Далас Маверикс го загубија натпреварот против Минесота Тимбервулвс (99:105). На две ипол минути до крајот на првото полувреме Маверикс останаа без Лука Дончиќ. Словенецот ја повреди потколеницата на десната нога и според американските медиуми го очекува шест неделна пауза.

Инаку, Дончиќ повторно ги честеше соиграчите и стручниот штаб за Божик. Минатата година им купи скапи електрични велосипеди на сите соиграчи, тренери и вработени во клубот, а годинава подароците на две тркала ги замени со подароци на четири тркала.

Целиот тренерски штаб и сите соиграчи добија картинг тркачки автомобили.

Американските медиуми не ги наведуваат износите на персонализираните подароци на Дончиќ, но наведуваат дека нивната почетна цена на веб-страницата на компанијата од која се купени е 2.000 долари. Тие достигнуваат брзина од околу 50 km/h. Некои од нив ги испробаа веднаш.

„Ако не си прв, тогаш си последен“, рече Клеј Томпсон зад воланот.

Luka is spreading Christmas cheer once again 🎁🎅

This year, he gifted @Segway Gokarts to the team and basketball staff. Just call him Luka Claus!@luka7doncic // #MFFL pic.twitter.com/iQrv5ZXriS

— Dallas Mavericks (@dallasmavs) December 25, 2024

Кошаркарите на ЛА Лејкерс, Феникс Санс и Филалделфија Севентсиксерс забележаа победи во натпреварите во НБА лигата.

Спектакуларен меч во Сан Франциско одиграа Голден стејт Вориорс и ЛА Лејкерс. Гостите од ЛА славеа со 115:113 со поените на Остин Ривс во последните секунди.

Неверојатна завршница имаше натпреварот во Сан Франциско. Вориорс успеаја да дојдат до 113:113, откако погодија три тројки во последната минута, но Кари не успеа да го режира пресвртот на својот тим. Ривс на две секунди до крајот ги постигна последните поени на натпреварот.

AUSTIN REAVES WINS IT FOR THE LAKERS ON #NBAXmas! pic.twitter.com/7SFj98Lmuh

— NBA (@NBA) December 26, 2024

Ривс со трипл-дабл ги предводеше Лејкерси, забележа 26 поени и по 10 скока и асистенции. Џејмс беше незапирлив со 31 поен и 10 скока, Руи Хачимура придонесе со 18 поени и Макс Кристи со 16.

Кај Вориорс, Кари постигна 38 поени, од кои осум тројки од 15 шута. Ендрју Вигинс мечот го заврши со 21 поен.

Феникс славеа во Денвер со 110:100. На Нагетс не им помогнаа ниту 25 поени и 15 скока на Никола Јокиќ. Феникс го предводеа Кевин Дурент и Бредли Бил со по 27 поени.

Филаделфија го победи шампионот Бостон со 118:114. Гостите водеа во текот на целиот натпревар, а клучната серија (12:2) ја направија на почетокот на последниот период.

Макси беше најефикасен со 33 поени и 12 асистенции, Ембиид постигна 27 поени (девет скока), Мартин додаде 23, а Јабусуле и Џорџ уфрлија по 12 поени.

На спротивната страна се истакна Тејтум со 32 поени и 15 скока, а беше следен од Браун со 23 и Дерик Вајт со 21 поен.

Кошаркарите на Минесота го совладаа Далас со 105:99 во еден од петте НБА натпревари закажани како дел од божиќниот специјал во најсилната лига во светот.

Најголема грижа на Далас пред овој меч беше состојбата на Лука Дончиќ, но Словенецот се опорави од повредата на петата (контузија) и го започна мечот, но заработи нова повреда (левата потколеница) и ја напушти играта на две ипол минути до крајот на втората четвртина. До тој момент Дончиќ постигна 14 поени.

Далас во тој момент веќе имаше двоцифрен минус, Минесота ја презема контролата, на полувреме имаа предност од 17 поени. Во третиот период на Рендл, Едвардс и Гоберт им се приклучи и Дивиченцо, Минесота дојде до највисоката предност од 28 поени, а третиот период го заврши со водство 90:68.

Но, со неверојатна поддршка од публиката, кошаркарите на Далас предводени од Кајри Ирвинг, не само што се вратија во натпреварот, туку на 48 секунди до крајот имаа само минус од два поени (101:99), и напад, но Ирвинг промаши тројка.

Потоа на сцена стапи Едвардс, погоди два пати во низа и го постави конечниот резултат.

Ентони Едвардс ја предводеше Минесота до победата со 26 поени, осум скока, пет асистенции, две украдени топки и една блокада. Џулиус Рендл постигна 23 поени, 10 скока и 8 асистенции, додека Руди Гоберт забележа 14 поени, 10 скока и две блокади.

Кај Далас Кајри Ирвинг постигна 39 поени, Лука Дончиќ со 14, Клеј Томпсон 12 и Квентин Грајмс 10 поени.