Спорт
Колапс на Лејкерси во Оклахома, Барнс им пресуди на Финикс, пораз на шампионот од Минесота
Лејкерси, Милвоки, Финикс, Бостон, Бруклин, изминатата ноќ запишаа порази во НБА-лигата.
Без Леброн Џејмс, Лејкерси добија уште една шлаканица на почетокот на сезоната. Оклахома ги совлада „езерџиите“ со 123:115.
Оклахома до победата дојде со спектакуларен пресврт. Во еден дел од натпреварот Лејкерси имаа предност од 26 поени. Во последните 25 години, Лејкерси до дуелот со Оклахома 230 пати успеале да победат кога имале предност од 25 или повеќе поени.
Џилџес-Александер постигна 27 поени, Безли постигна 20 во победата на Оклахома. На спротивната страна Вестбрук против поранешниот тим го забележа 185. трипл-дабл во кариерата (20 поени, 14 скока, 13 асистенции), Дејвис уфрли 30 поени.
Минесота прв пат по сезоната 2013/2014 успеа да победи во Милвоки. Расел, Ентони-Таунс и Едвардс го урнаа шампионот, во чии редвои ги немаше Брук Лопез и Џру Холидеј.
Расел постигна 29 поени, а Таунс и Едвардс по 25, во победата на Минесота од 113:108.
На спротивната страна блескаше Адетокумбо со 40 поени, 16 скока и седум асистенции, за помалку од 35 минути.
Сакраменто, во Аризона, славеше над Финикс, 110:107. Натпреварот, со звукот на сирената, го реши Херисон Барнс. Крилниот центар на Сакраменто погоди од тешка позиција преку Девин Букер.
Ејтон со 21 поен и 21 скок, односно Букер со 31 поен се истакнаа во редовите на Финикс, додека Сакраменто го предводеа Бади Хилд со 26 и Барнс со 22 поени.
Harrison Barnes for the win. Awful loss for the Suns pic.twitter.com/D1O5gxtPeq
— Gerald Bourguet (@GeraldBourguet) October 28, 2021
Резултати:
Орландо-Шарлот 111:120
Бостон-Вашингтон 107:116
Бруклин-Мајами 93:106
Њу Орлеанс-Атланта 99:102
Торонто-Индијана 118:100
Портланд-Мемфис 116:96
ЛА Клиперс-Кливленд 79:92.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Дубаи има договор со најдобриот европски шутер
Кошаркарскиот клуб Дубаи сериозно се подготвува за новата сезона. Откако, како што објави „Естандо“, клубот постигна договор со Ели Окобо, договор за следната сезона има и Андреас Обст.
Договорот на германскиот „снајпер“ со Баерн истекува во јуни оваа година и се чини дека тој е подготвен да го нплати својот квалитет.
Обст кој наскоро ќе наполни 30 години, има просек од 15,5 поени по натпревар оваа сезона, а неговиот процент на шут за три поени е импресивни 41 процент.
Foto/ depositphotos
Спорт
Леброн: Не знам дали ќе играм следната година
Леброн Џејмс, еден од најдобрите кошаркари во историјата, ја игра својата 23-та сезона во НБА.
Асот на Лејкерси беше во центарот на вниманието на медиумите за време на Ол-стар натпреварот во Лос Анџелес, а главното прашање беше, секако, дали ќе игра следната сезона.
„Сакам да живеам. Кога ќе знам, ќе знаете и вие. Не знам во моментов. Немам поим“, истакна Џејмс.
Леброн има 41 година. Ова е последната година од неговиот договор со Лејкерси, во кој треба да добие 52,6 милиони долари.
„Целосно сум фокусиран на оваа сезона. Сакам да влеземе во плејофот и да се бориме за титулата. Се надевам само дека ќе останеме здрави, бидејќи тоа е предуслов за секој квалитетен настап“, заклучи Џејмс.
Foto/ depositphotos
Спорт
Капитенот на Њукасл на долга пауза поради повреда
Бруно Гимараеш од Њукасл Јунајтед ќе отсуствува околу два месеци откако заработи повреда на тетивата.
Фудбалерот од средниот ред се повреди за време на натпреварот од 26-то коло од Премиер лигата против Тотенхем. Њукасл славеше, а капитенот се повреди на самиот крај од натпреварот.
Ова беше негов втор натпревар откако се опорави од повреда на глуждот. Скенирањата потврдија дека Бразилецот го очекува подолга пауза, што е голем удар за Њукасл.
Њукасл ја победи Астон Вила во четвртото коло од ФА Купот, а следниот натпревар ќе го игра како гостин на Карабаг во првиот натпревар од плејофот за осминафиналето на Лигата на шампионите.
Тимот на Еди Хау е на 10-то место на табелата во Премиер лигата со 36 бода.
Foto/ depositphotos

