Спорт
(ВИДЕО) Коло Муани ја елиминира Белгија
![](https://makfax.com.mk/wp-content/uploads/2024/07/trikolor.jpg)
Уште од самиот старт на натпреварот беше јасно дека влогот е голем и дека притисокот ги „изеде“ и француската и белгиската репрезентација.
Се очекуваше внимателна игра, но никој не очекуваше само еден удар во рамката од голот.
Не видовме ништо интересно во првото полувреме, а можеби најинтересниот момент беше во 16. минута кога Караско падна во шеснаесетникот и побара пенал.
Франција имаше неколку шанси, но ниту со една не и се закани на Белгија. Во вториот дел ситуацијата беше слична, но играта беше подинамична и изедначена.
Турам и Мбапе имаа по еден удар кој малку ги загрижи Белгијците, но најдобрата шанса ја имаше Караско, кој во контранапад го проигра Кевин де Брујн, а Хернандез со лизгачки старт во шеснаесетникот ја исфрли топката.
Франција го реши во своја корист во 85. минута кога Коло Муани го погоди Вертонген во коленото и го постигна единствениот гол на натпреварот.
Французите со минимални 1:0 ја совладаа Белгија и се пласираа во четврт-финалето на Европското првенство.
Белгијците долго ќе го паметат овој пораз бидејќи не беа полоша екипа на овој меч, едноставно не ги искористија создадените шанси и имаа помалку среќа од триколорите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(ВИДЕО) Брутално претепан навивач на Португалија
![](https://makfax.com.mk/wp-content/uploads/2024/07/portugal-1.jpg)
🚨 Um adepto foi agredido a soco e pontapé pelos seguranças da Arena de Frankfurt onde a Seleção Nacional defrontou a Eslovénia na noite desta segunda-feira#euro2024 pic.twitter.com/kXAl6Qw2C8
— Record (@Record_Portugal) July 2, 2024
На социјалните мрежи се појави видео од брутално претепување на португалски навивач кој го тепаат неколку припадници на службата за обезбедување на стадионот.
Снимката ја објави португалскиот портал „Рекорд“.
На неа е прикажана сцена од натпреварот помеѓу Португалија и Словенија во осминафиналето на Европското првенство на стадионот во Франкфурт. Од засега непозната причина група обезбедувачи брутално претепале навивач на Португалија.
На почетокот двајца го држат, а третиот го удира. Откако заедно паднале на земја, пристигнале уште стражари, а навивачот бил удрен неколку пати со тупаници и клоци.
Случајот го истражува германската полиција.
„Можам да потврдам дека сме свесни за инцидентот и дека полицијата истражува што се случило“, изјави во портпаролот на полицијата во Франкфурт.
Спорт
Според обложувалниците Англија фаворит на ЕП 2024
![](https://makfax.com.mk/wp-content/uploads/2024/07/eng.jpg)
Според обложувалниците, Англија сеуште е прв фаворит на ЕП, а избраниците на Герет Саутгејт се на пат до полуфиналето со Швајцарија, кој покажа сериозен квалитет со доминантниот настап против Италијанците во осминафиналето.
Силите ќе ги одмерат во сабота на 6 јули во Дизелдорф.
Голем дел од играчите на Англија ќе мора да бидат дополнително внимателни бидејќи дури пет играчи имаат жолт картон од претходно и уште еден жолт картон би можел да ги суспендира за полуфиналниот меч, се разбира доколку воопшто ја поминат Швајцарија.
Поради вториот жолт картон против Словачка, суспендиран е Марк Гуехи, а во опасност од суспензија се и Џуд Белингем, Коби Мајно, Фил Фоден, Киеран Трипие и Конор Галагер.
Спорт
Леброн со нов договор
![](https://makfax.com.mk/wp-content/uploads/2024/07/lebron.jpg)
Леброн Џејмс потпиша двегодишен договор со Лос Анџелес Лејкерс вреден 104 милиони долари.
Последната година од договорот е опција за играч, што значи дека Леброн Џејмс избира дали ќе се активира или ќе стане слободен агент.
Исто така, во договорот има клаузула која им забранува на Лејкерси да тргуваат со Леброн Џејмс.
Неодамна го одби автоматското продолжување на договорот и сакаше да земе помала плата за да го направи тимот поконкурентен, но сите опции на Лејкерси пропаднаа.
Леброн со 39 години е најстариот активен НБА играч, кој со овој договор ќе ја продолжи кариерата на 23 сезони.
Лејкерси летово го избраа најстариот син на Леброн, Брони како 55. пик на драфтот, а за тренер го назначија неговиот близок пријател Џеј Џеј Редик, поранешен играч без тренерско искуство.
Во својата 21-ва сезона, Џејмс забележа просеци од 25,7 поени, 7,3 скока и 8,3 асистенции и шутираше 41% од тројки, што е најдобар учинок во неговата кариера.