Спорт
Кој ќе ја освои Лига Европа, Ајнтрахт или Ренџерс?
Фудбалерите на Ајнтрахт и Ренџерс, вечерва од 21 часот во Севиља, ќе се борат за трофејот во Лига Европа и пласман во Лигата на шампионите следната сезона.
За Ајнтрахт тоа ќе биде можност да го освои првиот европски трофеј по повеќе од 40 години, а за Ренџерс шанса за прва титула во европско натпреварување во последните 50 години.
Триумфот во второто по ранг европско натпреварување носи автоматски пласман во групната фаза од Лигата на шампионите следната сезона.
„За Ајнтрахт, за навивачите, за клубот, за играчите (титула по 42 години) тоа би било најважното нешто досега. Ќе дадеме се од себе да се вратиме дома со трофејот и да поминеме една или две ноќи славејќи со нашите навивачи“, изјави тренерот на германскиот клуб Оливер Глазнер за веб-страницата на УЕФА.
Тоа ќе биде прво европско финале за тимот од Франкфурт откако ја победи Борусија Менхенгладбах во 1980 година во германското финале на Купот на УЕФА.
Ренџерс беа блиску до европска слава кога играа во финалето на Купот на УЕФА во 2008 година, но загубија од Зенит Санкт Петербург.
Шкотскиот клуб е во потрага по својот прв европски трофеј по освојувањето на Купот на победниците на куповите во 1972 година.
И двата клуба имаат огромна база на навивачи, се очекува во Севиља да дојдат десетици илјади луѓе, што предизвика загриженост кај локалните власти и УЕФА.
Претходно во сезоната имаше насилство од навивачите во тој град кога Севиља и Бетис беа домаќини на натпревари во рамките на ова натпреварување.
Исто така, пред полуфиналето меѓу Ајнтрахт и Вест Хем во Германија, повеќе од 30 навивачи беа уапсени по тепачките на навивачите на двата клуба на неколку локации во градот.
Навивачите на германскиот клуб го привлекоа вниманието кога повеќе од 30.000 успеаја да влезат на „Ноу Камп“ во Барселона за реваншот од четвртфиналето.
УЕФА ги замоли навивачите без билети да не патуваат во Шпанија за финалето и предупреди на опасноста од купување билети на секундарниот пазар.
На стадионот „Рамон Санчез Пишуан“ ќе има повеќе од 40.000 места, но за секој клуб се доделени околу 10.000 билети.
Претставниците на Севиља ќе отворат две фан зон, на различни локации за навивачите на двата клуба.
Ренџерс, предводен од капитенот и најдобар стрелец Џејмс Таверние, ги загуби првите два натпревари во групата, но на крајот стигна до финалето, на тој пат „полицајците“ елиминираа двата германски клуба – Борусија Дортмунд во првата рунда од нокаут фазата и Лајпциг во полуфиналето.
„Кога сте во нокаут фазата, тоа е се или ништо, а карактерот на моите играчи е извонреден. Имаме квалитет и имаме верба. Најважно е да имаш верба дека можеш да победиш“. “, изјави тренерот на Ренџерс, Џовани ван Бронхорст, кој беше ангажиран во ноември откако Стивен Џерард се пресели во Астон Вила.
Ајнтрахт, предводен од голманот ветеран Кевин Трап, се пласираше во финалето без пораз, откако елиминираше неколку силни противници – Бетис во осминафиналето, Барселона во четврт-финалето и Вест Хем во полуфиналето.
Тимот од Франкфурт се обидува да стане третиот непоразен тим кој ја освоил титулата во ерата на Лига Европа, по Челзи во 2019 година и Виљареал во 2021 година.
“Секоја екипа која ќе се пласира во финалето го заслужува тоа бидејќи мора да мине долг пат. Мора да победите многу натпревари”, изјави Глезнер.
„Ренџерс елиминира два силни клуба од Бундеслигата. Ова покажува дека тие се многу добри и подготвени за германскиот фудбал, па очекувам изедначено и тешко финале“, додаде тренерот на Ајнтрахт.
Клучен играч на тимот е Србинот Филип Костиќ, кој постигна девет гола во Лига Европа.
Последната пресметка на двата клуба беше болна за Ренџерс.
Шкотскиот клуб прими шест гола во двата полуфинални натпревари од Купот на европските шампиони во 1960 година. Ајнтрахт потоа загуби од Реал Мадрид во финалето со 7:3.
Франкфурт не се врати во најголемото клупско натпреварување во Европа од тоа финале, додека Ренџерс последен пат играше во групната фаза од Лигата на шампионите во сезоната 2010/11.
Последен пат кога финалето на Купот на УЕФА се играше во Севиља, во 2003 година, на теренот беше најголемиот на Ренџерс, тимот на Селтик, кој загуби од Порто.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Ливерпул со двајца повеќе на теренот едвај го победи Тотенхем
Фудбалерите на Ливерпул победија како гости против Тотенхем со 2:1 во 17-то коло од Премиер лигата.
И покрај победата, ова беше уште еден кошмарен натпревар за „Црвените“, овој пат со среќен крај.
Нестварно е што се можат играчите на Ливерпул да им приредат на своите навивачи оваа сезона.
Во Лондон имаа сè во свои раце, играч повеќе на теренот од 33-та минута по глупоста и исклучувањето на Чави Симонс, водство од 2:0 со головите на Александар Исак и Уго Екитике во второто полувреме, речиси „затворен“ натпревар, кој сепак не успеаја да го затворат, туку се тресеа за победата до последната секунда, и покрај тоа што од 90-та минута имаа двајца играчи повеќе на теренот.
Xavi Simons received a red card for this reckless challenge on Virgil Van Dijk. pic.twitter.com/haaEdUElMF
— Liverpool Xtra (@Liverpool_Extra) December 20, 2025
Голот на Ричарлисон во 83-та минута го однесе натпреварот во „немирни води“, ја крена агресивноста на домашните до крајни граници и во исто време на нула ја сведе самодовербата на Ливерпул.
Од тој момент, Спарс беа тимот кој беше храбар, кој напаѓаше, притискаше, имаше поголем посед на топката… Против противник кој имаше играч плус на теренот, но противник кој веќе потресен, нервозен и исплаше.
Играчите на Слото беа нервозни до самиот крај, дури и откако Тотенхем остана без Ромеро во судиското продолжение. Дури и со девет играчи, домашните напаѓаа подобро, беа поопасни…
Во петтата минута од судиското продолжение, Алисон беше во проблеми по обидот на Педро Поро, но Бразилецот успеа да ја задржи смиреноста и да ја скроти топката што го смени правецот по почетниот удар.
Натпреварот беше продолжен во 11-тата минута.
Ливерпул, на крајот, овој пат едвај „преживеа“.
Покрај неверојатните осцилации во играта, менаџерот на Арне Слот има уште една причина да биде загрижен. Исак се повреди во 58-та минута, кога го постигна првиот гол. Впечаток е дека најскапото засилување во историјата на клубот доживеа потешка повреда.
Foto/ depositphotos
Спорт
Тео Ернандез: Ибрахимовиќ, за наше добро, не тепаше на тренинзите
Францускиот репрезентативец и поранешна ѕвезда на Милан, Тео Ернандез, отворено проговори за своето заминување од „Сан Сиро“ во интервју за италијанските медиуми.
По шест години во црвено-црниот дрес, ова лето се пресели во Ал Хилал од Саудиска Арабија. Во интервјуто откри дека бил принуден да си замине, иако сакал да остане во клубот.
„Дали некогаш би заминал? Никогаш. Мојот приоритет беше да останам. Велеа дека барам нереални услови или форсирам трансфер… сето тоа е лага“, рече Тео.
Вистинската причина за заминувањето, тврди тој, била ултиматумот на раководството:
„Заслужував подобар третман. Некои соиграчи ме наговараа да останам, но кога директорот вели „ако останеш, ќе те исфрлиме од тимот“, што друго можам да направам освен да барам нов клуб.“
⚡️ L’arrière gauche d’Al-Hilal Théo Hernandez revient sur son départ mouvementé de l’AC Milan cet été. L’occasion pour l’international français de tacler ses anciens dirigeants et de rappeler aux tifosi qu’il ne voulait pas partir.https://t.co/q8pKeQ01Pp pic.twitter.com/a04OH4Q2uk
— RMC Sport (@RMCsport) December 20, 2025
Ернандез верува дека работите се промениле во Милан со заминувањето на Паоло Малдини, легендата што го донесе во клубот.
„Кога пристигнав, тука беа Масара, Бобан и Малдини, мојот идол. Ибра е врвен, но откако Паоло си замина, сè тргна наопаку. На некои луѓе не им се допадна што дојдовме на тренинг во дресови на Малдини. Го уништија симболот на клубот. Ибра е тука, но се чувствува дека недостасуваат други легенди на клубот“.
Сепак, тој ги опишува годините во Милан како „магични, неповторливи“. Тој конкретно се осврна на Златан Ибрахимовиќ:
„На тренинзите не тепаше, не уништуваше… но за наше добро. По одморот, ми рече: „Каде одиш со 90 килограми?“ Нè мотивираше да бидеме најдобри и постојано ни даваше совети“.
Денес, Тео е среќен во Ријад под водство на Симоне Инзаги, но неговото срце останува во Милан:
„Сега сакам да победувам тука. Но, сè додека има одредени луѓе во клубот, нема да се вратам. Сепак, љубовта кон навивачите останува. Ако Милан го освои Скудетото, би славел со нив“, рече Тео Ернандез.
Foto/ depositphotos
Спорт
Дејан Станковиќ се враќа во Црвена звезда
Дејан Станковиќ повторно ќе стане тренер на фудбалскиот клуб Црвена звезда. Како и пред шест години, тој доаѓа на местото на Владан Милојевиќ.
Владан милојевиќ, ја напушти прес-конференцијата без да даде изјава, откако црвено-белите ја победија Младост со 4:0 во саботата, јасно посочувајќи дека натпреварот му бил последен како шеф на стручниот штаб.
Како што објави „Моцартспорт“, Дејан Станковиќ во понеделник ќе биде промовиран во нов тренер на Црвена звезда. Според овој извор тој веќе потпишал две ипол годишен договор.
„Црвена звезда го сакаше Алберт Ријера (тренер на Целје) како своја примарна желба, не успеаја да го ангажираат Шпанецот, а во исто време, Станковиќ остана без работа во московски Спартак. 47-годишниот стручњак автоматски се наметна како најлогична опција во декемвриските денови, и така по втор пат екс играчот на Лацио и Интер и еден од најомилените играчи на Звезда во ерата по Бари ќе седне на црвено-белата клупа. Интересно, како историјата да се повторува, бидејќи во декември 2019 година, Станковиќ го замени Владан Милојевиќ по завршувањето на првиот дел од сезоната“, пишува порталот.
Во својот прв мандат, Дејан Станковиќ ја тренираше Звезда од декември 2019 до август 2022 година.
Тој освои три титули во српското првенство и двапати го освои Купот на Србија, а три пати беше елиминиран во плејофот за пласман во Лигата на шампионите.
Foto/ shutterstock
Родителите на починатите деца од „Пулс“ бараат новиот јавен обвинител да го преиспита случајот
Родителите на починатите во пожарот во „Пулс“ денеска на 34. Марш за ангелите во Кочани побараа проширување на истрагата, утврдување...
Откажани летови и отежнат авиосообраќајот на скопскиот аеродром поради маглата
Како резултат на ниската видливост предизвикана од густата магла што ја зафати скопската котлина денеска до 14 часот на Меѓународниот...
Почина Драган Б. Костиќ, човекот кој важеше за најпрепознатливиот радио глас
Денес на 75 години, почина Драган Б. Костиќ, човекот кој важеше за најпрепознатливиот радио глас кај нас. Откако неодамна Перо...
На едно семејство со четири члена му биле потребни близу 1.100 евра за да го помине декември
Вредноста на синдикалната минимална кошница што ја пресметува Сојузот на синдикати на Македонија (ССМ) за декември годинава изнесува 65.492 денари...
Пратеникот Јанчев кој имаше сообраќајка во која загина тинејџер доби обвинение, свртел на место каде не смеел
Основното јавно обвинителство Скопје поднесе обвинение против Сашко Јанчев, пратеник од партијата Левица, за кривично дело „Тешки дела против безбедноста...
Скопје руши рекорди по загаденост, утрово е втор град во Европа
Според светскиот сервис IqAir Скопје утрово е на 20 место во светот, а второ во Европа по загаден воздух. Доколку...
Дедо Мраз од Лапонија ќе дојде со волшебен воз на Железничка во Скопје
Специјална новогодишна театарска претстава за деца „Дедо Мраз дојде со воз“ ќе се одржува од денеска 30 декември на Железничката...
Затаен данок од над еден милион евра од трговија со злато и накит, истрага против две лица
Основното јавно обвинителство Скопје отвори истрага против две лица за кои постои основано сомнение дека подолг временски период вршеле кривично...
Алиу: Дефиниравме нови програми за специјализации – темелно го менуваме пристапот за креирање медицински кадар
На денешната прес-конференција на министерот за здравство Азир Алиу, заедно со претседателката на Лекарската комора, Калина Гривчева-Старделова, деканот на Медицинскиот...
Уапсени 11 лица за местење тендер вреден над 7,6 милиони евра во „ЕСМ дистрибуција на топлина“
Завчера во текот на ноќта помеѓу 17 и 18 декември и вчера, под раководство на јавен обвинител, полициски службеници спроведоа...
Левицата бара независна истрага за смртта на новороденчето и одговорност од директорката и од педијатарката во ГАК
Левица бара Обвинителството да отвори истрага за смртта на новороденчето на Клиниката за гинекологија и акушерство и одговорност од директорката...
(Видео) Тошковски: Интервентната полиција – шест години посветена служба во заштита на граѓаните
По повод шест години од формирањето на Единицата за интервентна полиција при СВР Скопје, денеска беше одбележан Денот на единицата,...
Андоновски: Македонија рангирана во А-групата за дигитален напредок според Светската банка
На конференцијата „Трансформирање на иднината: дигитална стратегија за современо општество“, посветена на промоцијата на Националната стратегија за развој на ИКТ...
Измените на Кривичниот законик се само уште едно крпење на правниот систем, велат од ЛДП
Либерално-демократската партија (ЛДП) изразува сериозна загриженост и негодување во однос на најновите предлог-измени на Кривичниот законик кои се најдоа пред...
Надминат прагот на штетни честички во воздухот во Скопје, надлежните активираа мерки
Министерството за животна средина и просторно планирање информира дека според податоците од Државниот автоматски мониторинг-систем за квалитет на амбиенталниот воздух...
„’Лотаријата’ функционирала како приватна фирма на Груби, СДС молчел за криминалот од 1 милион евра поради опстанок на власт“, вели ВМРО-ДПМНЕ
„СДС за да опстане ден повеќе на власт ги толерирале злоупотребите кои се случувале во Лотарија под раководство на Бајрами,...
Спроведени 262 контрли на безбедноста на новогодишните пакетчиња, утврдени минимални недоследности
Во пресрет на новогодишните празници, Агенцијата за храна и ветеринарство (АХВ) спроведе 262 вонредни инспекциски надзори за контрола на безбеднста...
Макрон: Дојде време да се обнови дијалогот со Путин
Францускиот претседател Емануел Макрон изјави дека дојде време тој и европските лидери повторно да влезат во дијалог со рускиот претседател...
(Видео) Објавена нова снимка од нападот во Сиднеј: полицаец спречил масакр од 45 метри
Австралиските медиуми го идентификуваа полицаецот кој го спречи смртоносниот антисемитски напад на плажата Бонди како детективот Сезар Бараза. Новообјавените видеа...
(Видео) Осомничениот за масовното пукање на Универзитетот „Браун“ пронајден мртов: го убил и професорот на МИТ
Маж осомничен за масовното пукање на Универзитетот Браун од минатата недела е пронајден мртов по шестдневна потрага што се протегаше...
