Во кино салите ширум Австралија се појави документарениот филм за Јелена Докиќ, во кој поранешната тенисерка зборува за различни теми, меѓу кои и играњето за репрезентацијата на Југославија.

Докиќ претрпела физичко и психичко малтретирање од нејзиниот татко, кој ја принудил да игра за репрезентацијата на Југославија во 2001 година:

„Би прифатила 100 години злоставување кога би можела да го вратам тоа што неколку години не играв за Австралија“, призна Докиќ и додаде:

„Тој ми одзеде нешто што толку многу го сакав. Ми го одзеде во тој момент. Тој седи во хотелска соба и го гледа ова додека 15.000 луѓе ме исвиркуваат. Сакав само да пропаднам во земја и да исчезнам и никогаш да не се вратам”.

Докиќ признава дека би издржала тешка семејна ситуација и злоставување отколку да и бидат одземени блиските луѓе.

„Би прифатила секаква злоставување, што било на овој свет, доколку не го поминам лично, на не ми бидат одземени моите луѓе. Австралијците и моите обожаватели и сите кои отсекогаш ме поддржувале, да не беа потребни 10 или 15 години додека не излезе мојата книга за да ја дознаат вистината и колку навистина ја сакам Австралија“.

Докиќ беше четврта тенисерка во светот, а нејзиниот најдобар Грен слем пласман беше полуфиналето на Вимблдон во 2000 година.

Мамс Тејлор, промоторот на организацијата „Мисфитс бокс“ најави пресметка во рингот меѓу Златан Ибрахимовиќ и Вејн Руни.

Веќе некое време се шпекулира дека Златан би можел да се испроба во боксот, а сега стигна и потврдата.

„Разговарав со Златан за борбата. Јас сум добар пријател со неговиот менаџер и ние тројца разговаравме на ова тема. Беше многу интересно бидејќи Златан гледаше многу борби во нашата организација и знае за што се работи. Тој би бил одличен боксер“, рече Тејлор, а потоа го откри името на ривалот:

„Како што стојат работите, противник на Златан ќе биде Руни. Имаше разговори за тоа и мислам дека е само прашање на време. Има и други имиња, но тие не се толку големи како овие двајца”.

Засега не се знае кога советникот во Милан и тренерот на Плимут би можеле да си ги одмерат силите. Руни е познат како голем љубител на боксот, но засега не се огласил по повод можната борба.

Двајцата играа заедно во Манчестер Јунајтед каде ја освоија Лига Европа, Лига Купот и Комјунити Шилд.

Победата на Галатасарај против Тотенхем (3:2) во Лига Европа мина во сенка на повредата на Мауро Икарди.

Искусниот аргентински напаѓач ги повредил предните вкрстени лигаменти на коленото и го чека операција, а потоа и долг период на рехабилитација.

Икарди оваа сезона постигна шест гола и забележа за две асистенции за Галатасарај.

Во Лига Европа, Галатасарај со три победи и реми се наоѓа во група на пет тима со ваков учинок, веднаш зад Лацио кој е единствен со четири победи. Во турската Супер лига, актуелниот шампион е лидер, со натпревар помалку има три бода повеќе од Самсунспор и пет од Фенербахче.

Момчето од Росарио има 31 година, неговиот договор со Галатасарај истекува за 18 месеци.