Спорт
Конечна разврска во Д-групата, Шведска гостува во Романија
Натпревари во групите Д, Ф и Ј во рамките на квалификациите за пласман на Евро 2020 ќе се одиграат вечерва. Последните две кола ќе донесат конечна разврска во Д-групата и ќе ги одредат второпласираните во групите Ф и Ј.
Три селекции имаат шанси за пласман на првите две места во Д-групата. Во најлоша положба се Ирците, кои сами си ја одредуваат судбината и во исто време зависат од Данска и Швајцарија.
Ирците вечерва нема да играат, во последното коло на 18 ноември ќе ја пречекаат Данска и тогаш мора да победат. Данците вечерва се фаворити против Гибралтар и во последното коло ќе им биде доволен еден бод, во слична положба се и Швајцарците, две победи над аутсајдерите Грузија и Гибратар ќе ги однесат на ЕП.
Група Д
Данска-Гибралтар
Швајцарија-Грузија
Табела: Република Ирска 12 (7 натпревари), Данска 12 (6), Швајцарија 11 (6), Грузија 8 (7), Гибралтар 0 (6)
Шпанците, во пресрет на последните две кола во Ф-групата, се сигурни патници на Евро 2020, за второто место се борат Романија и Шведска. Романците се во тешка положба, мора да победат вечерва во дербито против Шведска, а потоа и на гости кај Шпанија. Швеѓаните во последното коло ќе играат против Фарските Острови.
Група Ф
Норвешка-Фарски Острови
Шпанија-Малта
Романија-Шведска
Табела: Шпанија 20, Шведска 15, Романија 14, Норвешка 11, Фарски острови 3, Малта 3
Италија има максимален ефект во Ј-групата, а на Финска ѝ е потребен еден бод за да го оствари најголемиот успех во својата историја. Финците вечерва ќе го пречекаат Лихтенштајн.
Група Ј
Ерменија-Грција
Финска-Лихтенштајн
Босна и Херцеговина-Италија
Табела: Италија 24, Финска 15, Ерменија 10, БиХ 10, Грција 8, Лихтенштајн 2
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Барселона лесно се справи со Бетис
Барселона убедливо победи во едно од дербињата на 15-то коло од Ла Лига. Во Севилја го победи Бетис со 5:3.
Се чинеше дека Барселона може да се лизне во Севилја против Бетис. Ерупција на воодушевување донесе голот на Антони во петтата минута. Барселона одоговори експресно со два гола на Феран Торес во 11-та и 13-та минута.
Барселона не застана тука. Напротив, во 31-та минута, Педри беше во улога на асистент, а Бардаги совршено ја контролираше топката, а потоа од 15 метри го погоди блискиот агол на голманот Валхес.
До крајот на првото полувреме, Барселона веќе го обезбеди триумфот, во 40-та минута имаше малку среќа, Торес шутираше, топката се одби од противничкиот играч и заврши во мрежата на домашниот тим.
Во продолжение, Барселона постигна петти гол, во 57-та минута беше досуден пенал за гостите, по прегледаното ВАР видео, а Ламине Јамал погоди за 1:5.
До крајот на натпреварот, има уште три детали што вреди да се споменат, пред сè оној од 85-та минута кога Љоренте го постигна вториот гол за Бетис, а потоа и неверојатното промашување на Рашфорд кој, минута подоцна, сам се најде пред голманот на Бетис и шутираше покрај голот од десетина метри.
Во 90-та минута, Кунде направи пенал, а Кучо Ернандез сигурен за конечни 3:5.
Foto/ EPA
Спорт
(Видео) Ливерпул во Лидс испушти 0:2 и 2:3, Танака во 96-та погоди за 3:3
Спектакуларно второ полувреме одиграа Лидс и Ливерпул во Премиер лигата. Ливерпул не може да излезе од кризата, против Лидс не им беше доволна предноста од 0:2 и 2:3. идес освои бод во 96-та минута кога Танака го постигна голот за 3:3.
По првиот дел во кој немаше голови, навивачите на „Елан роуд“ присуствуваа на вистински спектакл. Ливерпул постигна два гола во интервал од 120 секунди. Екитике погоди во 48-та и 50-та минута.
Лидес одговори идентично, во 73-та погоди Калвер-Лувин од пенал, а изедначи Стач во 75-та минута.
Нова предност на Ливерпул му донесе Собослај во 83-та минута. Но „црвените“ не успеаја да победат. „Елан роуд“ во делириум го фрли Танака со голот за конечни 3:3 во 96-та минута.
Foto/ EPA
Спорт
Интер го декласира Комо
Фудбалерите на Интер убедливо го победија Комо со 4:0 (1:0) во натпреварот од 15-то коло на италијанската Серија А.
Момците на Кристијан Киву, слободно може да се каже, го декласираа тимот на Сеск Фабрегас, најпријатното изненадување во досегашниот тек од сезоната.
Веќе во 11-тата минута, Лаутаро Мартинез ги доведе „нероазурите“ во водство и го најави триумфот на домашниот тим.
Комо се држеше максимално во првото полувреме, имаше неколку можности за израмнување, а потоа гостите се распаднаа во продолжението.
Маркус Тирам ја удвои предноста на Интер во 59-та минута, а точно на истекот на 80-та минута, Хакан Чалханоглу, во свој стил, од работ на шеснаесетникот го зголеми резултатот на 3:0.
Конечниот резултат го постави Карлос Аугусто во 86-та минута.
Интер ја забележа 10-та последователна победа во лигата над Комо, кој не постигна гол во претходните пет меѓусебни средби.
По овој натпревар Серија А, повторно има нов лидер, барем додека Милан не го одигра својот натпревар.
Foto/ EPA

