Спорт
Клоп: Ватару Ендо, о, боже, каков играч
„За повеќе од 20 години тренерска кариера, ова е најспецијалниот трофеј што некогаш сум го освоил“, изјави менаџерот на Ливерпул, Јирген Клоп по триумфот во финалето на англискиот Лига куп. Фудбалерите на Ливерпул го освоија Лига купот откако во финалето на Вембли по продолженијата го совладаа Челзи со 1:0 со голот на Вирџил ван Дијк во 118. минута.
Клоп го освои трофејот со „детска градинка“ бидејќи поради повреди не можеше да смета на Алисон Бекер, Мохамед Салах, Дарвин Нуњез, Трент Александер-Арнолд, Џоел Матип, Диого Жота, Тиаго Алкантара, Куртис Џонс и Доминик Собослаи.
„Ми рекоа дека трофеите не се освојуваат со деца. Понекогаш ме прашуваат дали сум горд на ова или она, посакувам почесто да се чувствувам горд, но денес бев горд на апсолутно се“, изјави Клоп, кој во финалето им даде можност за Џејден Денс (18), Џејмс Меконел (19), Боби Кларк (19), Конор Бредли (20), Харви Елиот (20) и Џарел Кванса (21) и Рајан Гравенберч (21).
Тој го издвои Ватару Ендо, 31-годишниот јапонски дефанзивен играч за врска кој минатото лето пристигна од Штутгарт за 20 милиони евра.
„Ватару Ендо, о Боже… Каков играч“, рече Клоп за Јапонецот кој имаше 12 одземени топки, 12 освоени дуели и 91 процент точни додавања. Ливерпул се уште нема загубено натпревар во кој Ендо одиграл повеќе од 45 минути. Во Премиер лигата одигра 969 минути и постигна еден гол.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Аталанта избори место во ЛШ
Аталанта следната сезона ќе игра во Лигата на шампионите. Тимот од Бергамо на тој начин им се приклучи на Интер, Милан, Јувентус и Болоња со оглед дека Италија ќе има пет претставници во елитата.
Аталанта во претпоследното коло победи во Лече со 2:0.
Гостите пропуштија можности преку Пашалиќ во шестата, Скамака во 27. кога ја погоди гредата, Запакоста во 39. минута …
Сепак, во вториот дел, тимот од Бергамо постигна два гола, поведе преку Де Кетеларе во 48. минута, а само пет минути подоцна Скамака го постави конечниот резултат.
На две кола пред крајот Аталанта има шест бода повеќе од шестопласираната Рома, но и подобар меѓусебен скор, па теоретски си го обезбедија пласманот во Лигата на шампионите, додека Лече е во сигурната зона.
Спорт
Шампионот загуби од Шкупи, Шкендија избори квалификации во КЛ, Вардар ќе игра бараж за опстанок
Фото/ fcstruga.com
Спуштена е завесата на сезоната 2023/2024 во Првата македонска фудбалска лига. Струга ја одбрани титулата, а второто место го освои Шкендија.
Струга во претходното коло, со победата над Шкендија ја одбрани титулата, па за овој тим дуелот со Шкупи на домашен терен немаше никаква важност. Шкупи победи во Струга со 2:1.
Головите за Шкупи ги постигнаа Рамани во деветата и Аворњо во 51 минута. Голот за шампионот го постигна Шабани во 30. минута. изедначи на 1-1.
Шкендија во Скопје го победи Работнички со 2:0. Стрелци беа Красниќи во 34. минута и Аганспахиќ во 72. минута. Со овој триумф Шкендија се избори за место во квалификациите за Конференциската лига.
Од лигата испаднаа Брегалница и Македонија ЃП, а бараж за опстанок ќе игра Вардар.
Резултати, 33. коло:
Струга Трим Лум – Шкупи 1-2
Работнички – Шкендија 0-2
Вардар – Тиквеш 2-2
АП Брера – Македонија ЃП 5-3
Брегалница – Силекс 1-1
Воска спорт – Гостивар 1-1
Табела:
Спорт
(Видео) Марко Ројс со гол се прости од „Вестфален“
Легендата на Борусија Дортмунд, Марко Ројс постигна гол на својот последен натпревар за „милионерите“ во Бундеслигата.
Тимот од „Вестфален“, го пречека тимот од Дармштад кој одамна испадна од Бундес лигата и славеше со 4:0.
Ројс не можеше да има подобро збогување од навивачите. го постигна вториот гол во 18.минута.
Марко Ројс својот последен меч за Борусија Дортмунд ќе го одигра на „Вембли“, кога „милионерите“ во финалето на Лигата на шампионите ќе се сретнат со Реал Мадрид.
MARCO REUS https://t.co/v1V07JgTsH pic.twitter.com/tuK5kmytzp
— MUFTI MESSI🇰🇲 (@FahadPulga) May 18, 2024