Спорт
Комедија во Јужна Африка – 41 автогол и победа од 59:1
Четири јужноафрикански, кои се натпревруваа во четвртиот ранг, се исклучени од натпреварувањето поради местење натпревари. Неверојатен е степенот на нерегуларности забележан на натпреварите на овие тимови.
Обвинетите тимови имаат интересни имиња: Matthias, Shivulani Dangerus Tigers (Опасни тигри), Kotoko Happy Boys (Опасни момци) и Ensami Mighty Birds (Моќни птици).
За лидерската позиција на табелата се изборија првите две екипи – Тигрите славеа против Коток со резултат 33:1, додека Матијаши го совлада Есами со 59:1.
„Нашата истрага покажа дека Матијас и Енсами сакале да го спречат Шивулани да го освои првото место и покрај предноста од три бода и 16 гола подобра гол разлика од Матијас. Тие се договориле да ги наместат натпреварите“, рече претседателот на регионот Мопани, Винсент Рамфаго и додад.
„Кога слушнаа дека Матијас води со 22-0 на полувремето, Тигрите принудија дел од играчите на Котока да го напуштат теренот поради наводен замор, па противникот го продолжи натпреварот со седум играчи“.
Администраторот додаде дека многу голови не биле соодветно евидентирани од службените лица.
„Судијата погрешно ги запишал стрелците – наместо поединечно го запишал само вкупниот број на голови на играчите. На натпреварот беше постигнати 41 автогол – како да се забележи тоа?“
Покрај клубовите кои учествуваа во местењето, суспендирани се и судии кои нема да ја делат правдата најмалку во следните пет сезони.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.