Спорт
Клуж и Виена, веројатно и Хапоел ќе играат во АБА лигата

Големи промени се пред АБА лигата. Следната сезона, регионалното натпреварување ќе го гледаме во нов формат од дури 20 екипи. Оваа информација ја обајви „ТВ Арена спорт“.
Од следната натпреварувачка година, три екипи од тековната сезона ќе се натпреваруваат во Евролигата. Тоа се Црвена звезда, Партизан и Дубаи, а како што стојат работите, преговорите со Хапоел Тел Авив се финализираат.
Шампионот на Еврокупот сега само чека на конечната одлука на управниот одбор на АБА лигата.
Сопственикот на овој тим, Офер Јанај, веќе потврди во интервју за „Моцарт Спорт“ дека неговиот тим е заинтересиран да игра во АБА лигата, но под услов домашните натпревари да ги играат во сопствената земја.
Покрај израелскиот тим во АБА лигата ќе се натпреваруваат и романски Клуж и австриска Виена.
Доколку сите тимови добијат зелено светло на Собранието на регионалното натпреварување, кое е закажано за понеделник, АБА лигата ќе вклучува пазар од околу 70.000.000 гледачи.
Во својата историја, регионалното натпреварување никогаш немало четири екипи од Евролигата, па евентуалното влегување на Хапоел дополнително би го подигнало нивото на квалитет и интересот за лигата.
Како што додава „ТВ Арена спорт“, новиот формат ќе има 20 клуба кои ќе бидат поделени во две групи, а петте најдобро пласирани од двете групи одат во фазата Топ 10, додека преостанатите пет продолжуваат во плеј-аут натпреварувањето.
Бодовите од првата фаза се пренесуваат во втората, што значи дека секој натпревар има важност од самиот почеток.
Се разгледува и враќањето на Фајнал Фор турнирот, кој последен пат беше се играше во 2014 година во Белград, а наградата за новиот шампион потенцијално ќе се зголеми на дури 1.000.000 евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Хау: Сакам Исак да биде во Њукасл и следната сезона

Менаџерот на Њукасл, Еди Хау, изјави дека сака шведскиот репрезентативец Александар Исак (25) да остане во англискиот клуб, објави денес „Скај Спортс“.
Британските медиуми објавија дека Исак не отпатувал со тимот на Њукасл, кој е на предсезонска турнеја во Азија.
Исак неодамна го информираше клубот дека сака да „истражи други опции“ за време на летниот преоден рок. Ливерпул покажа интерес за шведскиот играч, а Њукасл бара отштета од 150 милиони фунти.
„Тој е сè уште наш играч. Има договор со нас. Имаме одредена контрола врз тоа што ќе се случи следно. Би сакал да верувам дека сите опции ни се достапни. Сакам да остане, но тоа не е под моја целосна контрола. Не сме добиле формална понуда за Алекс од ниту еден клуб. Сакам да остане и да го гледаме како игра за нас и следната сезона“, рече Хау.
Исак има договор со Њукасл до 30 јуни 2028 година. Тој е член на Њукасл од 2022 година, а минатата сезона одигра 42 натпревари за англискиот клуб, постигна 27 гола.
Foto/ EPA
Спорт
Бразилски репрезентативец ја засили Рома

Бразилскиот репрезентативец и поранешен член на Фламенго, Винисиус Франко Лима, познат како Весли, стана нов играч на Рома.
Италијанскиот клуб му плати 25 милиони евра на Фламенго, со можност за бонуси што би можеле да им донесат на Бразилците уште пет милиони евра.
Весли му помогна на Фламенго да го освои Копа Либертадорес во 2022 година и беше дел од тимот што стигна до осминафиналето на Светското клупско првенство ова лето.
Се очекуваше тој да го напушти Фламенго откако го привлече вниманието на неколку европски клубови, а клубот од Рио де Жанеиро му даде зелено светло за трансфер откако го потпишаа Емерсон Ројал од Милан.
Дваесет и едногодишниот Весли потпиша петгодишен договор со Рома и ќе го носи дресот со број 43. Весли е 46-от Бразилец во историјата на „Волчицата“.
Ова е трето засилување на Рома ова лето, пред првата сезона под водство на Џан Пјеро Гасперини. Претходно во клубот дојдоа ѕвездата на Ленс, Нил Ел Аџнауи, и напаѓачот на Брајтон, Еван Фергусон.
Фотп/ Принскрин
Спорт
Сандро Тонали пред сензационален трансфер во Серија А

Јувентус сериозно размислува да испрати атрактивна понуда до Њукасл за Сандро Тонали (25), објавија во вторникот италијанските медиуми.
Италијанскиот репрезентативец се пресели од Милан на северот од Англија во 2023 година во трансфер вреден 60 милиони евра.
Иако потпиша петгодишен договор со „страчките“, веќе по две сезони во Премиер лигата, Јувентус планира амбициозно враќање на Тонали во Италија.
Како што пишува „Газета дело Спорт“, „Старата дама“ наводно веќе воспоставила контакт со Њукасл. Јуве би платил 40 милиони евра , во замена за играчот што сака да го продаде, Даглас Луиз (27). Бразилецот не ги исполни очекувањата по трансферот од Астон Вила.
Сите детали за овој потенцијален трансфер ќе бидат појасни во наредните денови, но едно е сигурно: Јувентус е подготвен да направи сериозен чекор со цел да го врати Тонали во Серија А.
Фото/ Принскрин