Голден стејт Вориорс и Орландо Меџик се пласираа во плеј-офот во НБА лигата со победите над Мемфис, односно Атланта. Вориорс во првата рунда на Западот ќе играат против Хјустон, а Орландо на Истокот за противник ќе го има Бостон.

Стеф Кари и Џими Батлер го предводеа Вориорс до победата над Мемфис 121:116. Тие заедно постигнаа 75 поени.

Мемфис започна одлично. Морант беше лидер на тимот, гостите водеа со 11:2, но потоа се појави Џими. Почна да погодува од сите позиции, Вориорс водеа дури и со 13 разлика во првото полувреме, но Мемфис го врати резултатот со серија од 7:0.

Во продолжение Вориорс одлично шутираа, во вториот дел остварија 20 поени предност. Меѓутоа, на спротивната страна се појави Морант го врати Мемфис во натпреварот.

Во третиот Мемфис уште повеќе го засилија ритамот и во последниот период влегоа со минус од еден поен (91:92).

До самиот крај на натпреварот беше неизвесно, а потоа се појави Стеф Кари. Тој погоди две тројки и му донесе предност на Голден Стејт од шест поени. Следуваше пенал завршница која им припадна на Вориорс.

Најефикасни во победничкиот табор беа Џими Батлер со 38 поени и Стеф Кари со 37 поени. Од друга страна, Дезмонд Бејн постигна 30 поени, а Џа Морант додаде 22.

Орландо Меџик убедливо победи против Атланта Хокс со резултат 120:95 и закажа дуел со Бостон Селтикс во плеј-офот.

Тимот на Меџик одигра фуриозно прво полувреме, пред се дефанзивно и стекна предност од 15 поени. Атланта во третиот период започна да ја топи разликата, но не успеа да избори нешто повеќе. Орландо во последната четвртина го декласира противникот со 41:22.

Една од најпопуларните спортски двојки во светот, поранешната тенисерка Ана Ивановиќ и поранешниот фудбалер Бастијан Швајнштајгер одлучија да се разведат, пишува „Билд“.

Овој германски медиум се повикува на магазинот „Бунте“ и пишува дека Србинката и Германецот два месеца живеат одвоено, а сега наводно решиле да поднесат документи за развод.

Швајцајгер поголемиот дел од времето го поминува во Минхен, каде што се занимава со бизнис, а Ивановиќ решила со трите сина да се врати во родниот Белград, каде што купила стан од околу 100 метри квадратни во близина на станот на нејзините родители.

Оваа вест шокираше многумина бидејќи Ана и Бастијан важеа за хармоничен пар. Тие често доаѓаа во Србија заедно со синовите Лука, Леон и Тео. Швајнштајгер често ги следеше натпреварите на кошаркарскиот клуб Партизан од првиот ред со братот и таткото на Ана и изгледаше дека е близок со целото нејзино семејство.

„Билд“ наведува дека токму нивната љубов ги навела да веруваат дека бајките можат да бидат реални, но очигледно не било се така идилично како што се прикажува.

Ана и Бастијан стапија во брак пред девет години во Венеција, а целиот настан го проследија германските, српските и светските медиуми, бидејќи и двајцата тогаш беа успешни спортисти.

Тие двајца не се огласија во врска со овие пишувања.

Карло Анчелоти зборуваше на прес-конференцијата пред реванш натпреварот од четвртфиналето на Лигата на шампионите помеѓу Реал и Арсенал во Мадрид.

Арсенал го доби првиот натпревар со резултат 3:0. Што се однесува до Анчелоти, неговиот тим е „уште жив“.

„Имаме квалитет да ги свртиме работите во наша полза, имаме посветеност и искуство, ги имаме и навивачите. Имаме се што ни треба, сега на нас е да дадеме се од себе. Ментално, на добро место сме, треба добро да ја контролираме играта”, изјави Анчелоти на почетокот на конференцијата.

„Сантијаго Бернабеу има магија, сите знаат колку е специфична атмосферата. Утре ќе ни треба малку од се – квалитетна и комплетна изведба, физички, индивидуално и колективно. Ништо од оваа не смее да тргне наопаку. Мотивацијата е тука, а сега сакам само играчите да бидат мирни пред натпреварот. Знам дека ќе дадеме се од себе. Се разбира, секогаш е добро кога ќе постигнеш гол рано на важен натпревар. Најважно за мене е што ја имаме контролата врз играта. Се работи за обидот да се даде максимум на почетокот, да се воспостави контрола и кога го имаш тоа, можеш да постигнеш гол во секоја минута. Мора да играме сериозно. Со глава, срце, ма..ња. Мислам дека се чувствуваме добро ментално, важно е да бидеме доследни и да ја контролираме играта“, рече Анчелоти.

Натпреварот во Мадрид се игра во среда од 21 часот.