Контакт

Спорт

Кога Вимблдон зависи од деца

Објавено пред

Тие се во сенка, иако стојат на сонце. Тие се незабележливи, иако ги гледате на ТВ екранот како ви претрчуваат. Тие се анонимуси, иако и Ѓоковиќ и Федерер и Надал со задоволство прифаќаат да се фотографираат со нив. Тие се собирачи на топки или како популарно се нарекувани на Вимблдон ball boy и ball girl (ББГ). Момчиња и девојчина на кои секој победник на турнир ќе им се заблагодари и ќе рече дека без нив турнирот не би бил можен.

Првиот ден на Вимблдон, наместо во тенисерите, многу време посветив гледајќи во нив, зачуден колку уиграно и координирано си ја вршат својата работа, која упростено може да се нарече собирање на топчиња. Меѓутоа, таа е многу повеќе од тоа – од моментот кога топчето ќе падне на земја, па до моментот кога ќе се појави на тенискиот рекет, тоа е цел еден процес, кој автоматизирано, со уиграни eye contact и body language го обавуваат овие деца. Така увежбани, на некои им наликуваат како да се припадници на специјалните единици; низ Вимблдон се движат формациски еден позади друг и по десетина на број, на терените се без било каква емоција на лицето и сите стојат во ист став – на сонце или на ветер, извршувајќи ги задачите како роботи, со идентични движења на сите нив.

Престижно е да се биде ББГ на еден од четирите гренд слемови, иако овие од Вимблдон важат за најелтини од четирите големи турнири. Четиринаесетгодишниот Чарли Бренон е еден од нив – елитните. Ball boy на Вимблдон е веќе трета година по ред, со намера да учествува и наредната. Сосема случајно го сретнав кога дојде на автобуската станица, облечен во карактеристичната виолетова маица. Не сакав да ја пропуштам приликата да поразговараме за неговиот ангажман. Без проблем ја прифати молбата за разговор, кој го водевме на најнеобичното место на кое сум правел интервју било кога – на горниот спрат од дабл-декерот, додека се возевме во ист правец од Вимблдон кон Морден.

На моето прашање како се постанува ББГ, русокосиот Чарли ми одговори:

– Во основа ако вашето училиште е во близина на Вимблдон, организаторот ги скаутира потенцијалните момчиња и девојчиња кои ќе бидат ангажирани на Турнирот. Јас бев еден од нив. Најпрвин престои пробно тестирање, за да се види дали ги исполнувате основните критериуми. Кога еднаш ќе го поминете пробниот период, ако сте доволно добар, тогаш влегувате на Вимблдон и повеќе контактите не се преку училиштето туку директно меѓу вас и организаторот. Тогаш започнува процесот на обука и тренирање, кој трае околу девет месеци за потоа да можете да учествувате на Турнирот како ББГ.

– Кои се критериумите за да можеш да бидеш селектиран?

– Ако си повисок, тогаш можеш да стоиш позади задната линија – тоа се позициите каде стојат четворица и ги додаваат топчињата на тенисерите да сервираат. Ако си понизок, како јас, тогаш најчесто си поставен на центарот, позади мрежата. Исто така, потребно е да си во добра физичка кондиција, секој тренинг ние правиме десет минути загревање, што се состои и од 3-4 трчања околу теренот. После секој тренинг, поединечно сме оценувани и доколку не си доволно добар, може да бидеш елиминиран. Старосната граница е во просек 13-14 години, но и нешто погоре, но на 18 години веќе се смета дека си стар за да бидеш ББГ.

– Дали еднаш кога ќе бидеш анагажиран као ББГ имаш сигурност дека и наредната година ќе бидеш повикан, или секоја година се прави нова селекција?

– Секоја година се регрутираат нови ББГ, но, исто така, се повикуваат и старите од последните 2-3 години. Ако претходно си учествувал и ако си доволно добар веднаш го почнуваш пробниот период, без претходна селекција. Јас сум трета година последователно ball boy и се надевам дека и следната година ќе бидам ангажиран.

– Дали вашиот ангажман е волонтерски или сте платени за него?

– Платени сме околу 200 фунти за двете седмици колку трае турнирот. Но, тоа зависи и од деновите. Обично после петокот помлаку сме платени бидејќи има и помалку мечеви на турнирот и немаат потреба од толку ББГ. Ако останеш до последниот ден т.е. до финалето, тогаш си платен околу 240 фунти.

– Дали ви е напорно кога се високи температурите, а вие морате да стоите на сонце?
– Пред натпреварот, се мачкаме со креми за да се заштитиме од сонцето. Исто така, имаме со нас и термуси со ладна вода и можеме да се освежиме при секоја пауза. Ако се случи некој да колабира, тука се интервентните екипи да го повратат, но и секогаш има резервни момчиња и девојки кои се подготвени да влезат и заменат некого. Никој од нас не стои на едне меч повеќе од еден час бидејќи организаторот знае дека топлото време не исцрпува и секогаш после едне час се прави замена со нови ББГ. Во текот на денот еден ББГ може да биде ангажиран најмногу четири часа, но никогаш тие не се во континуитет.

– Дали тренираш тенис?

– Не тренирам, но дефинитивно Вимблдон ме инспирира овие неколку години колку сум ball boy да решам наскоро да почнам да тренирам.

– Кој ти е омилен тенисер?

– Го обожавам Ник Кириос поради неговиот темперамент бидејќи е така забавен и смешен. Мислам дека тој и нема тренер, туку самиот се тренира, што ме воодушевува. Исто така, го сакам и Новак Ѓоковиќ. Тој е број еден и за мене.

Ненад Живановски



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт

ЛШ: Динамо лесно со Розенборг, Звезда со супер-реми во Швајцарија (видео)

Објавено пред

Додека македонските клубови не можат да се пофалат со успешни европски авантури, српскиот шампион Црвена звезда и хрватскиот шампион Динамо Загреб направија огромен чекор кон пласман во групната фаза на Лигата на шампионите.

Звезда, која лани имаше забележително враќање во европската елита (и победа над подоцнежниот европски шампион Ливерпул), како последен противник ги имаше Јанг бојс од Берн и во интересен меч стигна до 2:2 реми пред домашниот меч на „Рајко Митиќ“ во Белград.

Работите не тргнаа добро за „црвено-белите“ откако Јанг бојс уште во седмата минута дојдоа до водство преку Рожер Асале, но рамнотежата беше вратена во 18. минута кога Милош Дегенек постигна фантастичен гол. Целосниот пресврт го комплетираше новото засилување на Звезда, Матео Гарсија, кој на почетокот на второто полувреме го постигна својот деби-гол за водство на гостите.  Сепак во 76. минута од мечот, Боачи направи фаул над Нгмале во шестнаесетникот и по разгледувањето на ВАР-снимките беше досуден пенал за Јанг бојс, кој успешно го реализираше Гијом Оро.

На „Максимир“ во Загреб пак, Динамо имаше фуриозен старт на мечот против норвешкиот шампион Розенборг, откако за 20 минути направија предност од 2:0. Петковиќ од пенал уште во деветтата минута донесе предност за „модрите“, а Оршиќ во 20. минута зголеми на 2:0. Во првото полувреме, Динамо требаше да води и со 3:0, откако не беше суден пенал од страна на судијата Даниеле Орсато и покрај очигледното играње со рака на фудбалерот на Розенборг. Судијата воопшто не побара разгледување на ВАР-системот.

Многу блиску до ЛШ е и грчкиот Олимпијакос, откако со 4:0 го победи рускиот Краснодар. Мигуел Гереро во 30. минута, Лазар Ранѓеловиќ во 78. и 85. минута и Дани Поденсе во 89. минута стрелаа за клубот од Пиреја.

ЛИГА НА ШАМПИОНИ, БАРАЖ, 1.МЕЧ

Динамо Загреб – Розенборг 2:0

Јанг бојс – Црвена звезда 2:2

Олимпијакос – Краснодар 4:0

Прикажи повеќе...

Спорт

ПСЖ добива француски ривал – најбогатиот Британец ја купува Ница

Објавено пред

Сер Џејмс Ретклиф, најбогатиот човек во Велика Британија, доби зелено светло да го комплетира откупувањето на францускиот фудбалски клуб Ница.

Ретклиф, кој е основач и прв човек на хемискиот гигант „Инеос“, ќе плати 100 милиони евра на сопствениците Чиен Ли и Алекс Женг за да стане газда на Лига 1 клубот пред медитеранското дерби со Марсеј на 28 август.

Ница со купувањето од страна на Ретклиф, кој има богатство од 21 милијарди евра, станува најскапиот француски клуб во историјата, откако сумата од 100 милиони евра е повисока од 79-те милиони евра која кралското семејство на Катар го плати за Пари Сен-Жермен во 2011 и 45-те милиони евра кои Френк Меккорт ги плати за Марсеј во септември 2016 година.

Ретклиф вети инвестиција во клубот и пласман во Лигата на шампионите, и сега тренерот Патрик Виера ќе добие пари за најмалку уште пет засилувања пред крајот на преодниот рок на 2 септември. Данецот Каспер Долберг од Ајакс, Адам Унас од Наполи, како и Алексис Клод-Морис од Лориен се првите имиња кои се на списокот на Виера.

Прикажи повеќе...

Спорт

Ѓоковиќ и Осака, очекувано, први носители на Флешинг Медоуз

Објавено пред

Светските тенисери број и актуелни шампиони на турнирот, Новак Ѓоковиќ и Наоми Осака се први носители на САД опен, последниот гренд слем од сезоната, кој стартува во понеделник во Њујорк.

Трикратниот шампион од Флешинг Медоуз, Ѓоковиќ, кој пристигнува на турнирот со петта титула од Вимблдон, е прв носител пред шампионот од 2017, Новак Ѓоковиќ, додека Роџер Федерер е трет носител пред Доминик Тим, Данил Медведев и Александер Зверев. Помеѓу поранешните шампиони кај носителите се и Марин Чилиќ (2014) како 22. носител и Стен Вавринка (2016) како 23. носител.

Зад Осака, втора носителка е шампионката од Ролан Гарос, Ешли Барти, пред Каролина Плишкова и шампионката од Вимблдон, Симона Халеп. Американката Серена Вилијамс, која ќе оди на 24. гренд слем титула е осма носителка.

Прикажи повеќе...

Најново

Македонија2 часа

(Видео) Русковска: Не би барала притвор за Јанева без доволно докази

Обвинителката Вилма Русковска по одлуката на судот да ѝ одреди 30-дневен притвор на Катица Јанева, вели дека нејзината колешка претхдно...

Македонија3 часа

(Видео) Триесет дена притвор за Катица Јанева

Од вечерва шефицата на СЈО, Катица Јанева, е во истражниот затвор „Скопје” во Шуто Оризари. Судија на претходна постапка ѝ...

Регион4 часа

Закани за бомби испратени до редакции и аеродроми во Бугарија

Бугарската полиција почна да истражува неколку закани за бомби испратени преку е-пошта до медиумски куќи во Софија и до најголемите...

Македонија6 часа

Павлески: Јанева е жртва на случајот „Рекет“

Адвокатот Стеван Павлески кој ја застапува шефицата на СЈО, Катица Јанева, за случајот „Рекет“ вели дека таа е жртва на...

Македонија6 часа

(Видео) Влада: Одговорност мора да има за сите инволвирани во случајот „Рекет“.

Од Владата соопштија дека отворениот случај „Рекет“, во кој сега осомничена е и првата специјалната обвинителка Катица Јанева, потврдува дека...

Македонија7 часа

Катица Јанева донесена во Кривичен суд на распит

Специјалната јавна обвинителка Катица Јанева попладнево откако беше уапсена, однесена во специјалното јавно обвинителство и во нејзиниот дом, спроведена е...

Македонија7 часа

Заврши претресот во куќата на Јанева, со полиција однесена на распит во суд

По два часа заврши вториот претрес во куќата каде што живее шефицата на СЈО, Катица Јанева. Таа по претресот во...

Македонија9 часа

Обвинителството бара притвор за Јанева, стекнала имотна корист од 298.000 денари

Јавното обвинителство бара притвор за специјалната јавна обвинителка Катица Јанева по проширувањето на истрагата за случајот „Рекет“ и попладнево беше...

Македонија10 часа

Во присуство на Јанева се врши претрес во СЈО

По приведувањето на специјалната јавна обвинителка, Катица Јанева, од нејзиниот дом во скопската населба Козле, таа е донесена во просториите...

Топ13 часа

Скопјанец загина при пад на кран кај зградата на ФФМ, оштетени се и две возила

Скопјанец на возраст од 56-години загинал при работен зафат на зградата на ФФМ во попладневните часови на 20 август. Како...

Регион14 часа

Опозицијата во Албанија го обвини Рама дека украл милијарда евра

Лидерот на албанската опозиција, Љуљзим Баша, во нова видеопорака на социјалната мрежа „Фејсбук“ го обвини албанскиот премиер, Еди Рама, за...

Свет14 часа

Преродба на големата осумка, Трамп и Макрон ја поканија Русија на Г7

Американскиот претседател, Доналд Трамп, го одобри предлогот на Емануел Макрон да ја покани Русија на самитот Г7 во САД в...

Македонија15 часа

Сончево и топло време со температури до 38 степени

Времето денеска ќе биде сончево и топло. Ќе дува слаб до умерен ветер претежно од североисточен правец. Минималната температура ќе...

Регион15 часа

Помпео ѝ се закани на Атина со санкции поради иранскиот танкер

САД ќе преземат сѐ што е можно за да спречат иранскиот танкер да достави нафта во Сирија, изјави американскиот државен...

Македонија16 часа

На Богородица и Табановце се чека до 30 минути

Интензитетот на сообраќај на патните правци надвор од градските средини е зголемен, информираат од Автомотосојузот на Македонија. На граничните премини...

Hitech1 ден

„Фејсбук“ ќе престане да ве следи на интернет, но ќе мора да го побарате тоа

Социјалната мрежа „Фејсбук“ објави дека ќе ја промени својата досегашна политика и ќе им овозможи на корисниците да ги гледаат...

Македонија1 ден

(Видео) Јанева по распитот за „Рекет“: Сведок сум и не чувствувам вина

Катица Јанева, по распитот кај обвинителката Вилма Русковска, рече дека таа засега е сведок во случајот „Рекет”. Таа најави дека...

Македонија1 ден

ОЈО отфрли иницијатива на антикорупциската за вработување судски соработник, застарело делото

Надлежен јавен обвинител од Основното јавно обвинителство Скопје донесе решение за отфрлање на иницијативата за кривично гонење поднесена од Државната...

Македонија1 ден

Спасени две лица што заталкале на Шар Шланина

Полициски службеници спасија двајца браќа на Шар Планина што заталкале упатувајќи се со мотоцикли кон Титов Врв по што планирале...

Македонија2 дена

Почнува трансформацијата на ординациите по општа медицина во ординации по семејна медицина

Специјалистите по семејна медицина од денеска може да почнат постапка за трансформација на своите ординации по општа медицина во ординации...

Досие