Џек Грилиш стана најскапиот британски фудбалер во историјата, комплетирајќи го историскиот трансфер од Астон вила во Манчестер сити за 100 милиони фунти.

По комплетирањето на медицинскиот тест во Манчестер, Грилиш потпиша шестгодишен договор со Сити, со кој ќе заработува повеќе од 200.000 фунти неделно.

„Пресреќен сум. Да се дојде во клуб како Манчестер сити за мене е огромно лично остварување. Ова беа тешки неколку месеци, бидејќи сум навивач на Астон вила цел мој живот, но кога зборував со Пеп Гвардиола и кога видов какви фудбалери имаат тука, не можев да речам не. Пресреќен сум што сум тука. Трофеите се главната причина зошто дојдов. Тука е и менаџерот, најдобриот на светот и фудбалери од висока класа, сите знаете колку го ценам Кевин де Брујне и сега ќе се оствари сонот да играм покрај него“, изјави Грилиш.

Introducing…our new number 🔟

🔷 #ManCity | https://t.co/axa0klD5re pic.twitter.com/yb4fSSnEmg

— Manchester City (@ManCity) August 5, 2021

Навивачите на Интер ги интензивираат протестите против претседателот Стивен Жанг околу најавената продажба на Ромелу Лукаку на Челси, додека поранешниот претседател Масимо Морати изјави дека крајно разочаран од насоката во која се движи клубот.

И покрај ветувањата дека Ашраф Хакими ќе биде единствениот фудбалер од шампионскиот тим кој ќе биде продаден, се верува дека е блиску до реализација трансферот на Лукаку за 130 милиони евра.

Фановите пред седиштетото на клубот во Милано поставија голем банер и на англиски му порачаа на претседателот: „Жанг, времето истече“. Друг банер додаде: „Тренери и фудбалери, ја имате нашата поддршка, очекуваме единствено и пот од вас. За доброто на Интер“.

Морати, кој го продаде клубот на кинеските газди, предупреди дека продажбата на Лукаку ќе биде добра за финансиската стабилност, но дека ќе мора да се постави прашањето: „Поважни се парите или тимот?“.

„Не ја знам точната ситуација, но секако дека ги привлекува таква голема сума. Не знам дали е доволна да се реши економскиот статус. Ако Лукаку остане, тоа значи силен тим, и ќе видиме што значи повеќе за нив, парите или тимот“, вели Морати.

Само 24 часа пред шокантниот „раскин“ со Барселона, Лео Меси беше на вечера со играчите на Пари Сен-Жермен, предводени од неговиот стар пријател Нејмар, и многу фанови на каталонскиот клуб сметаат дека ова бил клучниот момент да се стави крај на 21-годишниот престој на „Ноу Камп“.

Подолго време од Шпанија доаѓаа вести дека Барселона го прави максимумот да се договори со Меси, дури предложувајќи намалување на платите на повеќе стандардни првотимци за 40 отсто, пред денешниот шокантен пресврт на настаните, во кој Меси се покајал за дозволата да му се намали платата за 50 отсто, но најмногу бил разочаран од квалитетот на сегашниот тим.

Фотографијата која покажува кој можеби го разубедил го покажува Меси во друштво со Нејмар, соиграчите од аргентинската репрезентација Анхел ди Марија и Леандро Паредес и италијанската ѕвезда Марко Верати.

Нејмар, кој постојано го повикуваше Меси да дојде во Париз, ја објави фотографијата на Ибиза со порака „Амигос“ (пријатели). ПСЖ е сигурно еден од ретките клубови на планетата кој може да си ја дозволи огромната плата на Меси, така што ќе биде интересно да се следат настаните.

 

View this post on Instagram

 

A post shared by NJ 10 🇧🇷 (@neymarjr)