Баерн Минхен стигна до тешко извојувана 2:1 победа над Фрајбур на „Алијанц арената“, иако европскиот шампион ја продолжи незгодната традиција да прима гол во бундеслигашките мечеви од октомври наваму.

Човек на одлука беше Томас Милер, кој прво во четвртата минута му асистираше на Роберт Левандовски за неговиот 21. гол оваа сезона, па откако Фрајбург израмни преку Нилс Петерсен во 62. минута, капитенот се најде на вистинско место во шестнаесетникот за да го врати водството во 75. минута.

Баерн се зацврстија на првото место на табелата со 36 поени, сега четири пред РБ Лајпциг, откако тие вчера одиграа само 2:2 со Волфсбург и дури седум пред Баер Леверкузен и Борусија Дортмунд. Фрајбург пак, ја прекина низата од пет победи едноподруго и останува на осмото место со 23 поени.

Тотенхем стигна до релативно лесна 3:1 победа на гостувањето кај Шефилд јунајтед, оставајќи го „фенерџијата“ закован на дното на Премиер лигата и доближувајќи се на само три поени од лидерот Манчестер јунајтед.

Серж Орие уште во петтата минута донесе водство за гостите, пред во 40-тата минута Хери Кејн да го удвои водството. Дејвид Мекголдрик даде надеж на Шефилд дека ќе имаат два позитивни резултати во низа со голот во 59. минута, но Танги Ндомбеле само четири минути подоцна ја врати предноста од два гола со еден гол кој мора да се види за да се поверува.

NDOMBELE GOAL VS SHEFFIELD 🤩🤩🤩🤩 pic.twitter.com/Q65v47WowN

— Tottenham XG (@TottenhamXG) January 17, 2021

Тотенхем сега се четврти со 33 поени, исто како третопласираниот Ливерпул и три зад Манчестер јунајтед пред ова големо англиско дерби. Шефилд останува последен со 5 поени, сега 9 поени под зоната за испаѓање.

По 86 трки во Светскиот куп, норвешкиот скијач Себастијан Вос Солеваг стигна до доминантна победа на слаломот во австрискиот скијачки центар Флахау, за прв триумф во кариерата.

29-годишниот Вос Солеваг, кој дебитираше во Леви во 2012 година, досега имаше освоено четири подиуми, но победата беше далечна пред денеска, кога имаше фантастични две возења за победа со 0.76 секунди пред Австриецот Марко Шварц, кој е на подиумот во последните три трки. Французинот Алексис Пинтуро го освои првиот подиум оваа сезона во слаломот со 0.95 секунди заостанување.

По напорни две недели за специјалистите за технички трки, од следниот викенд во акција стапуваат спусташите на легендарната Штрајф во Кицбил, по што на 26 јануари е ноќниот слалом во Шладминг.

6° SLALOM E 6° VINCITORE DIVERSO IN STAGIONE! 😮

Sebastian Foss-Solevaag vince il 2° slalom di Flachau e ottiene la prima vittoria in carriera in Coppa del Mondo! ⛷️🇳🇴#EurosportSCI | #FISAlpine pic.twitter.com/Ojro3MfUEH

— Eurosport IT (@Eurosport_IT) January 17, 2021