Американецот Рајан Крусер постави светски рекорд во фрлање ѓуле. Крусер, успеа да го урне 31 година стариот рекорд на Ренди Барнс.

На американските квалификации за Олимписките игри во Токио, Крусер забележа резултат 23 метри и 37 сантиметри. Крусе за 25 сантиметри го подбри рекордот на Барнс.

Од 1990 година до денес, никој ѓулето не го фрлил преку 23 метри, во претходните две години најблиску биле Крусер и неговиот сонародник Џо Ковач (21,91 метар).

Инаку, Крусер, на почетокот на сезоната постави светски рекорд во сала (22,82 метри).



Хрватска не успеа да ја победи Чешка, во второто коло во Д-групата на Европското првенство. Натпреварот во Глазгов заврши 1:1. Чесите поведоа од пенал, на кој му претходеше фаул на Ловерен врз Шик.

Пеналот на некој начин е контроверзниот, бидејќи судијата Де Серо Гранде реши да ја погледне снимката откако го забележа обилното крвавење од носот на Шик.

„Како да не бидам разочаран? Јас воопшто не го видов Шик, одев на топка и тоа беше природна позиција на моите раце. Така скокам цел живот. Како би требало да скокам? Како свеќа, без раце? Јас за ова никогаш не би досудил пенал. Па судијата не го забележа тој момент, подоцна ја донесе одлуката“, рекол Ловерен.

Хрватска, по два натпревари има еден бод и само со победа над Шкотска, во вторник, може да се пласира во осмина-финалето.

Аргетнина ја забележа првата победа на Копа Америка. Во дербито на второто коло, Аргентина со 1:0 го порази Уругвај.

За разлика од првиот меч, кога против Чиле одиграа 1:1, Аргентинците не дозволија изненадување против Уругвај. Одигра фуриозно во првите 15 минути, кога постигнаа единствениот гол. Потоа добро ги затворија приодите кон својот гол, не ум дозволија на Уругвајците да упатат удар кон голот на Мартинез.

Победникот го реши Гвидо Родригез во 14.минута, откако неколку минути претходно Нико Гонзалес промаши голема шанса за Аргентина.

Минимална победа, со гол постигнат во раната фаза, забележа Чиле над Боливија. Голот кој го реши победникот го постигна Беретон во 10.минута.