Спорт
Клоп со потценувачка изјава за квалитетот на Барнли: Па тие немаат репрезентативци
На Јирген Клоп не му се допаѓа ривалот Барнли. Ова станува уште појасно по последната изјава за тимот на Шон Дајч по малку потценувачките изјави дека тие би биле против пет замени во еден натпревар во Премиер лигата посочувајќи дека не се доволно добри да пратат играчи на интернационална пауза.
Во минатото тој го критикуваше Барнли за нивната физичка игра, а оваа година имаше еден интересен дуел со Дајч. Зошто мораше да го споменува Барнли кога со нив играат дури на 13 февруари, не е јасно.
Ливерпул е еден од клубовите што бараат враќање на петте замени што беа воведени поради коронавирусот, а кои уште се во сила во Ла Лига, Бундеслигата и во Серија А.
Klopp and Sean Dyche are having tough time ???? pic.twitter.com/o4avSaQpgM
— ?Tami’s ?? (@RedTams) January 22, 2021
„Тоа што го сфативме на состанокот на менаџерите и знаеме дека секогаш било така е дека 14 клуба прават одлука за промена. Тоа е потребно. Еве пример. Со Барнли не сум сигурен дали некој од нивните фудбалери има интернационална пауза. Кога нашите фудбалери ќе играат три натпревари, нивните фудбалери немаат натпревари. Имаат 38 меча во Премиер лигата и три или четири куп-натпревари за приближно 42 меча годишно. Тие го немаат нашиот проблем, но одлучуваат за тоа. Петте замени се вистинската одлука, особено во овој момент по ковид-кризата, и тоа е вистински проблем“, вели Клоп.
Барнли, сепак, за волја на вистината, има 9 интернационалци, кои во последната календарска година играле за своите репрезентации (иако можеби не биле стандардни во првиот тим). Меѓу нив се Максвел Корнет од Брегот на Слоновата Коска, Матеј Видра од Чешка и Јохан Берг Гудмундсон од Исланд.
? “Burnley I’m not sure how many players of them play international football, when our players have three games they have no game.”
Jurgen Klopp outlines the problems with having the rule of 14 Premier League clubs voting in favour of changes like five substitutions pic.twitter.com/OIbGeqJyLE
— Football Daily (@footballdaily) December 27, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Роналдо му се восхитува на Доналд Трамп
Фудбалерот на Ал Наср и еден од најдобрите фудбалери и најпопуларните спортисти на 21 век, Кристијано Роналдо, му се восхитува на американскиот претседател Доналд Трамп.
Поранешниот легендарен играч на Манчестер Јунајтед, Реал Мадрид и Јувентус го пофали Трамп за работата за постигнување мир во Газа.
„Доналд Трамп е еден од луѓето кои можат да помогнат да се промени светот“, рече Роналдо во интервју со Пирс Морган.
To President @realdonaldtrump.
Playing for peace. As a team. pic.twitter.com/iLGAmbmu0J
— António Costa (@eucopresident) June 16, 2025
Исто така, Роналдо му испратил потпишан дрес на Доналд Трамп преку неговиот сонародник Антонио Коста, претседателот на Советот на Европа.
Можеби овие чувства на португалскиот фудбалер кон републиканскиот претседател не се чудо, со оглед на тоа што според признанието на неговата мајка, тој го добил името по друг републикански претседател, Роналд Реган.
Спорт
Дезире Дуе е „Златно момче“ за 2025 година
Фудбалерот на Пари Сен Жермен, Дезире Дуе, е добитник на престижната награда „Златно момче“ за најдобар млад играч во 2025 година.
Дуе ја наследи традиционалната награда што ја доделува италијанскиот спортски весник од Торино „Тутоспорт“ од Ламин Јамал од Барселона, кој ја освои минатата година.
Наградата „Златно момче“ се доделува на најдобриот млад играч под 21 година.
Во текот на 2025 година, Дуе ги освои Лигата на шампионите, Лига 1, Купот и Суперкупот на Франција, Суперкупот на Европа со Пари Сен Жермен, а играше и во финалето на Светското клупско првенство на ФИФА, каде што Парижаните неочекувано беа поразени од Челзи.
Во вкупно 61 натпревар, тој постигна 16 гола и забележа исто толку асистенции. Тој ја доби и наградата за MВП за најдобар играч на финалето на Лигата на шампионите.
Дуе е четвртиот Французин кој ја освоил оваа награда, прв по Килијан Мбапе во 2017 година. Претходно лауреати беа Пол Погба во 2013 година и Антони Марсијал во 2015 година.
Спорт
Даумен стана најмладиот играч во историјата на Лигата на шампионите
Арсенал славеше против Славија од Прага со 3:0 во четвртото коло во Лигата на шампионите. Натпреварот во Прага го одбележа фудбалерот на Арсенал, Макс Дауман.
Младиот играч влезе во игра во 73-та минута и влезе во историјата станувајќи најмладиот играч што настапил во Лигата на шампионите.
Дауман има само 15 години и 308 дена и со тоа стана најмладиот фудбалер што играл во ова престижно клупско фудбалско натпреварување.
Овој рекорд претходно го држеше Јусуф Мукоко, кој дебитираше на 16 години и 18 дена.
Дауман веќе го имаше своето деби во Премиер лигата во дресот на Арсенал во август оваа година во натпреварот против Лидс.

