Спорт
Конте доцнеше еден час на прес, па порача: Тотенхем мора да има визија
Антонио Конте доцнеше еден час на својата прва прес-конференција како менаџер на Тотенхем откако го продолжи тренингот на својот тим по што јасно порача дека неговите фудбалери мора да бидат физички подобро подготвени и ментално посилни, а клубот треба да почне со визија.
Италијанецот е воодушевен од „најдобрите услови за тренинг и работа“ на светот што ги има лондонскиот клуб, но дека фокусот треба да се сврти на работите што се прават на теренот.
„Предизвикот е голем. Го познавам овој клуб долго време и знам дека нема освоено титули многу години, но тоа не се случува по еден-два дена или во еден или два месеца. Морате да имате физија. Клубот имаше фантастична визија надвор од теренот и сега треба да има визија и за фудбалот. Клубот има неверојатен стадион и тренинг-центар, сега е потребно време. Клубот ме избра и јас сум почестен, но знам колку е потребно да се сменат работите на теренот. Искрено, мораме да смениме многу работи“, вели Конте.
Познат по својата дисциплина и барањето за напорна работа, Конте имаше порака и за своите играчи.
„Мораме да се подобриме во многу аспекти. Сите фудбалери, не само еден или двајца. Секој мора да работи на својата физичка подготвеност за да ја разберат мојата идеја на фудбалот. Тактички и физички мораат да бидат подготвени да страдаат“, додава Конте.
?”This is a big big challenge, I think this club has a great vision outside the pitch and we’re starting to have a good vision on the pitch.”
Antonio Conte needs time with Tottenham Hotspur and can see potential winners in them pic.twitter.com/OGB0uNKaqs
— Football Daily (@footballdaily) November 5, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.
Спорт
„Мундо депортиво“: Зидан се договорил со Баерн Минхен
Зинедин Зидан ќе биде новиот тренер на Баерн Минхен, пренесува каталонскиот „Мундо Депортиво“. Зидан е без работа откако го напушти Реал Мадрид пред три години.
„Дознаваме дека преговорите се при крај, дури и двете страни сметаат дека се е готово и практично завршено. Зидан само побарал да му се доведат засилувања, особено во одбраната“, тврдат овој извор.
Зидан планираше да стане селектор на Франција, но Дидие Дешамп и понатаму останува на таа позиција. Од друга страна, Баерн, кој по 11 години остана без титулата германски шампион, сакаше да го доведе германскиот селектор Јулијан Нагелсман, но тој го продолжи договорот до 2026 година.
Претходно ПСЖ и Манчестер јунајтед се обидоа да го доведат Зидан, но тој ги одби нивните понуди.
Зидан, 51-годишникот од Марсеј, освои три ЛШ со Реал Мадрид, две шампионски титули на Шпанија, по два УЕФА и шпански Суперкупа, две титули на Светското клупско првенство…
Спорт
Рома преговара за трансферот на Киеза
Тренерот на Рома, Даниеле Де Роси, кој го продолжи договорот со клубот, е голем фан на фудбалерот на Јувентус, Федерико Киеза. Де Роси не кри дека би сакал да го има во својот тим крилниот напаѓач.
Де Роси работеше со него додека му беше асистент на Роберто Манчини во италијанската репрезентација.
Договорот на Киеза со Јувентус истекува во јуни 2025 година, што значи дека ова лето влегува во последната година од истиот.
Тоа значи дека ова лето е веројатно последна шанса клубот да заработи нешто од неговата продажба.
Свесни за ова, челниците на Рома веќе закажале состанок со неговиот менаџер Фали Рамадани.
Покрај Рома, интерес за Киеза покажува и Њукасл.