Спорт
„Коцкестите“ со рехабилитација против САД, Норвешка без мака со Аргентинците

Аргентина и Македонија влегуваат во последното коло од групната фаза на СП во Полска и Шведска со два порази, откако Норвешка, очекувано стигна до лесна победа над јужноамериканската репрезентација од 11 гола разлика – 32:21.
Сагосен, Род и Бартолд постигнаа по пет гола за Норвешка, додека аргентинскиот капитен Диего Симонет заврши со седум постигнати гола.
Хрватска пак, по најзасрамувачкиот пораз во своите настапи на СП, тој од Египет во првото коло, се рехабилитираше со убедлива победа од 40:22 над Американците и сега ќе оди на победа над Мароко за да го обeзбеди второто место во групата Г. Американците се „држеа“ во игра само до 5:5 резултат, по што „коцкестите“ целосно ја преземаа контролата. Седум голови за Хрватска постигна поранешниот вардарец, Игор Карачиќ, а Јосип Шарац одаде шест, а кај Американците Гери Хајнс со шест гола беше прогласен за најдобар играч на мечот.
СП РАКОМЕТ 2023
ГРУПА Е
Германија – Србија 34:33 (19:17)
Катар – Алжир 29:24 (12:11)
ГРУПА Ф
Македонија – Холандија 24:34 (11:18)
Норвешка – Аргентина 32:21 (16:12)
ГРУПА Г
Египет – Мароко 30:19 (13:9)
Хрватска – САД 40:22 (20:10)
ГРУПА Х
Белгија – Тунис 31:29 (17:16)
Данска – Бахреин 36:21 (16:9)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Рики Рубио и се врати на кошарката

Рики Рубио повторно ќе игра кошарка. Познатиот шпански плејмејкер, човекот кој помина 12 години во НБА, пред две сезони се врати во Барселона, а потоа реши да се пензионира.
Рубио никогаш не криел дека имал проблеми со ментални проблеми, откако почина неговата мајка. По пауза од една година, Рики се враќа таму каде што сè започна.
Според каталонските медиуми, тој се согласил да се врати во Хувентуд, за кој дебитираше пред две децении, на возраст под 15 години. Овој плејмејкер ги освои ФИБА Еврокупот и УЛЕБ Купот со тимот од Бадалона, а потоа и Кралскиот Куп во 2008 година пред да замине за Барселона.
Спортскиот директор на Хувентуд, Жорди Марти, и тренерот Мирет го убедиле Рубио да и се врати на кошарката.
Во САД Рубио играше за четири клуба Минесота, Јута, Феникс и Кливленд.
Фото/ Принтскрин
Спорт
Хојлунд се враќа во Серија А

Расмус Хојлунд не успеа да се наметне како главен ирач во нападот на Манчестер јунајтед. Во две сезони постигна само 26 голови.
Според извештаите во Италија, поранешниот напаѓач на Аталанта, наскоро би можел да биде достапен за позајмица во Јувентус или Милан, сега кога Брајан Мбеумо го финализира својот трансфер од Брентфорд во Манчестер јунајтед.
Хојлунд ја напушти Аталанта за да му се приклучи на Манчестер јунајтед во трансфер вреден повеќе од 80 милиони евра во летото 2023 година.
Неколку клубови од Серија А беа поврзани со потенцијалното потпишување на данскиот интернационалец ова лето.
Доколку Манчестер јунајтед одлучи да го пушти Хојлунд на позајмица, Јувентус и Милан ќе бидат главните кандидати да го доведат, особено сега кога доаѓањето на Брајан Мбеумо обезбеди дополнителна ширина во нападот на Манчестер јунајтед.
EFE-EPA/ADAM VAUGHAN
Спорт
Мората во Комо

Откако го помина вториот дел од минатата сезона на позајмица во Галатасарај, Алваро Мората, кого Милан го потпиша со четиригодишен договор минатиот јули, ќе ја продолжи кариерата во Комо.
Галатасарај имаше опција да го откупи неговиот договор за 10 милиони евра, но не ја активираше откупната клаузула.
Шпанскиот репрезентативец, поранешен играч на Реал, Атлетико, Челзи, Јувентус и Милан, со тоа се враќа во Италија, но во дресот на нов клуб, потврди Фабрицио Романо.
Тој ќе ги засили напаѓачките опции на тимот на Сеск Фабрегас.
Foto/ EPA