Спорт
Конте: Тотенхем направи многу трансфер-грешки, не смее да се повторат
Менаџерот на Тотенхем, Антонио Конте го опиша јануарскиот преоден рок на клубот како „многу чуден“, откако повеќе фудбалери заминаа од лондонскиот клуб.
Тотенхем ги добија Родриго Бентанкур и Дејан Кулушевски од Јувентус, но затоа на позајмица си заминаа нивното рекордно засилување Танги Ндомбеле, Џовани Ло Селсо, Брајан Хил (кој дојде во текот на летото), а продаден беше и Деле Али. Ова според Конте е доказ за „грешките“ кои биле направени во претходните преодни рокови и го предупреди претседателот Дејвид Леви дека мора да „обрне повеќе внимание“ тоа да не се повтори.
„Беше чудно во јануари да пратиме четири фудбалери на позајмица и да продадеме уште еден. Тоа значи дека треба да видите што сте направиле во минатото и да сфатите дека има некои грешки. Бидејќи обично купуваш играчи да го засилиш тимот. Но, ако ги праќаш на позајмица тие што си ги купил во последните две-три години, тоа значи дека нешто си згрешил. Затоа, мораме да обрнеме многу повеќе внимание во иднината кога ќе одиме на пазарот на играчи. Важно е да го засилиш квалитетот, а не да го ослабиш својот тим. Се надевам дека во клубот ме слушнаа, бидејќи имам визија и сакам да го подобрам тимот. Во минатото сум градел добра структура, тимови кои траат подолго, со или без мене“, вели Конте.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Родриго падна во „црна дупка“, 30 натпревари не постигнал гол
Родриго успеа да го израмни негативниот рекорд на Реал Мадрид.
Бразилецот врза 30 натпревари во дресот на Реал во кој не постигна гол, што е најлошата серија, на напаѓач во историјата на „кралскиот клуб“.
Со доаѓањето на Чаби Алонсо, Родриго целосно падна во втор план, откако беше незаменлив под водство на Карло Анчелоти. Ова лето, дури се шпекулираше дека Флорентино Перез го проценува на 100.000.000 евра и дека е подготвен да го продаде.
Беа споменати бројни клубови како – Ливерпул, Баерн Минхен, Арсенал и Челзи, но на крајот никој не беше подготвен да плати таква сума.
И очигледно, беа во право. Родриго е сигурна и, како што велат, „лоша“ резерва, бидејќи веќе со недели и месеци не придонесува во играта.
Тој го постигна својот последен гол за Реал на 4 март против Атлетико Мадрид во Лигата на шампионите, додека во Ла Лига последен пат постигна гол на 19 јануари против Лас Палмас.
Спорт
Матјаж Кек повеќе не е селектор на Словенија
Матијаж Кек повеќе не е селектор на фудбалска репрезентација на Словенија. По седум години соработка, 64-годишниот стручњак и Фудбалскиот сојуз на Словенија (НЗС) одлучија да тргнат по различни патишта, потврди НЗС во официјално соопштение.
Договорот на Кек истече на 30 ноември, а по разговор со претседателот на НЗС, беше заклучено дека соработката нема да продолжи, пишува Siol.net.
„На 30 ноември истече договорот на селекторот на сениорската репрезентација, Матјаж Кек. Претседателот на Фудбалскиот сојуз на Словенија и селекторот Матјаж Кек се сретнаа и по разговорот заклучија дека по седум години многу добра и коректна соработка, која донесе и исклучителен успех со пласманот на Европското првенство и осминафиналето, соработката да не продолжи“, се вели во соопштението за јавноста на НЗС.
Со ова, официјално започна потрагата по нов тренер, а медиумите веќе го поврзуваат Кеко со враќање во Хрватска, каде, наводно, Звонимир Бобан сака да го види на клупата на Динамо Загреб.
НЗС се заблагодари на Кек за сè што постигна. Достигнувањата, како што наведуваат, засекогаш ќе останат запишани во историјата на словенечкиот фудбал.
Кек остави длабока трага во словенечкиот фудбал, водејќи ја репрезентацијата во два наврати, вкупно повеќе од една деценија. Во својот прв мандат (2007 – 2011), тој ја предводеше Словенија до Светското првенство во 2010 година, каде што победија против Алжир.
Вториот, уште подолг мандат започна на крајот од 2018 година и беше крунисан со пласман за ЕП 2024, каде што Словенија стигна до осминафиналето и беше елиминирана од Португалија по изведување на пенали.
Раководството на НЗС, предводено од претседателот Раденко Мијатовиќ и директорот на репрезентацијата Миленко Ачимовиќ, сега има задача да го пронајде наследникот на Кек. Здружението вели дека нема да брза со одлуката, бидејќи следниот собир на репрезентацијата е дури во март 2026 година.
Спорт
Почина Никола Пјетранѓели, легенда на италијанскиот тенис
Никола Пјетранџели, поранешен италијански тенисер, почина на 93-годишна возраст.
Двоен шампион во сингл на Ролан Гарос (1959, 1960), тој беше првиот Италијанец што освоил Гренд слем титула, а во текот на својата кариера крена 48 трофеи.
Беше селектор на тимот на Италија во Дејвис купот што ја освои „Салатара“ во 1976 година, по што ќе поминат речиси четири децении пред „Азурите“ со Јаник Синер да го повторат тој успех.
Тој е рекордер на тоа натпреварување со дури 164 натпревари, како и победи во сингл (78) и двојки (42). Неодамна изјави дека на неговиот наследник Синер ќе му бидат потребни неколку животи за да го сруши неговиот рекорд за најмногу настапи во Дејвис купот.
„На Синер ќе му требаат три или четири животи за да ги сруши сите мои рекорди. Особено затоа што имам еден што е ненадминат – 164 натпревари во Дејвис купот. Сакам да кажам дека тој е на вистинскиот пат, има само 23 години. Секако, со исклучок на бројот на одиграни натпревари. Тој не може да го достигне тоа“, рече Пјетранџели.
Тој е единствениот Италијанец кој беше вклучен во Куќата на славните на тенисот во 1986 година.
Од 2006 година, стадионот во комплексот Форо Италико го носи неговото име.

