Спорт
Комити со јасен став: Седлоски не смее и нема да биде тренер на Вардар

Фото/ архива topsport
Навивачката група на Вардар „Комити“, се огласи на социјалните мрежи по повод одлуката Гоце Седлоски да биде новиот тренер на најтрофејниот македонски клуб.
Ставот на „Комити“ е дека „Гоце Седловски не смее и нема да биде тренер на ФК Вардар!“.
„СЕДЛО – МРШ ОД ВАРДАР!
Гоце Седловски не смее и нема да биде тренер на ФК Вардар!
Човечкиот отпад кој уживаше во друштвото на убијците на нашиот брат Саздо, кој со огромно задоволство се радуваше на поразите на ФК Вардар и кој беше избркан од клубот во 2017 година поради сомнително работење, по кое е општо познат во јавноста, не заслужува да седне на црвено-црната клупа!
Во сабота или седни на клупата на Слога Југомагнат, онаму каде што природно припаѓаш или воопшто не доаѓај. Вардар и Градскиот стадион во Скопје, за тебе веќе не постојат. Никогаш нема да ти биде простено!
Воедно ги повикуваме сите навивачи на клубот, сите оние кои беа во неделата во Битола, на баражите во Струмица и Кавадарци, но и на скалите пред стадионот, кога се испаѓаше, кога се боревме сами против сите, дур вакви гниди мирно си уживаа во своите провизиски комбинации и хоштаплерски зделки!
КЛУБ НА НАРОДОТ СИ ВАРДАРЕ!
ВО САБОТА – СИТЕ НА СТАДИОН!“
Инаку Седлоски беше во Вардар во периодот од 2015 до 2017 година, дојде на местото на Срѓан Захариески.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Гери Невил: Не верував дека Ливерпул ќе оди погоре од петтото место, секоја чест за Арне Алот
Во својот подкаст, поранешниот играч на Манчестер Јунајтед, Гари Невил, зборуваше за актуелните настани во Премиер лигата и за новиот шампион Ливерпул. „Црвените“ се на прагот да ја освојат својата јубилејна 20-та титула во Премиер лигата, а тоа би можело да се случи утре доколку го победат Тотенхем (17:30 часот).
Ова значи дека Арне Слот, во својата дебитантска сезона на клупата на Ливерпул, ќе го направи она што многумена пред него не го направија.
„Мислам дека тој одлично ја врши работата, да бидам искрен. На почетокот на сезоната, немаше многу луѓе, дури и меѓу навивачите на Ливерпул, кои ја очекуваа титулата. Не се сеќавам дека некој од нас, професионалните консултанти или аналитичари, рече дека Ливерпул ќе биде шампион. Сите очекуваа трка помеѓу Манчестер Сити и Арсенал, па она што го направија е навистина голем успех“, рече Невил во својот подкаст, а потоа продолжи:
„Им ја прогнозирав петтата позиција. Очекував природен пад да следи по заминувањето на Клоп, како што се случи со Арсенал по Арсен Венгер или Јунајтед по Алекс Фергусон. Ваквите работи се вообичаени и затоа успехот на Слот добива дополнителна тежина.“
Невил, исто така, ги пофали преговарачките вештини на Слот, кој успеа да ги убеди Мохамед Салах и Вирџил ван Дајк да ги продолжат договорите со Ливерпул.
„Во текот на целата сезона, го следеа приказни околу договорите на најдобрите играчи, а тој успеа да убеди двајца од најважните играчи за тимот да ја продолжат својата лојалност кон клубот. Во исто време, тој беше смирен цело време и успеваше да го извлече најдоброто од тимот. Да не беше така, да беше поинаков тип тренер, малку е веројатно дека Ван Дајк и Салах ќе одлучеа да останат во клубот“, смета Невил.
Спорт
Анчелоти ќе се обиде да стави крај на победничката низа на Флик

Вечерва во Севилја ќе се одигра 260. Ел Класико во историјата. Реал и Барселона на „Ла Картуха“ стадионот во Севилај ќе се бора за трофејот во Купот на Кралот.
Барселона досега се појави 42 пати во финалето на Купот на Кралот. Тој има 31 трофеј. Реал во 40. финалињата на ова натпреварување освои 20 трофеи.
Финалето имаше бурна предигра, претседтелот на Реал, Флорентино Перез направи вистински хаос откако дозна дека Де Бегоенчеа ќе го суди финалето. Главниот судија најпрвин беше распнат во емисија на Реал ТВ, а откако тој одржа емотивна прес-конференција, Реал ги откажа сите активности пред финалето.
Реал не одржа отворен тренинг за медиумите, немаше прес-конференција и неговите преставници не се појавија на традиционалната вечера пред финалето.
Дури се шпекулираше дека Реал нема да настапи во финалето доколу не биде сменет судијата, но Перез изгледа не е подготвен да предизвика таков скандал.
Покрај она што ќе се случува на теренот, интересна ќе биде и тренерската битка. Прашање е дали Карло Анчелоти ќе успеа да го добие Ханси Флик. Германецот досега во кариерата нема пораз во финалните мечеви, шест пати играл со својоте клубови и шест пати победил.
Оваа сезона Барселона два пати го победи Реал, во првенството и Суперкупот, а гол разликата е импресивна 9:2.
Спорт
Веселин Вујовиќ во Куќата на славните

Веселин Вујовиќ, еден од најдобрите ракометари во историјата на Југославија и поранешен селектор на Србија и Црна Гора, е нов член на Куќата на славните на шпанската АСОБАЛ лига.
Омилениот тренер на навивачите на Вардар доби големо признание заедно со Алберто Ентрериос, Кристина Пинеиро, Лоренцо Рико и Валеро Ривера.
Овие пет спортисти беа избрани од навивачите, а жирито само ги потврди желбите на љубителите на ракометот во Шпанија.
Вујовиќ играше во Шпанија седум години и ги носеше дресовите на Барселона и Гранољерс. Со Барселона, тој беше четири пати шампион на земјата и еднаш ја освои Лигата на шампионите. Тој го предводеше Гранолерс до трофеите во Кралскиот куп и ЕХФ купот.