Поранешниот шампион на Италија и освојувач на европски трофеј, Сампдорија, испадна во третата лига на италијанскиот фудбал. Во последното коло од Серија Б, Сампдорија одигра без гол против Јуве Стабија (0:0), но резултатите од другите натпревари не им одеа во прилог. Тоа значеше дека за прв пат во 79 години постоење, клубот од Џенова се пресели во Серија Ц.

Навивачите на Сампорија се појавија на тренингот на тимот во петокот и побараа од фудбалерите да ги соблечат дресовите, бидејќи, како што им рекле на фудбалерите, тие не биле достојни да ги носат боите на клубот.

Три дена по испаѓањето, атмосферата во и околу клубот е вжештена. Околу стотина лути навивачи се собраа пред спортскиот центар „Мугнаини“ во Болјаско, каде што тимот на тренерот Алберико Евани имаше еден вид „казнен“ тренинг, пишува „Газета дело Спорт“.

Протестите биле жестоки – навивачите ги навредувале играчите и извикувале слогани како „Вие сте го..а“, „Овде нема место за предавниците на Сампдорија“ и „Ќе ве скршиме“.

Најголемото понижување се случи кога играчите мораа да ги соблечат дресовите и да им ги предадат на мала група ултраси кои ги чекале пред центарот.

„Не сте достојни да ги носите“, им порачале навивачите.

Испаѓањето во Серија Ц претставува болен пад за клубот кој беше шампион на Италија во 1991 година и го освои Купот на победниците на куповите во 1990 година.

Сампдорија, исто така, има четири трофеи од Купот на Италија и еден италијански Суперкуп во своите витрини. Денес, 33 години по своите најславни денови, се соочува со најтешкиот период во историјата.

Hanno fatto ciò per cui ci hanno sempre criticato ahahah. DOVE CAZZO È FINITO LO STILE SAMPDORIA pic.twitter.com/VhtSwqUFVP

— 𝟏𝟖𝟗𝟑 (@alexgenoa_1893) May 16, 2025

Најдобриот голман во светот, според ФИФА, Емилијано Мартинез, емотивно го доживеа крајот на натпреварот против Тотенхем. Астон Вила во претпоследното коло го победи Тотенхем со 2:0 и остана во трката за место во Лигата на шампионите. Дуелот од претпоследното коло беше последен за Вила оваа сеозна пред домашната публика.

Менаџерот на Астон Вила, Унаи Емери, рече „ќе видиме“ кога беше прашан за иднината на Емилијано Мартинез, откако аргентинскиот голман се расплака на крајот од победата против Тотенхем.

Двократниот голман на годината според ФИФА одигра 211 натпревари за Астон Вила откако пристигна од Арсенал во 2020 година.

Мартинез е многу блиску до изненадувачки трансфер во Саудиска Арабија, тврди Фабрицио Романо.

„Ова беше последниот натпревар овде оваа сезона и не знам. Ќе видиме каква ќе биде ситуацијата со тимот, со играчите, но она што е сигурно е дека тие даваат се од себе на теренот“, рече Емери.

Рој Кин повторно ги критикуваше играчите на Манчестер Јунајтед, овој пат конкретно „удри“ по Расмус Хојлунд. Данецот против Челзи имаше уште едно лошо издание оваа сезона.

Јунајтед беше поразен синоќа пред финалето на Лига Европа против Тотенхем, со што ја продолжи катастрофалната низа, само два освоени бода од почетокот на април и пет порази во последните шест натпревари.

Тимот на Рубен Аморим падна на 16. место во Премиер лигата. Зад ЈУнајтед на табелата се само Тотенхем и трите тима кои испадна од Премиер лигата. Сите надежи ги полагаат на финалето во Билбао, кое би можело да претставува единствен спас во сезоната.

Расмус Хојлунд, напаѓач кој беше платен 85 милиони евра пред две години, а кој постигна само четири гола на 31 натпревар во Премиер лигата оваа сезона, многумина го сметаат за еден од симболите на неуспешната сезона. Рој Кин без двоумење го изрази своето незадоволство на „Скај Спортс“.

„Тие немаат напаѓач. Хојлунд вечерва изгледа како тоа дете од Челзи, Тирик Џорџ. Како штотуку да излегол од академијата, игра како дете од фудбалско училиште. Неговото трчање, неговото темпо, како игра кога со грб е свртен кон голот, сè беше погрешно“, рече Кин и додаде:

„Кога си напаѓач на Манчестер јунајтед, мора самиот да создадеш нешто. Големите клубови секогаш имаат напаѓачи кои прават разлика дури и кога нема да добијат совршена топка, поради талентот, искуството, фудбалската интелигенција. Тоа не го гледаме во Хојлунд.“

Кога водителот Дејв Џонс го праша дали Хојлунд би бил подобар со подобри соиграчи, Кин одмавна со раката: „Постојано наоѓаме изговори за него. Јасно е дека му треба помош, но понекогаш едноставно мора да бидеш подобар. Платен си 85 милиони евра.“