Спорт
Колабираше Анжи Махачкала, клубот за кој играа Ето и Роберто Карлос
Рускиот фудбалски клуб Анжи Махачкала, за кој во минатото играа фудблери како Самуел Ето, Вилијан и Роберто Карлос, најверојатно ќе ги затвори своите врати откако не доби лиценца за настап во руската трета лига.
Клубот од Дагестан не доби дозвола да игра во ФНЛ 2 лигата, што значи дека веќе не може да се смета за професионален клуб.
„Целиот тим на Анжи ги направи сите можни обидид да ја помине лиценцната процедура до самиот крај. Клубот ги сфаќа причините за одбивањето на лиценцата и проценката на финансиските услови кои владеат. Се обиовме да ги платиме нашите долгови, но без спонзорите и партнерите, тоа не беше доволно“, потврдија од клубот на социјалната мрежа ВК.
Под водство на милијардерот Сулејман Керимов, од 2011 до 2013 година, клубот од Дагестан го шокираше фудбалскиот светс о низа големи трансфери. Тие завршија на третото место во Руската Премиерлига во 2012/13, и успеаја да ги победат Ливерпул во европските натпреварувања. Но, откако се „умори“ од финансиските обврски, тој го скрати финансирањето. Анжи по ова испадна од првата лига, пред уште еднаш да се вратат, пред во 2018 да испаднат прво во втората, а потоа и во третата руска лига.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Погачар: Не се гледам себеси во професионалниот велосипедизам уште долго

Словенечкиот велосипедски ас Тадеј Погачар по четвртиот триумф на Тур Д’ Франс предизвика вистински шок во јавноста со своите изјави за „Лекип“. Иако има само 25 години, тој веќе сериозно размислува да се збогува со спортот.
„Нема да се пензионирам веднаш, но не се гледам себеси во професионалниот велосипедизам уште долго. Олимписките игри во Лос Анџелес во 2028 година се мојата голема цел, а по нив сериозно ќе размислувам за пензионирање“, откри Погачар.
Тој се осврна и на историски момент за Словенија – почетокот на Тур Д’ Франс доаѓа во нивната земја во 2029 година. Сепак, Погачар јасно стави до знаење дека тогаш, речиси сигурно, повеќе нема да се натпреварува:
„За мене е неверојатно што Турот ќе започне во Словенија во 2029 година. Ќе бидам таму, тоа е сигурно, дури и да не се натпреварувам“, објасни тој.
Спорт
Џака се врати во Премиер лигата

Швајцарскиот фудбалер Гранит Џака се враќа во Премиер лигата, поточно во Сандерленд.
Ова го објави речиси непогрешливиот фубалски инсајдер Фабрицио Романо.
Романо изјави дека Сандерленд, клубот кој се врати во Премиер лигата минатата сезона, постигнал договор со Леверкузен за трансфер вреден 20 милиони евра.
Џака ќе потпише договор до летото 2027 година.
32-годишниот играч од средниот ред на тој начин ќе се врати во Премиер лигата, каде што претходно играше за Арсенал од 2016 до 2023 година.
Спорт
Капитенот на Рома го напушта клубот

Лоренцо Пелегрини, капитенот на Рома би можел да го напушти кубот до крајот на преодниот рок.
„Калчомеркато“, тврди дека капитенот на „волчицата“ добил зелено светло од тренерот Џанпјеро Гасперини за трансферот.
Милан, Интер и Наполи се заинтересирани за услугите на 29-годишниот фудбалер. Според обложувалниците најголем фаворит за потписот на Пелегрини е Милан.
Пелегрини е дете на Рома. Тој е во клубот од почетокот на својата кариера.
Досега, на 316 натпревари за првиот тим на Рома, постигна 55 голови и забележа 59 асистенции.
Фото/ Принскрин