беа големи. Сепак, два последователни триумфи, најпрвин над Полска, а потоа и против Холандија, ги донесоа на челната позиција во групата.
Турција го започна европското со победа против дебитантот Грузија, но потоа загуби од Португалија. На крајот од групната фаза Турците беа подобри од Чешка.