Спорт
Кој е Хансјорг Вис, можниот нов газда на Челси?
По големите шпекулации околу иднината на Роман Абрамович како газда на Челси, швајцарскиот милијардер Хансјорг Вис станува прв кандидат да стане нов сопственик на „сините“ од „Стемфорд Бриџ“.
Самиот Вис го призна ова, велејќи дека тој и уште три богаташи добиле понуда од луѓето на Абрамович да го купат актуелниот европски шампион.
„Абрамович се обидува да ги продаде сите вили во Англија. Исто така сака да се ослободи од Челси бргу. Јас и тројца други луѓе добивме понуда во вторник да го купиме клубот. Сега треба да почекам четири-пет дена, бидејќи во моментов Абрамович бара премногу. Знаете, Челси му должи 2 милијарди фунти, а Челси нема пари. Можам да замислам да го купам Челси, но прво мора да ги знаеме условите. Ако го направам ова ќе одам со некој конзорциум со пет-шест инвеститори“, вели Вис во интервју за швајцарскиот весник „Блик“.
И кој е Хансјорг Вис?
Роден во 1935 година во Берн, Вис го направи своето богатство преку „Синтес“, компанија која ја оформи во 1970-тите и која продава медицинска опрема. Едуциран на Швајцарскиот федерален институт за технологија во Цирих, тој бил образуван и на Харвард, и од 1960-тите години живее во САД.
Вис, кој ќе го прослави својот 86. роденден во 2021 година има бизинси и во владина инфраструктура во САД, челичната индустрија и авио-индустријата. Тој во 2012 година го продаде „Синтес“ на „Џонсон & Џонсон“ за 20 милијарди долари.
Вис е познат и како филантроп со огромни домации за најразлични цели, вклучувајќи едукација, климатски промени и биолошки иженеринг.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Осум голови на „Олд Трафорд“, по бод за Мначестер Јунајтед и Борнмут
Манчестер Јунајтед и Бортнумт приредија спектакл за крај на 16-то коло во Премиер лигата. Натпреварот на „Олд Трафорд“ заврши 4:4 (2:1). Јунајтед на табелата се во групата тимови со 26 поени, распоредени од петтото до осмото место, додека Бортмут со 21 бод се наоѓа на 13-та позиција.
Тешко е да се опшише што се се случуваша на „Олд Трафорд“, Јунајтед водеше 1:0 (Диало) и 2:1 (Касемиро) по првиот дел. Борнмут со блиц криг на почетокот на второто полувреме направи пресврт и поведе 2:3 (Еванилсон и Таверние).
На ист начин возратија фудбалерите на Јунајтед во 77-та и 80-та минута кога ја вратија предноста (3:4), стрелци Бруно и Куња, а точка на спектакуларниот меч стави Крупи во 84-та минута.
Спорт
(Видео) Рома го победи Комо, се доближи на три бода до лидеорт Интер
Фудбалерите на Рома го победија Комо (1:0) на „Олимпико“, во последниот натпревар од 15-то коло на Серија А.
Голот за победа на „волчицата“ го постигна Весли Франко во 61-та минута од натпреварот.
Комо ја пропушти најдобрата шанса во финишот, кога ударот на Штефан Пош брилијантно го блокираше Еван Ндика.
Рома навести излез од кризата, по два последователни порази, и моментално го држи четвртото место со 30 бода, три помалку од лидерот Интер.
Комо по вториот последовен пораз остана на седмото место со 24 поени.
Двата тима во наредното коло ќе гостуваат, Рома кај Јувентус, а Комо во Лече.
Спорт
Тиаго Силва се враќа во Европа
Иако минатото лето се чинеше дека ќе стави крај на својата богата кариера во Флуминензе, Тијаго Силва ги промени своите планови.
Легендарниот бразилски стопер, по 15 години поминати во европскиот фудбал, се врати во својата татковина со идеја да се пензионира по шест месеци. Тој дел од планот сè уште стои – но каде ќе заврши кариерата веќе не е сигурно.
Имено, Силва (41) сериозно размислува за враќање во Европа, веќе во текот на претстојната зима. Главната причина е Светското првенство во 2026 година.
Искусниот дефанзивец сака да го импресионира селекторот на Бразил, Карло Анчелоти, и верува дека играњето во европскиот фудбал, дури и ако тоа се само неколку месеци, значително би ги зголемило неговите шанси да биде во составот за Светското првенство во САД, Канада и Мексико.
Заедно со спортските, постојат и приватни причини. Семејството на Силва моментално живее во Лондон – сопругата и децата останаа во Англија бидејќи најмалите се дел од академијата на Челзи – што дополнително ја поттикнува идејата за враќање на Стариот континент.
Ситуацијата во Флуминензе, исто така, придонесе за пресвртот. Клубот беше елиминиран од Купот на Бразил откако беше поразен од Васко де Гама, во Серија А го освои петтото место, а сега се очекува да настапи во првенството на Кариока, што не претставува предизвик што Силва го бара на крајот од кариерата.
Силва веќе се збогува со своите соиграчи во соблекувалната по испаѓањето од купот, што дополнително ги разгоре шпекулациите.
Foto/ depositphotos

