Спорт
Колку го чинат Реал Мадрид головите на Ендрик?
Во дебитантскиот настап за Реал Мадрид во Ла Лига, Ендрик успеа да постигне гол. Тој ја потврди победата на Мадрид во второто коло од Ла Лига против Ваљадолид (3:0).
Голот активара една од клаузулите што Ендрик ги има во договорот.
Како што пренесуваат медиумите од Бразил, според договорот, за секој гол што ќе го постигне Ендрик, Реал ќе треба да му плати на Палмеирас 35.000 евра. Истата сума Реал треба да ја плати за секоја асистенција или изборен пенал. Овие клаузули во договорот на Ендрик важат до 2023 година..
Ниту една страна не потврди дали има капа на голот и бонуси за игра како стартер.
Во договорот на Ендрик има голем број на бонуси за кои Палмеирас може да заработи најмногу 12,5 милиони евра.
Бразилските медиуми открија дел од клаузулите во договорот на Ендрик.
1. Секој постигнат гол, асистенција или изборен пенал – 35.000 евра.
2. Секој натпревар како стартер на Реал Мадрид со најмалку 45 минути – 75.000 евра.
3. Шампион на шпанското првенство, стартер во осум натпревари – 500.000 евра или ако започне 18 натпревари – 1.000.000 евра.
4. Полуфиналист во Лигата на шампионите, почетни четири натпревари – 1.000.000 евра или осум натпревари – 2.000.000 евра.
5. Шампион во Лигата на шампионите почетни четири натпревари – 1.000.000 евра или осум натпревари – 2.000.000 евра.
6. Награда Голден бој – 1.000.000 евра.
7. Топ 3 во изборот за „Златна топка“ – 1.000.000 евра или добитник на истата – 2.000.000 евра.
Инаку, Реал пред нешто помалку од две години за Ендрик на Палмеирас му плати 35 милиони евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
„Постојано ме критикуваат, а номиниран сум за Златната топка!“
Нема сомнеж дека Хакан Чалханоглу моментално е еден од најдобрите играчи од средниот ред во светот, иако често е критикуван дека не е константен.
Впрочем, турскиот репрезентативец и фудбалер на Интер се најде во избраното друштво, меѓу 30-те кандидати за Златната топка.
„Секогаш има критики на моја сметка, но не им обрнувам премногу внимание. Не сакам да звучам арогантно, но по 21 година турски играч се врати на листата за Златната топка. И јас сум горд на тоа“, порача тој.
🗣️ Hakan Calhanoglu: "There's always criticism about me, but I don't listen. I don’t want to sound arrogant, but after 21 years, a Turkish player is back on the Ballon d’Or list. And I'm proud of it." 🇹🇷 pic.twitter.com/SBlmDdZDbR
— Football Talk (@FootballTalkHQ) September 11, 2024
Последниот турски играч кој беше номиниран за Златната топка беше Нихат Кавечи во 2003 година кога играше во Шпанија за Реал Сосиедад.
Хакан Чалханоглу има 30 години и веќе осум сезони игра со голем успех во Серија А, прво за Милан, а потоа за градскиот ривал Интер, со кој лани ја освои шампионската титула на Италија.
На почетокот на кариерата играше во Германија за Карлсруе, Хамбургер и Баер Леверкузен. Тој 92 пати го облече дресот на турската репрезентација и постигна 19 гола.
Спорт
Гвардиола едвај чека да започне судењето против Манчестер сити
Пеп Гвардиола, менаџерот на Манчестер сити, истакна дека едвај чека да започне судењето на неговиот клуб поради наводна финансиска проневера. Почетокот е закажан за понеделник, 16 септември.
Актуелниот англиски шампион се соочува со 115 обвиненија во периодот од 2009 до 2018 година. Доколку нешто се покаже како точно, на Сити му се заканува одземање бодови, а во најлош случај исфрлање од Премиер лигата.
Од клубот тврдат дека сè правеле според прописите, а Гвардиола се надева дека се ќе биде готово многу брзо.
„Мило ми е што се почнува и се надевам дека наскоро ќе биде готово. Толку многу се зборува и пишува. Секој е невин додека не се докаже вината. Ќе видиме што ќе се случи“, изјави познатиот стручњак.
Сити има освоено осум од последните 13 титули во Премиер лигата, вклучувајќи четири по ред во последните четири години, односно шест во последните седум години.
Спорт
Лунин го продолжи договорот со Реал
Украинскиот голман Андриј Лунин потпиша нов договор со Реал Мадрид.
Лунин блескаше минатата сезона, особено во полуфиналниот реванш против Манчестер сити, кога беше најзаслужен за пласман во финалето во Лигата на шампионите. На „Етихад“ Луни одбрани два пенали.
Сепак не доби шанса да брани во финалето. Против Борусија Дортмунд на голот за врати Тибо Куртоа, кој решиси целата сезона ја пропушти поради повреда.
Поради тоа медиумите пишуваа дека Лунин не е задоволен од статусот што го има воклубот и дека е подготвен да го напушти „Сантијаго Бернабеу“.
Неговиот договор истекуваше следното лето, но тој сепак реши да ги одбие сите понуди и да го продолжи договорот со Реал до јуни 2028 година.