Спорт
Конте со легендарен одговор: Ришарлисон е во право! Неговата сезона е ср.ње!

Атмосферата во Тотенхем, очигледно не е на највисоко ниво по елиминацијата во Лигата на шампиони од Милан, откако по бурното интервју на Ришарлисон кој изјави дека сезоната е „ср.ње“ и беше зачуден зошто менаџерот Антонио Конте не го постави во игра од стартот на мечот.
Сега, Конте признава дека го гледал интервјуто на Бразилецот, кој пристигна од Евертон за 50 милиони фунти, и реши да му одговори директно.
„Да, го гледав интервјуто на Ришарлисон и тој не ме критикуваше мене. Тој кажа: ‘Мојата сезона е ср.ње’ и е во право, бидејќи нема добра сезона со многу повреди. Започна добро со нас, потоа се повреди, па отиде на СП и имаше нова повреда. Потоа паузираше еден месец со нова повреда. Имаше нула голови со нас, само два гола во Лигата на шампиони и мислам дека беше искрен дека неговата сезона не е ддобра. Но, неговата сезона и нашата сезона не е завршена, така што има време да се опорави. Ако заслужува да игра, му давам шанса, ако не, тогаш има и други играчи. Ако ме прашате за остатокот ан интервјуто, мислам дека направи грешка што зборуваше само со ‘јас, јас, јас’, наместо со ‘ние’. Тоа значи дека мислиш само на себе и си себичен. Затоа на моите играчи им велам дека ако сакаат да изградат нешто важно, тогаш треба да зборуваат со ‘ние’“, вели Конте.
Conte: “I watched Richarlison interview, he didn’t criticise me. He said my season is s*** and he’s right”. ⚪️ #THFC
“When you speak of 'I' and not 'us' you are being selfish — it was a mistake, he apologised”.
🎥 @footballdaily pic.twitter.com/Xlf3xJ1mWm
— Fabrizio Romano (@FabrizioRomano) March 10, 2023
Ришарлисон му се извинил на Конте, кој признава дека неговиот тим е премногу „мек“ и дека е потребно единство во клубот.
„Теренот е важен, тактиките се важни, но духот и желбата за борба и оганот во очите се многу поважни. Тоа мора да го сфатат моите играчи за да одиме напред. Имам многу добри момци, но понекогаш не е доволно да се биде добар човек. За да се освои дуел, треба да си незгоден, а не фин“, додава Конте.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Чаби Алонсо не го сака Асенсио, тој нема намера да го напушти Реал

Чаби Алонсо беше исклучително авторитативен во своите барања откако го презеде Реал Мадрид ова лето.
Алонсо побара сериозни инвестиции од клубот во одбраната, што резултираше со доаѓањето на Трент Александар-Арнолд, Дин Хујсен и Алваро Карерас.
Според извештаите, клубот сè уште е на пазарот, се бара уште еден дефанзивец, со оглед на повредите и променливата форма на искусните играчи како Давид Алаба и Едер Милитао.
Во центарот на сите тие неизвесности, Раул Асенсио требаше да биде важна фигура во задната линија на Реал. Сепак, неговите неодамнешни натпревари во дресот на „кралскиот клуб“ значително влијаеја на неговиот статус, бидејќи Алонсо, според порталот „OK Diario“, ја изгубил довербата во младиот дефанзивец.
„ Асенсио нема никого да обвини освен себеси, бидејќи не го даде својот максимум на Светското клупско првенство и не го помина ригорозниот „тест“ на Алонсо, ставајќи ја неговата иднина во клубот во прашање“, пишува овој извор.
Постои голема неизвесност околу 22-годишникот, кој неодамна потпиша нов договор до 2031 година, откако блесна под водство на Карло Анчелоти минатата сезона.
Тој ги искористи повредите на своите поискусни соиграчи и влезе во првиот тим, имаше одлични игри. Сепак, неговите перформанси нагло паднаа во вториот дел од сезоната, а тоа беше особено очигледно на Светското клупско првенство.
Асенсио направи голема грешка во првиот натпревар против Ал Хилал, кога направи прекршок за пенал. Во вториот натпревар, против Пачука, доби црвен картон за непромислен старт.
Алонсо потоа го остави надвор од почетната постава до полуфиналето против ПСЖ, кога Хујсен беше отсутен.
Неговата слаба решителност и несигурните додавања од задната линија предизвикаа загриженост кај Алонсо, со оглед на тоа што тие елементи се клучни за стилот на игра што го форсира шпанскиот тренер.
Се вели дека Алонсо планира да користи формација со тројца во задната линија, но настапите на Асенсио не влеваат доволно доверба за да биде дел од тие планови.
Од друга страна, Асенсио е решен да се докаже во Реал Мадрид и ги отфрли понудите од клубови како Челзи, ПСЖ, Милан и Порто.
Спорт
Откриено е зошто Тадиќ не се пресели во Атлетико Мадрид

Српскиот фудбалер Душан Тадиќ неодамна беше на прагот да се пресели во Атлетико Мадрид, но договорот пропадна во последен момент.
Тадиќ пристигна во шпанската престолнина на завршните преговори, но договор не беше постигнат.
Според „Телеграф“, „јорганџиите“ во меѓувреме ја смениле својата понуда и му понудиле на Тадиќ помалку пари од договореното.
Атлетико ја намалил сумата која требала да му биде исплатена преку бонусите, во зависност од настапие, головите, асистенциите, освоените трофеи….
Откако не успеа да се договори со Тадиќ, Атлетико го ангажираше Тијаго Алмада од Ботафого, кој игра токму на позицијата на Душан, а цената на трансферот беше 21 милион евра.
Тадиќ го напушти Фенербахче на крајот од минатата сезона, Црвена звезда и Војводина се распрашуваа за него, но постојат големи шанси тој да ја продолжи кариерата во странство.
Спорт
Ливерпул подготвува рекорден трансфер

Фудбалскоот клуб Ливерпул подогтвил понуда за Александер Исак, со која ќе го сруши британскиот трансфер рекорд.
„Ливерпул е подготвен да понуди голема сума за Александар Исак откако ќе се заврши продажбата на Луис Дијаз. Исак е заинтересиран за трансфер и воопшто не преговара со клубови од Саудиска Арабија. Тој е фокусиран исклучиво на Ливерпул. Сега сè е насочено кон Њукасл, додека Ливерпул чека, но тој е подготвен да влезе во преговори со својата рекордна понуда“, пишува Фабрицио Романо.
Деталите за понудата што Ливерпул ќе ја испрати до Њукасл за Александар Исак ги откри ннсајдерот Саша Таволиери.
Според неговите информации, станува збор за фиксна сума од 120 милиони фунти (малку повеќе од 138 милиони евра), а на тоа се додаваат и можни бонуси.
Тоа би бил најскапиот трансфер во историјата на Ливерпул и Англија и трет најскап во историјата на фудбалот. Само ПСЖ плати повеќе за Нејмар (222 милиони) и Килијан Мбапе (180 милиони).
Фото/ Принтскрин