Спорт
Кога Вимблдон зависи од деца
Тие се во сенка, иако стојат на сонце. Тие се незабележливи, иако ги гледате на ТВ екранот како ви претрчуваат. Тие се анонимуси, иако и Ѓоковиќ и Федерер и Надал со задоволство прифаќаат да се фотографираат со нив. Тие се собирачи на топки или како популарно се нарекувани на Вимблдон ball boy и ball girl (ББГ). Момчиња и девојчина на кои секој победник на турнир ќе им се заблагодари и ќе рече дека без нив турнирот не би бил можен.
Првиот ден на Вимблдон, наместо во тенисерите, многу време посветив гледајќи во нив, зачуден колку уиграно и координирано си ја вршат својата работа, која упростено може да се нарече собирање на топчиња. Меѓутоа, таа е многу повеќе од тоа – од моментот кога топчето ќе падне на земја, па до моментот кога ќе се појави на тенискиот рекет, тоа е цел еден процес, кој автоматизирано, со уиграни eye contact и body language го обавуваат овие деца. Така увежбани, на некои им наликуваат како да се припадници на специјалните единици; низ Вимблдон се движат формациски еден позади друг и по десетина на број, на терените се без било каква емоција на лицето и сите стојат во ист став – на сонце или на ветер, извршувајќи ги задачите како роботи, со идентични движења на сите нив.
Престижно е да се биде ББГ на еден од четирите гренд слемови, иако овие од Вимблдон важат за најелтини од четирите големи турнири. Четиринаесетгодишниот Чарли Бренон е еден од нив – елитните. Ball boy на Вимблдон е веќе трета година по ред, со намера да учествува и наредната. Сосема случајно го сретнав кога дојде на автобуската станица, облечен во карактеристичната виолетова маица. Не сакав да ја пропуштам приликата да поразговараме за неговиот ангажман. Без проблем ја прифати молбата за разговор, кој го водевме на најнеобичното место на кое сум правел интервју било кога – на горниот спрат од дабл-декерот, додека се возевме во ист правец од Вимблдон кон Морден.
На моето прашање како се постанува ББГ, русокосиот Чарли ми одговори:
– Во основа ако вашето училиште е во близина на Вимблдон, организаторот ги скаутира потенцијалните момчиња и девојчиња кои ќе бидат ангажирани на Турнирот. Јас бев еден од нив. Најпрвин престои пробно тестирање, за да се види дали ги исполнувате основните критериуми. Кога еднаш ќе го поминете пробниот период, ако сте доволно добар, тогаш влегувате на Вимблдон и повеќе контактите не се преку училиштето туку директно меѓу вас и организаторот. Тогаш започнува процесот на обука и тренирање, кој трае околу девет месеци за потоа да можете да учествувате на Турнирот како ББГ.
– Кои се критериумите за да можеш да бидеш селектиран?
– Ако си повисок, тогаш можеш да стоиш позади задната линија – тоа се позициите каде стојат четворица и ги додаваат топчињата на тенисерите да сервираат. Ако си понизок, како јас, тогаш најчесто си поставен на центарот, позади мрежата. Исто така, потребно е да си во добра физичка кондиција, секој тренинг ние правиме десет минути загревање, што се состои и од 3-4 трчања околу теренот. После секој тренинг, поединечно сме оценувани и доколку не си доволно добар, може да бидеш елиминиран. Старосната граница е во просек 13-14 години, но и нешто погоре, но на 18 години веќе се смета дека си стар за да бидеш ББГ.
– Дали еднаш кога ќе бидеш анагажиран као ББГ имаш сигурност дека и наредната година ќе бидеш повикан, или секоја година се прави нова селекција?
– Секоја година се регрутираат нови ББГ, но, исто така, се повикуваат и старите од последните 2-3 години. Ако претходно си учествувал и ако си доволно добар веднаш го почнуваш пробниот период, без претходна селекција. Јас сум трета година последователно ball boy и се надевам дека и следната година ќе бидам ангажиран.
– Дали вашиот ангажман е волонтерски или сте платени за него?
– Платени сме околу 200 фунти за двете седмици колку трае турнирот. Но, тоа зависи и од деновите. Обично после петокот помлаку сме платени бидејќи има и помалку мечеви на турнирот и немаат потреба од толку ББГ. Ако останеш до последниот ден т.е. до финалето, тогаш си платен околу 240 фунти.
– Дали ви е напорно кога се високи температурите, а вие морате да стоите на сонце?
– Пред натпреварот, се мачкаме со креми за да се заштитиме од сонцето. Исто така, имаме со нас и термуси со ладна вода и можеме да се освежиме при секоја пауза. Ако се случи некој да колабира, тука се интервентните екипи да го повратат, но и секогаш има резервни момчиња и девојки кои се подготвени да влезат и заменат некого. Никој од нас не стои на едне меч повеќе од еден час бидејќи организаторот знае дека топлото време не исцрпува и секогаш после едне час се прави замена со нови ББГ. Во текот на денот еден ББГ може да биде ангажиран најмногу четири часа, но никогаш тие не се во континуитет.
– Дали тренираш тенис?
– Не тренирам, но дефинитивно Вимблдон ме инспирира овие неколку години колку сум ball boy да решам наскоро да почнам да тренирам.
– Кој ти е омилен тенисер?
– Го обожавам Ник Кириос поради неговиот темперамент бидејќи е така забавен и смешен. Мислам дека тој и нема тренер, туку самиот се тренира, што ме воодушевува. Исто така, го сакам и Новак Ѓоковиќ. Тој е број еден и за мене.
Ненад Живановски
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Менди: Навистина мислите дека Дијаз намерно го промаши пеналот? Бидете сериозени
Брахим Дијаз, играч на Реал Мадрид и репрезентацијата на Мароко е трагичар на годината. Промаши пенал, во 90+23.минута, во финалето на Африканскиот куп, а Мароко остана без титулата, на која чекаше 50 години.
Бурно беше финалето на Африканскиот куп. Поништен гол, неоправдано, на Сенегал во 93-та минута, а потоа ВАР пенал, многу сомнителен, во 99-та минута за Мароко. Сенегалците, на повик на селекторот, незадоволни од судењето, го напуштија теренот.
Не се повлече само Садио Мане, кој ги врати соиграчите на теренот, а останатото е историја.
По мечот, многумина тврдеа дека во духот на фер-плејот, Брахим Дијаз намерно го промашил пеналот. За потсетување, Дијаз се обиде со „паненка“, но голманот Менди го прочита, остана на гол линијата и лесно ја прифати топката.
CHAOS AT AFCON🤯
Senegal have a goal disallowed in injury time.
Minutes later Morocco are awarded a penalty.
Senegal players walk off in protest😡Brahim Diaz decides this is the best moment for a Panenka😬
Senegal now lead 1-0 in extra-time
— Balls.ie (@ballsdotie) January 18, 2026
„Дали Брахим намерно го промаши пеналот? Не, секако дека не! Ве молам, бидете сериозни! Дали навистина мислите дека на крајот од финалето, напаѓачот на репрезентацијата што 50 години чека титула сака да промаши и дека можевме да се договориме во таква ситуација? Тој сакаше да постигне гол и јас заслужувам признание затоа што одбранив и тоа е сè“, рече Менди и додаде:
„Пред секој пенал за противниците, разговарам со Садио Мане. Нема да ви кажам што ми кажа. Најважно е да го донесеме трофејот дома и да што направиме милиони Сенегалци да бидат среќни. Сè се случи во ова финале. Знаевме дека сме на непријателска територија. Мароко чекаше 50 години за трофејот и сè отидше во нивна корист. Ние ја имавме само топката и нашето знаење и на крајот победивме.“
Спорт
(Видео) Финалето на Африканскиот куп имаше и трето полувреме
Сенегал го освои Африканскиот куп на нации. Во финалето, го победија домаќинот на натпреварувањето, Мароко, со 1:0 по неверојатна драма обележана со контроверзни судиски одлуки, а голот за освојување на африканската титула го постигна Папе Геје во 94-та минута. Кон крајот на регуларното време, натпреварот беше прекинат во целосен хаос откако селекторот на Сенегал, Папе Тиау, ги повлече своите играчи од теренот.
Одлуката дојде откако на Мароко му беше досуден контроверзен пенал во 97-та минута, кој го промаши Брахим Дијаз. Потоа Сенегал постигна гол во првото продолжение што му ја донесе титулата.
Пред тоа, Сенегалците мислеа дека го постигнале гол за победа во 93-та минута. Откако ударот со глава на Сек ја погоди стативата, Исмаила Сар ја смести одбиената топка во голот.
Сепак, судијата Жан-Жак Ндала од ДР Конго веќе го прекина натпреварот, досудувајќи му прекршок на Сек врз Хакими. Клупата на Сенегал реагираше бурно. Бидејќи судијата го означи прекршокот пред топката да влезе во голот. Во таква ситуација ВАР не може да се вклучи.
Само неколку моменти подоцна, судијата беше повикан од ВАР судијата, да прегледа ситуација во шестаесетникот на Сенегал. Во 99-тата минута, откако ја прегледа снимката, досуди пенал за Мароко за држењето на Сек врз Брахим Дијаз. После тоа, Сенегалеците го напуштија теренот.
По речиси 20 минути прекин, Сенегалеците се вратија на теренот. Брахим Дијаз ја зеде топката изведе „паненка“, но Едуар Менди го прочита и ја фати топката во рацете. Тоа беше последниот удар од регуларниот дел од играта.
CHAOS AT AFCON🤯
Senegal have a goal disallowed in injury time.
Minutes later Morocco are awarded a penalty.
Senegal players walk off in protest😡Brahim Diaz decides this is the best moment for a Panenka😬
Senegal now lead 1-0 in extra-time
— Balls.ie (@ballsdotie) January 18, 2026
Инцидентите од натпреварот се пренесоа и на прес-конференцијата. Иако помина повеќе од еден час од крајот на финалето и церемонијата на доделување на трофејот и почетокот на прес-конференцијата, тензиите не стивнаа.
Кога Папе Тиау влезе во прес-салата за да одржи прес-конференција, мароканските новинари го поздравија со свирежи и скандирања и му порачаа да замине.
Ugly scenes in the press conference room, as journalists from #Morocco boo Pape Thiaw, #Senegal’s #AFCON2025 trophy 🏆 winning coach. This is shameful. Very shameful. This should not happen, no matter what happened on the field. Thiaw walked out. We don’t know what happens now. pic.twitter.com/22J8DpWJIJ
— Osasu Obayiuwana (@osasuo) January 18, 2026
Тие се осврнуваа на она што им го наредил на играчите пред да го напуштат теренот. Сенегалските новинари одговорија на ова со аплаузи и гласна поддршка за селекторот.
Набрзо новинарите вербално се пресметаа, а потоа мароканските новинари објавија дека ќе ја бојкотираат прес-конференцијата на сенегалскиот тренер и се упатија кон излезот од салата. Тиау реагираше и неа збор замина од прес салата.
Спорт
Флик: Најнесреќниот натпревар во мојата кариера
Тренерот на Барселона, Ханси Флик, беше разочаран по поразот во неделата од Реал Сосиедад (2:1) на „Реале арена“, истакнувајќи дека резултатот не ја одразува играта на неговиот тим, кој создаде многу шанси. Тој, исто така, се согласи со изјавите на капитенот Френки де Јонг за судијата Хесус Хил Манзано, наведувајќи дека комуникацијата со него била невозможна.
Тимот од Сан Себастијан славеше со головите на Микел Ојарзабал и Гонзало Гуедес, додека единствениот гол за Барселона го постигна Маркус Рашфорд.
По поразот во натпреварот, во кој на Барселона им беа поништени три гола и еден пенал, Каталонците остана водечки тим во шпанското првенство со 49 бода, само еден повеќе од второпласираниот Реал Мадрид.
„Не сум среќен. Разочаран сум, имавме многу чисти шанси, а резултатот не го одразува она што се случуваше на теренот. Но, ми се допаѓа како игравме“, рече тренерот на Барселона.
Тој, исто така, призна слабости во играта на својот тим: „Направивме грешки во одбраната, мора да се браниме подобро. Немавме среќа ниту во нападот. Вториот гол на Реал Сосиедад нè уништи.“
И покрај поразот, Флик верува дека тимот треба да продолжи во иста насока.
„Нашата игра беше добра. Можеби можевме подобро да се браниме во неколку акции, но генерално сум задоволен. Игравме многу добро во последните две недели и мора да продолжиме така. Мора да се фокусираме на следниот натпревар, што е многу важно“, рече Флик.
Тој истакна дека ова бил „најнесреќниот натпревар во неговата кариера“, во која ги водеше Барселона (90 натпревари), Германија (25 натпревари) и Баерн (86 натпревари).
Foto/ depositphotos
(Видео) Филипче: Жалам што дел од партиите легитимираа корумпирана и изолирана власт на лидерска средба
Претседателот на СДСМ, Венко Филипче, одговарајќи на новинарско прашање, истакна дека разговорите со Али Ахмети биле во врска со локалната...
Николоски од Охрид: Засилено работиме на завршување на автопатот Охрид – Кичево
Интензивно работиме на завршување на автопатот Охрид-Кичево. Користиме совремеми техники за да ги стабилизираме косините. Од 16, веќе 14 косини...
Утре почнува тестирањето на камерите, на неколку локации во Скопје сообраќајот ќе биде запрен
Министерството за внатрешни работи ги известува граѓаните дека во рамки на проектот „Безбеден град“, во периодот од 20.01.(вторник) до 31.01.(сабота)...
(Видео) Вагоните преполовени, објавена снимка од воздух од железничката несреќа во Шпанија
Местото на несреќата каде вчера вечер се судрија два воза во Шпанија е снимено од хеликоптер утрово. Цивилната гарда продолжува...
Трамп испрати скандалозно писмо до Норвежаните: Нема Нобел? Тогаш заборавете на мирот
Претседателот на САД, Доналд Трамп, испрати скандалозно писмо до норвешкиот премиер Јонас Гар Сторе, објавуваат сите водечки норвешки медиуми, во...
Заев и Филипче се обиделе да му ја превземат приватната болница на др. Жан Митрев, институциите молчеле, обвини ВМРО-ДПМНЕ
Заев и Филипче додека се обидувале да му ја превземат болницата на др. Жан Митрев, ја претвориле Македонија во рекетарска...
Трамп: Данска не успеа да ја отстрани руската закана од Гренланд, време е да се направи тоа
Претседателот на САД, Доналд Трамп, изјави дека Данска не успеала да направи ништо за да ја отстрани „руската закана“ од...
Внук осомничен за обид за убиство на сопствената баба
Основното јавно обвинителство Битола донесе наредба за спроведување истражна постапка против 28-годишник за кого постои основано сомнение дека се обидел...
(Видео) Најмалку 39 загинати во судир на два воза во Шпанија
Во судир меѓу два брзи воза во Адамуз, во близина на Кордоба, Шпанија, загинаа најмалку 39 лица, а повеќе од...
Денеска се празнува Богојавление-Водици
Православните верници денеска го слават празникот Богојавление кој се одбележува уште од вториот век. На овој ден, според христијанското предание,...
Во домот на судија од Апелација пронајдени соѕидани 350.000 евра
Во рамките на опсежна истрага на Основното јавно обвинителство за гонење организиран криминал и корупција иницирана откако на 14 декември...
Осумте земји на кои Трамп им најави царини поради Гренланд порачаа: Ќе останеме обединети и солидарни со Данска и Гренланѓаните
Осумте европски држави, кои се најдоа на мета на најавените царини од американскиот претседател Доналд Трамп поради поддршката за Данска...
Уставниот суд веќе ја потврди законитоста на одлуките за вонредната состојба, му одговори Пендаровски на премиерот Мицкоски
Поранешниот претседател Стево Пендаровски му возврати на премиерот Христијан Мицкоски поради неговата изјава дека има основани сомнежи за уставноста и...
Мицкоски: Мафијашки упади во времето на вонредната состојба, случајот со Жан Митрев отвора прашања и за одлуките на Пендаровски
Премиерот Христијан Мицкоски изјави дека не е изненаден од тврдењата на хирургот Жан Митрев дека поранешниот министер за здравство Венко...
Пожар во свињарска фарма во Градско, угинаа животни, неколку лица побарале лекарска помош
Вчера во СВР Велес бил пријавен пожар што избувнал во свињарска фарма на фирма во селото Долно Чичево, општина Градско....
Втор смртен случај од грип: Почина 69-годишен пациент на Инфективна
Шеесет и деветгодишен пациент починал од компликации предизвикани од сезонски грип на Клиниката за инфективни болести во Скопје, соопшти директорот...
Храна со истечен рок, лоши хигиенски услови, недостиг на санитарни книшки затекнаа инспекторите во маркетите низ државата
Приближно четириесет илјади евра во денарска противвредност е вкупната вредност на 22 казни кои ги изрекоа инспекциските служби на Агенција...
(Видео) Поплави во Австралија, евакуации во Сиднеј
Австралиските власти соопштија дека 20 лица се спасени од надојдени води во источната сојузна држава Нов Јужен Велс, поради обилните...
„Политико“ Европскиот парламент го замрзнува трговскиот договор со САД поради најавата за царини и барањата за Гренланд
Пратениците во Европскиот парламент нема да го одобрат историскиот трансатлантски трговски договор откако американскиот претседател Доналд Трамп најави нови царини...
(Видео) Филипче и Заев сакале да му ја земат болницата на Жан Митрев, Обвинителството да истражи, порача Стојаноски од ВМРО-ДПМНЕ
Пратеникот на ВМРО-ДПМНЕ, Бојан Стојаноски, на денешната прес-конференција обвини дека поранешниот министер за здравство Венко Филипче и поранешниот премиер Зоран...
